ދައުރު ނިމުމުގެ ކުރިން ފުޓްސަލް އިންޑޯ ދަނޑެއް އަޅާނަން: މަހްލޫފް

Mar 30, 2022, 6:25 AM
ޔޫތު މިނިސްޓަރު އަހުމަދު މަހްލޫފް ރައްޔިތުންގެ މަޖިލީހުގެ މިއަދުގެ ޖަލްސާގައި މެމްބަރުންގެ ސުވާލުތަކަށް ޖަވާބު ދެއްވަނީ. އޭނާ ވިދާޅުވީ ސަރުކާރުގެ ދައުރު ނިމުމުގެ ކުރިން ފުޓްސަލް އިންޑޯ ދަނޑެއް އަޅާނެ ކަމަށް --- ފޮޓޯ: މަޖިލީހުގެ އިދާރާ

ޔޫތު މިނިސްޓަރު އަހުމަދު މަހްލޫފް ރައްޔިތުންގެ މަޖިލީހުގެ މިއަދުގެ ޖަލްސާގައި މެމްބަރުންގެ ސުވާލުތަކަށް ޖަވާބު ދެއްވަނީ. އޭނާ ވިދާޅުވީ ސަރުކާރުގެ ދައުރު ނިމުމުގެ ކުރިން ފުޓްސަލް އިންޑޯ ދަނޑެއް އަޅާނެ ކަމަށް --- ފޮޓޯ: މަޖިލީހުގެ އިދާރާ

މި ސަރުކާރުގެ ދައުރު ނިމުމުގެ ކުރިން ރާއްޖޭގައި ފުޓްސަލް އިންޑޯ ދަނޑެއް އަޅާނެ ކަމަށް ޔޫތު މިނިސްޓަރު އަހުމަދު މަހްލޫފު މިއަދު ވިދާޅުވެއްޖެ އެވެ.

ރައްޔިތުންގެ މަޖިލީހުގެ މިއަދުގެ ޖަލްސާގަައި މެމްބަރަކު ކުރެއްވި ސުވާލަކަށް ޖަވާބު ދެއްވަމުން މަހްލޫފު ވިދާޅުވީ ރާއްޖޭގެ ފުޓްސަލް ގައުމީ ޓީމު ކުޅޭނެ ދަނޑެއް ނުލިބިގެން އުޅުނު ކަމަށް ބުނާ ސޯޝަލް މީޑިއާ ޕޯސްޓްތަކެއް ފެނިވަޑައިގެންނެވި ކަމަށާއި އެއީ އެހެން ނަމަވެސް އެޓީމަށް ހަގީގަތުގައި ނުލިބިގެން އުޅުނީ އިންޑޯ ދަނޑެއް ކަމަށެވެ. އެއީ، އެފަދަ ދަނޑެއް ރާއްޖޭގައި ނެތީމަ ކަަމަށް ވެސް އޭނާ ވިދާޅުވި އެވެ.

"މިއަދު ރާއްޖޭގައި ފުޓްސެލް އިންޑޯ ދަނޑެއް ނެތް. އެހެންވީމާ އެމްޔޫގެ އިންޑޯ ކޮމްޕްލެކްސްގައި ކުޅެން އެދުނީމާ ނުލިބުމަކީ، އަޅުގަނޑުމެން ވެސް އަދި އެފްއޭއެމުން ވެސް ކުރާނެ ކަމެއް ނެތް[މައްސަލައެެއް]،" ފުޓްސަލް ގައުމީ ޓީމް ޕްރެކްޓިސްކުރާނެ ތަނެއް ނުލިބުނު މައްސަލައިގެ ތަފްސީލު ދެއްވަމުން މިނިސްޓަރު ވިދާޅުވި އެވެ.

Advertisement

އެއާ އެކު އޭނާ ވިދާޅުވީ ކިރިޔާ ޖާގައެއް ލިބުނަސް އިންޑޯ ދަނޑެއް އަޅާނެ ކަމަށެވެ.

