ހ. ނޫއަލިގޭގައި ހިނގި އަލިފާނުގެ ހާދިސާއާ ގުޅިގެން ދުމުގެ އަސަރު ކޮށްފައިވާ 10 މީހަކަށް ހޮސްޕިޓަލުގައި ފަރުވާދެމުންދާ ކަމަށް އެމްއެންޑީއެފުން ބުނެފި އެވެ.
ނޫއަލިގޭގައި އަލިފާން ރޯވީ މިއަދު ހެނދުނު 8:55 ގަ އެވެ. އެ އަލިފާންގަނޑު އެއްކޮށް ނިއްވާލެވުނީ 9:25 ގަ އެވެ.
އެމްއެންޑީއެފުން ބުނީ އެ ހާދިސާގައި 10 މީހަކަށް ދުމުގެ އަސަރު ކޮށްގެން ފަރުވާ ހޯދުމަށް ސެނަހިޔާއަށް ފޮނުވާފައިވާ ކަމަށެވެ.
Advertisement
އެމްއެންޑީއެފްގެ ފަޔާ އެންޑް ރެސްކިއު ސާވީސްއިން އަލިފާންގަނޑު ނިއްވާލާފައި ވާއިރު، އިއްޔެ ވެސް މާލޭގައި ވަނީ އަލިފާނުގެ ހާދިސާއެއ ހިނގާފަ އެވެ.
އިއްޔެ ރޯވެފައި ވަނީ ހެންވޭރު ގެއެއްގެ ބަދިގޭގަ އެވެ. އެ ހާދިސާގައި އެއްވެސް މީހަކަށް އަނިޔާވެފައެއް ނުވެ އެވެ.
