ތަށިމުށި ބަރުކޮށްގެން ދިޔަ ދޯންޔެއް ރ. ރަސްމާދޫ ކައިރިން އަޑިއަށް ގޮސްފި އެވެ.
މި ދޯނި ދަތުރުކުރަމުން ދިޔައީ ރ. އުނގޫފާރުން ރ. އިންނަމާދޫ އަށެވެ. އަޑިއަށް ދިޔައީ "މިޔަރެން" ނަމަކަށް ކިޔާ ދޯންޔެކެވެ.
މި ދޯނިން ދަތުރުކުރީ ދެ ދިވެހިން ކަމަށާއި އެ ދެ މީހުން ވެސް ރައްކާތެރިކަމާއެކު މިހާރު ރ. އުނގޫފާރަށް ގެންގޮސްފައިވާ ކަމަށް އެމްއެންޑީއެފް އިން ބުނެ އެވެ. އެ ދެ މީހުންގެ ހާލު ވެސް ރަނގަޅެވެ.
މި ހާދިސާ ހިނގުމުން އެހީތެރިކަން ފޯރުކޮށްދިނީ ފުލުހުންނެވެ. އެ ދޯނި އަޑިއަށް ދިޔަކަމުގެ ރިޕޯޓް ފުލުހުންނަށް ލިބުނީ 12:15 ގަ އެވެ.
މި ހާދިސާ އާ ގުޅިގެން ބަލަން ޖެހޭ ކަންކަން މިހާރު އަންނަނީ ބަލަމުންނެވެ.
