ވިސްނުމަކީ އޮލިމްޕިކް ކޮމިޓީގެ ގިނަ ހަރަކާތްތައް ރަށްރަށަށް ގެންދިއުން

Mar 29, 2022, 4:29 AM
އޮލިމްޕިކް ކޮމިޓީގެ ސެކްރެޓަރީ ޖެނެރަލް ތަމޫ، އަހަރީ އާންމު ޖަލްސާގެ ތެރެއިން ވާހަކަ ދައްކަވަނީ.-- ފޮޓޯ: މުހައްމަދު ޝާބިން/ އަދަދު

އޮލިމްޕިކް ކޮމިޓީގެ ސެކްރެޓަރީ ޖެނެރަލް ތަމޫ، އަހަރީ އާންމު ޖަލްސާގެ ތެރެއިން ވާހަކަ ދައްކަވަނީ.-- ފޮޓޯ: މުހައްމަދު ޝާބިން/ އަދަދު

މޯލްޑިވްސް އޮލިމްޕިކް ކޮމިޓީ (އެމްއޯސީ)ގެ ޕްރޮގްރާމްތައް ކުރިއަށް އޮތްތަނުގައި ރާވާއިރު ވިސްނުމަކީ ގިނަ ހަރަކާތްތަކެއް ރަށްރަށުގައި ކުރިއަށް ގެންދިއުން ކަމަށް އޮލިމްޕިކް ކޮމިޓީގެ ސެކްރެޓަރީ ޖެނެރަލް ތަމޫހު އަހުމަދު ސައީދު (ތަމޫ) ވިދާޅުވެއްޖެ އެވެ.

މީގެ ކުރިން އޮލިމްޕިކް ކޮމިޓީގެ މިދިޔަ ދައުރުގެ އަހަރީ އާންމު ޖަލްސާއެއްގެ އިތުރުން ގިނަ ހަރަކާތްތަކެއް ބ. ގޮއިދޫގައި ކުރިއަށް ގެންދިޔަ އެވެ. ބާމިންހަމްގައި އަންނަ ޖުލައި މަހު ފަށާ ކޮމަންވެލްތު ގޭމްސް 2022 ގެ ކުއީންސް ބެޓަން ރިލޭގެ ގިނަ އިވެންޓްތަކެއް މި އަހަރު ކުރީކޮޅުގައި ހދ. ނޮޅިވަރަންފަރާއި ހދ. ނޮޅިވަރަމް އަދި ހއ. ދިއްދޫގައި ކުރިއަށް ގެންދިޔަ އެވެ.

މިިދިޔަ ހޮނިހިރު ދުވަހު ބޭއްވި އޮލިމްޕިކް ކޮމިޓިގެ އަހަރީ އާންމު ޖަލްސާ އަށް ފަހު ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން ތަމޫ ވިދާޅުވީ މީގެ ކުރިން ވެސް އޮލިމްޕިކް ކޮމިޓީގެ ބައިވަރެއް ހަރަކާތްތައް ރަށްރަށުގައި ކުރިއަށް ގެންގޮސްފައިވާއިރު، ވިސްނުމަކީ އެ އަދަދުތައް ކުރިއަށް އޮތްތަނުގައި އިތުރުކުރުން ކަމަށެވެ.

"އަޅުގަނޑުމެންގެ ޓާގެޓަކީ ވެސް އުންމީދަކީ ވެސް މުޅި ރާއްޖެ އަށް، އޮލިމްޕިކް ކޮމިޓީގެ ގިނަ ހަރަކާތެއް ގެންދިއުން. ގިނަ ރަށްރަށް ހިމަނައިގެން ބައިވެެރިކުރެވޭ ވަރަކަށް ކޮށްގެން ކުރިއަށްދިއުން. މިހާރުގެ ސަރުކާރުގެ ވިސްނުމާ އެއްގޮތަށް ހުރިހާ ކަމެއް ލާ މަރުކަޒީކޮށް މި ދަނީ. އޮލިމްޕިކް ކޮމިޓީ، ކުޅިވަރުގެ މައި އިދާރާ ކަމަށްވާއިރު، އަޅުގަނޑުމެން އެބަޖެހޭ ރަށްރަށާ ހިސާބަށް (ގިނަ ކަންކަން) ފޯރުކޮށްދޭން،" ތަމޫ ވިދާޅުވި އެވެ.

ރަށްރަށުގައި ކުރިއަށްގެންދަން ރޭވިފައި ހުރި ޕްރޮގްރާމްތަކަށް އަލި އަޅުވާލައި، ތަމޫ ވިދާޅުވީ "ޗެމްޕިއަން އޮފް ޗެމްޕިއަންސް" އަކީ ރަށްރަށުގައި ކުރިއަށް ގެންދެވިދާނެ މުހިންމު ކަމެއް ކަމަށެވެ.

"އެ ޕްރޮގްރާމް (ޗެމްޕިއަން އޮފް ޗެމްޕިއަންސް) މި ހިންގީ މާލޭގެ ސްކޫލުތަކުގައި. ދެން މި އޮތީ ރަށްރަށުގައި ހިންގުމުގެ ކަންތައްތައް. ބޮޑަށް ވާހަކަ ދެކެވެނީ، އެ ރަށަކަށް ނިސްބަތްވާ އެތުލީޓަކު އެ ރަށަކަށް ގެންގޮސްގެން (މި ޕްރޮފްރާމް) ގެންދަން،" ތަމޫ ވިދާޅުވި އެވެ.

"އެބަތިބި ރާއްޖޭގެ ނެޝަނަލް ޓީމުތަކުގައި (ވަރަށް ބޮޑެތި ސްޓަރަގްލް ކުރި) ރަށްރަށުގެ ކުދިން. އެ ކުދިން ގެންގޮސްގެން، އެ ކުދިން މިހާރު ތިބި ހިސާބަށް އައި ގޮތް ކިޔައިދިނުން އަސްލު މީގެ ބޭނުމަކީ، މިއީ ވަރަށް މުހިންމު ކަމެއް. ކުރަން ޖެހޭ ވެސް ކަމެއް،"

އޮލިމްޕިކް ކޮމިޓީން ކުޅިވަރު އެސޯސިއޭޝަންތަކަށް ކޯސްތަކާއި އެހެނިހެން މުހިންމު ފުރުސަތުތައް ހޯދައިދޭއިރު، މީގެއިން ޔޫތު ލެވަލުން ފެށިގެން ކުޅުންތެރިން ޑިވެލޮޕްކުރެވޭނެ ގޮތްތަކެއް އަބަދުވެސް ހޯދަމުން އަންނަ ކަމަށާއި ކުޅިވަރުތަކުގެ މަތީ ހަރުފަތުގައި ޒުވާން ކުޅުންތެރިންތަކެއް ފެންނަން ހުރުމަކީ އެސޯސިއޭޝަންތަކުން ޔޫތަށް ފޯކަސް ކޮށްގެން މަސައްކަތްތަކެއް ކުރަމުން އަންނަކަމުގެ ހެއްކެއް ކަމަށް ތަމޫ ފާހަގަކުރެއްވި އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox