އަލްބިއޮން އިން ކުރާ 2000ރ. އިން މަތީގެ ކޮންމެ ވިޔަފާރިއަކަށް އިނާމެއް ލިބޭ ޕްރޮމޯޝަނެއް ފަށައިފި އެވެ.
ރޯދާއާ ގުޅުވައިގެން ފެށި މި ޕްރޮމޯޝަން ފަށާފައި ވަނީ މި މަހުގެ 15ގަ އެވެ. މި ޕްރޮމޯޝަން ކުރިއަށް ދާނީ އަންނަ އޭޕްރީލް މަހުގެ ނިޔަލަށެވެ.
ޕްރޮމޯޝަންގައި 50 ޕަސެންޓް ޑިސްކައުންޓް ލިބޭ އެއްޗެހި ވެސް ހިމެނެ އެވެ. އެގޮތުން ރޫބީ، މުށި، ފާހަނައަށް ބޭނުންވާ ތަފާތު ބާވަތްތަކުން ޑިސްކައުންޓް ލިބެ އެވެ.
ރޯދަމަސް އައުމުގެ ކުރިން އެ ފިހާރައިން ކުރާ 2000ރ. އިން މަތީގެ ކޮންމެ ވިޔަފާރިއަކަށް އިނާމެއް ލިބޭނެ އެވެ. އެގޮތުން ވިޔަފާރި ކުރުމުން ކޮންމެ މީހަކަށް ވެސް ގުރުއަތުން ނެގޭ އިނާމެއް ލިބެ އެވެ.
އިނާމުތަކުގެ ތެރޭގައި ޓީޝާޓާއި ތޮފި، ގަލަން، ޕެންޑްރައިވް، ފޫޓުފީތާ، ނޯޓު ފޮތާއި ޕްރައިމާ އަތްދަބަސް ފަދަ ތަކެތި ހިމެނެ އެވެ.
މީގެ އިތުރުން ރޯދަ މަހު ކޮންމެ ހަފްތާއަކު ދެ އާއިލާއަށް، އާއިލާގެ ފަސް މެމްބަރުންނާ އެކު ރޯދަ ވީއްލުމަކަށް ދިއުމުގެ ފުރުސަތު ވެސް ލިބޭނެ އެވެ.
