ޝަންގްރިއްލާ ހުޅުވަން ބިލިއަން ރުފިޔާ ނޫނީ ރިސޯޓު ހިއްސާ

ޝަންގްރިއްލާ - ފޮޓޯ: އަގޯޑާ

ޝަންގްރިއްލާ - ފޮޓޯ: އަގޯޑާ

ޝަންގްރިއްލާ ރިސޯޓު ހުޅުވޭނީ އެ ރިސޯޓު ތަރައްގީކުރި އައްޑޫ އިންވެސްޓްމަންޓްސް ކުންފުނީގައި އޮތް ސަރުކާރުގެ 30 ޕަސެންޓު ހިއްސާ ދޫކޮށްލައިގެން ނޫނީ 68 މިލިއަން ޑޮލަރު (1.04 ބިލިއަން ރުފިޔާ)ގެ ލޯނެއް ދީގެން ކަމަށް ޓޫރިޒަމް މިނިސްޓަރު ޑރ. އަބްދުﷲ މައުސޫމް ވިދާޅުވެއްޖެ އެވެ.

އައްޑޫ އަތޮޅުގައި ހުޅުވި ފުރަތަމަ ރިސޯޓު ޝަންގްރިއްލާ ރިސޯޓް އެންޑް ސްޕާ ބަންދުކުރީ ކޮވިޑުން ލިބުނު ގެއްލުމުން އަރައި ނުގަނެވިގެން ކަމަށް ބުނި އޮގަސްޓު 20، 2020 ގަ އެވެ. އޭގެ ކުރިން ވެސް ގެއްލުމުގައި ހިންގަމުން އަންނަ އެ ރިސޯޓު ބަންދުކުރުމުން އެތަނުގައި ވަޒީފާ އަދާކުރާ 500 ވަރަކަށް މީހުންގެ ވަޒީފާ ގެއްލުނު ކަމަށް މީޑިއާ ރިޕޯޓުތައް ބުނެ އެވެ.

މި ރިސޯޓަކީ 2005 ގައި ދިވެހި ސަރުކާރާއި ހޮންގް ކޮންގްގެ ޝަންގްރިއްލާ ކުންފުނި ގުޅިގެން އުފެއްދި ޖޮއިންޓް ވެންޗާއެއް ކަމުގައިވާ އައްޑޫ އިންވެސްޓްމަންޓްސް އިން ހިންގާ ކުންފުންޏެކެވެ. ގާތްގަނޑަކަށް 150 މިލިއަން ޑޮލަރު (1.04 ބިލިއަން ރުފިޔާ) ހަރަދުކޮށްގެން ތަރައްގީކުރި 284 އެނދުގެ ރިސޯޓަކީ އެހާތަނަށް ރާއްޖޭގެ އެންމެ އަގު ބޮޑު ރިސޯޓެވެ.

ޝަންގްރިއްލާ ވިލިގިއްޔަކީ އައްޑޫ އަތޮޅުގައި ހުޅުވި ފުރަތަމަ ރިސޯޓު އަދި ސަރުކާރާއި ގުޅިގެން އުފެއްދި ޖޮއިންޓް ވެންޗާއެއްގެ ދަށުން ތަރައްގީކޮށް ހުޅުވި ފުރަތަމަ ރިސޯޓު ވެސް މެ އެވެ.

ޝެއާހޯލްޑާ ލޯނަށް ބިލިއަން ރުފިޔާ ދައްކަން ޖެހޭ

ޝަންގްރިއްލާ ނުހުޅުވި ލަސްވާ މައްސަލައިގައި އައްޑޫ މީދޫ ދާއިރާ މެމްބަރު ރޮޒެއިނާ އާދަމް ރައްޔިތުންގެ މަޖިލިހުގައި ހޯމަ ދުވަހު ސުވާލުކުރުމުން މައުސޫމް ވިދާޅުވީ، ޝަންގްރިއްލާ ވިލިނގިލި ރިސޯޓު ހުޅުވަން ފިނޭންސާ ޝަންގްރިއްލާ ކުންފުންޏާ މަޝްވަރާތައް ދަނީ ކުރިޔަށް ކަމަށެވެ. ނަމަވެސް ސީދާ ރިސޯޓު ހުޅުވޭނީ މިވެނި ތާރީހެއްގައި ކަމަށް ބުނަން ދަތި ކަމަށް އޭނާ ވިދާޅުވި އެވެ.