"އަޅުގަނޑަށް އެ ޔަގީންކަން އެބަ އޮތް. އަދި އަޅުގަނޑު އުއްމީދުކުރަނީ ހަމަ މި ދައުރު ނިމުމުގެ ކުރިން ފުޓްސަލް އިންޑޯއެއް ރާއްޖޭގައި އޮންނާނެ ކަަމަށް. އިރާދަކުރެއްވިއްޔާ އެކަން ކުރެވޭނެ،" މަހްލޫފު ވިދާޅުވި އެވެ.

ރާއްޖޭގައި މިހާރު ހުރި ދަނޑުތަކަކީ އައުޓްޑޯ ދަނޑުތަކަށް ވާތީ އެއީ ހަގީގަތުގައި ފުޓްސަލް ދަނޑުތަކެއް ނޫން ކަމަށް ވެސް އޭނާ ވިދާޅުވި އެވެ. އެހެން ނަމަވެސް، ދާދިފަހުން ގައުމީ ފުޓްސަލް ޓީމުން ކުޅުނު މެޗުތަކުގައި ރަނގަޅު ނަތީޖާތަކެއް ހޯދިކަން އޭނާ ފާހަގަކުރި އެވެ.

"ފުޓްސަލް އޭ ކިޔާފައި އަޅުގަނޑުމެން ހަދައިގެން މިތިބީ މިނީ ފުޓްބޯޅަ ޕިޗްތަކެއް. އެތަަނަށް އަރައި ފުޓްސަލްގެ ގަވައިދާ އެއްގޮތަށް މިކުޅެވެނީ ހަގީގަތުގައި އެހެން އެއްޗެއް،" މަހްލޫފު ވިދާޅުވި އެވެ.

ސަރުކާރުން މި ވަގުތު ފުޓްސަލް ކުޅެން ހަދާފައިވާ ދަނޑުތަކަކީ ޓާފް ކަމަށްވާއިރު، އެ ތަނުގައި ޕްރެކްޓިސް ކޮށްފައި ގޮސް، އިންޑޯ އެއްގައި މުބާރާތް ކުޅެން ޖެހުމުން ވާނެ އުނދަގޫ ގައުމީ ޓީމުން ވަނީ މި ފަހަރުގެ ތައިލެންޑް އިންވިޓޭޝަނަލް މުބާރާތާއި 2017 ވަނަ އަހަރު އޭޝިއަން އިންޑޯ ޗެމްޕިއަންޝިޕްގައި ވެސް ތަހައްމަލުކޮށްފަ އެވެ.

ފުޓްސަލް އިންޑޯއެއް ރާއްޖޭގައި ނެތްއިރު، އިންޓަނޭޝަނަލް މުބާރާތަކަށް ތައްޔާރުވާން ބޭނުން ކުރެވޭނެ ތަނަކަށް ކިރިޔާ ވެސް ޔޫތު މިނިސްޓްރީގެ ބެލުމުގެ ދަށުގައި އޮތް ތަނަކީ ސޯޝަލް ސެންޓަރު އިންޑޯ ކޯޓެވެ. އެކަމަކު، މި ވަގުތު އެތަނަކީ ހަތަރު ވަރަކަށް ގައުމީ ކުޅިވަރު އެސޯސިއޭޝަނުގެ އަހަރީ ކަލަންޑަރުގެ ގިނަ ހަރަކާތްތައް ބަރޯސާވެފައި އޮންނަ ތަނެވެ.

ދެކުނު ކޮރެއާގެ ސްކައިވިންޑް ކުންފުންޏާ ހަވާލުކޮށްގެން އެފްއޭއެމުން ހިންގަމުން އަންނަ އިންފްރާސްޓްރަކްޗާ ޑިވެލޮޕްކުރުމުގެ ޕްރޮޖެކްޓްގެ ތެރެއިން ފުޓްސަލް އިންޑޯ ކޯޓެއް އެޅުމުގެ ކަންތައްތަކެއް ކުރިއަށްދެޔެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox