ހުޅުމާލޭ ފޭސް ދެއެއްގެ ސެކިއުރިޓީ ބަލަހައްޓާ އަންހެނަކަށް ތޫނުއެއްޗަކުން ހަމަލާދީ ޒަހަމްކޮށްލައިފި އެވެ.
މިއަދު މެންދުރުފަހު މި މައްސަލަ ފުލުހަށް ރިޕޯޓްކޮށްފައިވާއިރު އެ އަންހެންމީހާގެ އަތް ވަނީ ހަމަލާދިނުމުގެ ސަބަބުން ކަފައިގެން ގޮސްފަ އެވެ.
މިކަން ހިނގަން މެދުވެރިވި ސަބަބެއް ސާފެއް ނުވެ އެވެ. ފުލުހުން ބުނީ މައްސަލަ ތަހުގީގު ކުރަމުންދާ ކަމަށެވެ.
ނަމަވެސް, މިހާތަނަށް މި މާރާމާރީއާ ގުޅިގެން މީހަކު ހައްޔަރުކޮށްފައެއް ނުވެ އެވެ.
ހިޔާ ފްލެޓްތަކުގައި މީހުން ދިރިއުޅެން ފަށާފައިވާއިރު, އެ ތަނުގައި ވައްކަމާއި މަސްތުވާތަކެތީގެ މައްސަލަތައް އިތުރުވަމުންދާތީ, ތަނުގެ ސެކިއުރިޓީ ބެލެހެއްޓުން ވަނީ އަމިއްލަ ބަޔަކާ އެޗްޑީސީން ހަވާލުކޮށްފަ އެވެ.