ސަބަބެއް ކަމަށް މައުސޫމް ވިދާޅުވީ، އައްޑޫ އިންވެސްޓްމަންޓްސް އެއްބަސްވުމުގެ ދަށުން ރިސޯޓަށް ގެއްލުންވާ ހާލަތުގައި ރީފައިނޭންސް ކުރަން ދޭން ޖެހޭ ފައިސާ ދައުލަތުން ނުދީ އޮތުމުންނެވެ. މި ފައިސާއަކީ ރިސޯޓުގެ ހިއްސާދާރެއްގެ ހައިސިއްޔަތުން ރިސޯޓު ތަރައްގީކުރަން ނެގި ލޯނާއި އެހެނިހެން ހަރަދުތައް ފޫބައްދަން ޖެހޭ ހާލަތުގައި ދޫކުރާ ޝެއާހޯލްޑާ ލޯނެކެވެ.

މައުސޫމް ވިދާޅުވި ގޮތުގައި ގެއްލުން ފައިނޭންސް ކުރުމަށް 68 މިލިއަން ޑޮލަރު (1.04 ބިލިއަން ރުފިޔާ) ދިވެހި ސަރުކާރުން އައްޑޫ އިންވެސްޓްމަންޓްސް ކުންފުންނަށް ދޭން ޖެހޭ ކަމަށެވެ.

"އައްޑޫ އިންވެސްޓްމެންޓު ޕްރައިވެޓު ލިމިޓެޑާ އެއްކޮށް ވެފައި އޮތް އެގްރިމެންޓުގެ ދަށުން ރިސޯޓަށް ގެއްލުންވާ ހާލަތުގައި ފައިނޭންސްގެ ލޮސް ފައިނޭންސް ކުރުމަށް ދޭ ލޯނުގައި ސަރުކާރުން ބައިވެރިވާން ޖެހޭ. އެގޮތުން 68 މިލިއަން ޑޯލަރު މިހާރު ލޯނު ފައިނޭންސިންގެ ގޮތުގައި އެ ކުންފުންޏަށް ދައްކަންޖެހިފައި އޮތީ." މައުސޫމް ވިދާޅުވި އެވެ.

މި ފައިސާ ދެއްކުމުގެ ބަދަލުގައި ސަރުކާރުގެ ވިސްނުމަކީ އެ ރިސޯޓުގައި އޮތް ސަރުކާރުގެ ހިއްސާ ޝަންގްރިއްލާއަށް ދޫކޮށްލުމެވެ. އެކަމަކު މިފަހުން ގާނޫނަށް ގެނައި އިސްލާހާ އެކު ވެސް ވިލިނގިއްޔަކީ ރާއްޖޭގައި ހުރި ރިސޯޓުތަކުގެ ނިސްބަތުން ބޮޑު ރަށަކަށް ވާތީ މިކަން ކުރެވެން ނެތް ކަމަށް މައުސޫމް ވިދާޅުވި އެވެ.

"ޓޫރިޒަމް ގާނޫނަށް ގެންނެވި ދިހަވަނަ އިސްލާހުގެ އަލީގައި އަޅުގަނޑުމެންނަށް ފޯމިއުލާއެއް ލިބުނު. އެހެން ނަމަވެސް، އެ ފޯމިއުލާގެ ދަށުން އެ ރަށުގެ ސައިޒު ބޮޑުކަމުން 80 މިލިއަންވަރު އަރާ އެ ޝެއާ ބަދަލުކުރަން," މައުސޫމް ވިދާޅުވި އެވެ.

މިއީ މިފަހުން ރިސޯޓުތައް ވިކުނު އަގުތަކަށް ބަލާއިރު އައްޑޫ އަތޮޅުގައި ހިންގާ ރިސޯޓަކާ ބައްދަލު އަގެއް ނޫނެވެ. އެހެންކަމުން މިނިސްޓްރީން މިހާރު ވާނީ ޓޫރިޒަމް ގާނޫނަށް އިތުރު އިސްލާހެއް ހުށަހަޅާފަ އެވެ.

ޝަންގްރިއްލާ ވިލިނގިލި ރިސޯޓު

  • މި ރިސޯޓު ހިންގަނީ ހޮންގް ކޮންގްގެ ޝަންގްރިއްލާ ކުންފުނިން
  • ރިސޯޓަކީ އައްޑޫ އިންވެސްޓްމަންޓްސް ކުންފުނީގެ ރިސޯޓެއް
  • އައްޑޫ އިންވެސްޓްމަންޓަކީ ދިވެހި ސަރުކާރާއި ޝަންގްރިއްލާ ހިއްސާވާ ޖޮއިންޓް ވެންޗާއެއް
  • އައްޑޫ އިންވެސްޓްމަންޓު ކުންފުނި އުފެއްދީ ޖޫން 26، 2005 ގައި
  • އެ ކުންފުނީގައި ސަރުކާރުގެ ހިއްސާއަކީ 30 ޕަސެންޓު، ބާކީ 70 ޕަސެންޓަކީ ޝަންގްރިއްލާ
  • ޝަންގްރިއްލާ ރިސޯޓު ހުޅުވީ ޖުލައި 26، 2009 ގައި 142 އެނދާއެކު
  • މި ރިސޯޓަކީ 150 މިލިއަން ޑޮލަރު ހަރަދުކޮށްގެން ހުޅުވި ރިސޯޓެއް
  • ރިސޯޓު ހަދަން އައިއެފްސީން ޝަންގްރިއްލާއަށް 50 މިލިއަން ޑޮލަރުގެ ލޯނެއް ދިން

މިހާރު ޓޫރިޒަމް ގާނޫނު އޮތް ގޮތުން ސަރުކާރުގެ ހިއްސާ އޮންނަ ރިސޯޓު ޖޮއިންޓް ވެންޗާތަކުގެ ހިއްސާ ދޫކޮށްލެވޭނީ ކުއްޔަށް ދޫކޮށްފައިވާ ރަށް ނޫނީ ބިން ނުވަތަ ފަޅުތަކުގެ ބިމުގެ ބޮޑުމިނުގެ ކޮންމެ އަކަމީޓަރަކަށް އަގުކޮށްފަ އެވެ. އަގު ކުރަނީ އެ ކުންފުންޏެއްގައި ހިމެނޭ ސަރުކާރުގެ ހިއްސާ ކޮންމެ އިންސައްތައަކަށް ފަސް ޑޮލަރު މަގުންނެވެ.

titledesc

މައުލޫމާތު ލިބިފައިވާ ގޮތުގައި މިހާރު ހުށަހަޅާ އިސްލާހުގައި ރިސޯޓުތަކުގައިވާ ސަރުކާރުގެ ހިއްސާ އަގު ކުރާނީ އިންވެސްޓަރުންގެ އިންވެސްޓްމަންޓަށާއި ރިސޯޓުގެ ހާލަތަށް ރިއާޔަތްކުރެވިގެން، ހިއްސާ އަގު ކުރާ ގޮތަށެވެ.

މައުސޫމް ވިދާޅުވީ ކުރިޔަށް އޮތް ދެ ހަފުތާގެ ތެރޭގައި މި އިސްލާހު މަޖިލިހަށް ހުށަހަޅުއްވާނެ ކަމަށެވެ. އަދި، އޭރުން ޝަންގްރިއްލާއަށް އައްޑޫ އިންވެސްޓްމަންޓުގެ ހިއްސާ ވިއްކާލެވޭނެ ކަމަށް އޭނާ ވިދާޅުވި އެވެ.

ހިއްސާ ވިއްކާ ނުލެވުނު ނަމަވެސް، މިހާރު ވެސް ފިނޭންސުން އެ ރިސޯޓު ހުޅުވަން މަޝްވަރާކުރަމުންދާ ކަމަށް މައުސޫމް ވިދާޅުވި އެވެ. އެކަމަކު އޭގެ ކުރިން ރިސޯޓުގެ ބައެއް މުހިންމު މަރާމާތްތަކެއް ވެސް ކުރަން ޖެހޭ ކަމަށް ޝަންގްރިއްލާއިން އަންގާފައިވާ ކަމަށް އޭނާ ވިދާޅުވި އެވެ.

"ދެން ޝަންގްރިއްލާގެ މެނޭޖްމެންޓުން އަޅުގަނޑުމެންނަށް ހަބަރުދޭ ގޮތުގައި އެ ބޭފުޅުން އަލަށް ހުޅުވުމަށް ޓަކައި އެކަށީގެންވާ ބައެއް މަރާމާތުތައް ކުރަންޖެހޭ." މައުސޫމް ވިދާޅުވި އެވެ.

ސީދާ ތާރީހެއް ނޭނގުނު ނަމަވެސް، މި އަހަރު ރިސޯޓު ހުޅުވޭނެ ކަމުގެ އުއްމީދު އެބައޮތް ކަމަށް މައުސޫމް ވިދާޅުވި އެވެ.

މަޝްވަރާ ކުރި ނަމަވެސް، މި ފައިސާ ނޫނީ ސަތޭކަ ޕަސެންޓު ހިއްސާ ނެތި ޝަންގްރިއްލާ ކުންފުނިން އިތުރު އިންވެސްޓެއް ނުކުރާނެ ކަމަށް ވަނީ އަންގާފަ އެވެ.

މިކަމުގެ މައުލޫމާތު ދެމުން ޓޫރިޒަމް މިނިސްޓްރީގެ ޑެޕިއުޓީ ޑިރެކްޓާ ޖެނެރަލް، ޕްލޭނިން އެންޑް ޑިވެލޮޕްމަންޓް "އަދަދު" ނޫހަށް ވިދާޅުވީ، ރިސޯޓު އަލުން އޮޕަރޭޝަނަށް ގެންނަން ބައެއް މަރާމާތު ކުރަން ޖެހޭ ކަމަށެވެ. އެކަމަކު ޝަންގްރިއްލާއިން އިތުރަށް އިންވެސްޓް ކުރާނީ ރިސޯޓު ހިއްސާ މައްސަލަ ހައްލުވުމުން ކަމަށް އެ ކުންފުނިން ބުނެފައިވާ ކަމަށް އޭނާ ވިދާޅުވި އެވެ.

"ޝަންގްރިއްލާއިން ވަނީ އެ ކުންފުނީގެ ހިއްސާއަށް ލޮސް ފައިނޭންސް ކުރަން ޝެއާހޯލްޑާ ލޯނު ދޫކޮށްފަ. އެކަމަކު ސަރުކާރަކަށް ނެތް އެ ވަރުގެ ފައިނޭންޝަން އިންޖެކްޝަނެއް ދެވޭކަށް. އެންމެ ފައިދާ ބޮޑީ ހިއްސާ ދޫކޮށްލުން" ހުއްސާން ވިދާޅުވި އެވެ.

އައްޑޫ އިންވެސްޓްމަންޓުގެ ތެރެއިން މިހާތަނަށް ވިލިނގިލި ރިސޯޓަށް ކުރި ގިނަ ހަރަދުތައް ކުރީ ޝަންގްރިއްލާ ކުންފުނިންނެވެ. މި ކުންފުންޏަށް ސަރުކާރުން ހަމައެކަނި ދިން ފައިސާއަކީ ރިސޯޓު ބަންދުކުރުމާ ގުޅިގެން ކުލި ހަމަޖައްސަން ދޫކޮށްފައިވާ 2.4 މިލިއަން ޑޮލަރު (37 މިލިއަން ރުފިޔާ)ގެ ލޯނެއް ކަމަށް ޓޫރިޒަމުން މައުލޫމާތު ދެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox