ޕްރެޒިޑެންޓްސް ކަޕްގައި ސާންތީގެ ހިތްހަަމަޖެހުމަކީ އާ ކުޅުންތެރިންނަށް ފުރުސަތު ދެވުން

ޔުނައިޓެޑް ވިކްޓްރީގެ ކޯޗު އިހުސާން އަބްދުލް ގަނީ (ސާންތީ).-- ފޮޓޯ: މުހައްމަދު ޝާބިން/ އަދަދު

ޔުނައިޓެޑް ވިކްޓްރީގެ ކޯޗު އިހުސާން އަބްދުލް ގަނީ (ސާންތީ).-- ފޮޓޯ: މުހައްމަދު ޝާބިން/ އަދަދު

މި ފަހަރުގެ ޕްރެޒިޑެންޓްސް ކަޕްގެ ކުރީކޮޅުގައި އޮތް ނޫސްވެރިންގެ ބައްދަލުވުމުގައި ޔުނައިޓެޑް ވިކްޓްރީ (ޔޫވީ)ގެ ކޯޗު އިހުސާން އަބްދުލް ގަނީ (ސާންތީ) ފާހަގަކުރި ކަމަކީ އޭނާގެ ޓީމުން ހާސިލް ނުކުރެވޭނެ ވަރުގެ ޓާގެޓެއް ހަދައިގެން، އެ ފަހަތުން ނުދާނެ ކަމަށެވެ. އޭގެ ބަދަލުގައި މި މުބާރާުތުގައި ފޯކަސް ކުރާނީ އާ ކުޅުންތެރިންތަކަކަށް ފުރުސަތު ދީގެން ބޭނުންވާ މިސްރާބަށް ދިއުމުގެ މަސައްކަތުގެ ފެށުމެއްގެ ގޮތުގައި ކަމަށެވެ.

ސާންތީ ވަނީ މިދިޔަ އޮގަސްޓް މަހު ތިން ވަނަ ދުވަހުން ފެށިގެން 19 އަހަރުން ދަށުގެ ކުޅުންތެރިންނަށް ހުޅުވާލައިގެން ޓްރެއިނިންތަކެއް ގެންގޮސްފަ އެވެ. އޭގެ ބޭނުމަކީ މި މަހު އެފްއޭއެމުން ބާއްވާ 19 އަހަރުން ދަށުގެ މުބާރާތަށް ކުޅުންތެރިން ހޯދުމާއި ޔޫވީގެ ސީނިއާ ޓީމުގައި ވެސް ޓީމެއް ބިނާކުރުމުގެ ސިލެކްޝަނެއް ހެދުމަށެވެ.

އޭގެއިން ފާހަގަވި ކުޅުންތެރިންނަށް މި ފަހަރުގެ ޕްރެޒިޑެންޓްސް ކަޕްގައި މިހާތަނަށް ޔުނައިޓެޑް ވިކްޓްރީން ކުޅުނު ހަ މެޗުގައި ވަނީ ފުރުސަތު ދީފަ އެވެ.

Advertisement

"މީގެ ހާއްސަކޮށް ޒުވާން ކުޅުންތެރިން ވަރަށް ރަނގަޅަށް ޓެސްޓް ކުރެވިއްޖެ. ގިނަ ކުޅުންތެރިންނަށް ފުރުސަތު ދެވިއްޖެ. އެންމެ ފަހުން ޔޫވީ ކުޅުނު މެޗުގައި 18 އަހަރުގެ ކުޅުންތެރިއަކު ނެރެގެން މުޅި މެޗު ކުޅެލެވުނު. އެހެންވީމަ ވަރަށް ގިނަ ކުޅުންތެރިންނަށް ފުރުސަތު ދެވިއްޖެ،" އިއްޔެ، ޔުނައިޓެޑް ވިކްޓްރީގެ ޒުވާން ޓީމުގެ ޕްރެކްޓިހުގެ ތެރެއިން ދިން އިންޓަވިއުއެއްގައި ސާންތީ ބުންޏެވެ.

"މާދަމާ (މިއަދު ޓީސީއާ ދެކޮޅަށް ކުޅޭ) މެޗަށް ވެސް ނުކުންނައިރު، ޔޫވީން އާ ދެ ކުޅުންތެރިއަކަށް ފުރުސަތު ދޭނަން. ބައެއް ސީނިއާ ކުޅުންތެރިން މާދަމާ ނުފެންނާނެ،"

ޕްރެޒިޑެންޓްސް ކަޕަށް ކުރިމަތިލިއިރު، ޔުނައިޓެޑް ވިކްޓްރީ އަށް ދިމާވި އެންމެ ބޮޑު މައްސަލަ އަކީ މެޖޯރިޓީ ޓީމުތަކުގައި ވެސް ހުރި މައްސަލަ އެވެ. ރަނގަޅު ޕްރީ ސީޒަނެއް ނެހެދުމުގެ މައްސަލަ އެވެ. އެކަމާ ހުރެ ސާންތީ ވެސް ޓާގެޓް ހެދީ އަންނަ މަހު ފަށާ ދިވެހި ޕްރިމިއާ ލީގަށެވެ. ޔުނައިޓެޑް ވިކްޓްރީގެ ޓާގެޓަކީ ލީގުގެ ގަދަ ހައެކެވެ.

"ޕްރީ ސީޒަނެއް ރަނގަޅަށް ނެހެދޭ. ފުޓްބޯޅަ ކޯޗެއް ދައްކަން ވެސް ރަނގަޅު ވާހަކައެއް ނޫން ކަންނޭނގެ މިއީ. ޓީމު ތެރޭގައި ކުޅުންތެރިން ހަމަކުރުމުގައި މި ހުރި ދަތިތަކާއި އެހެން ކަންތައްތަކުގެ ހުރި މައްސަލަ އަކުން މި ކަންތައްތައް ނުވެގެން މިދިޔައީ. އެހެންވެ، ލީގަށް ޓާގެޓެއް ކަނޑައެޅީ،" ސާންތީ ބުންޏެވެ.

"ކޮންމެ ގޮތެއް ވިޔަސް ޔޫވީން ނަހަދާނަން އަޅުގަނޑުމެންނަށް އަތް ނުލެވޭ ވަރުގެ ޓާގެޓެއް. އަޅުގަނޑުމެން މި މުބާރާތް މި ނެގީ ކުޅުންތެރިން ޓެސްޓް ކުރުމާއި މި ކަހަލަ ބައިވަރު ކަންކަމަށް. ފުޓްބޯޅަ ޓީމެއް ވެއްޖިއްޔާ މޮޅުވުމުގެ މަސައްކަތް ވެސް ކުރަން ޖެހޭ. އެ ނޫން ވާހަކައެއް ނޫން މި ބުނީ،"

ޕްރެޒިޑެންޓްސް ކަޕްގެ ފަހު މެޗުތަކަށް ކުރިމަތިލާއިރު، ޔުނައިޓެޑް ވިކްޓްރީ މިއަދު ހަވީރު ކުޅޭނީ ޓީސީ ސްޕޯޓްސް ކްލަބާ އެވެ.

ޔުނައިޓެޑް ވިކްޓްރީ ތާވަލުގެ އެންމެ ފުލުގައި އޮތީ އެއް ޕޮއިންޓާ އެކު އެވެ. އެއީ ހަތް ވަނައިގައި އޮތް ދަ ގްރާންޑޭ ސްޕޯޓްސް ކްލަބާ އެއްވަރަށް އެއް ޕޮއިންޓް ހޯދައިގެންނެވެ. ޔުނައިޓެޑް ވިކްޓްރީ އަށް އެންމެ މައްޗަށް ވެސް ދެވެން އޮތީ ހަތް ވަނަ އަށެވެ. އެހެންވެ، ސާންތީ ދެމިހުރީ އެންމެ ފުރަތަމަ މުބާރާތަށް ނުކުތްއިރު ހުރި ޓާގެޓަށް ފޯކަސް ކޮށްގެންނެވެ.

"ޓޭބަލަށް މާ ބޮޑު ބަދަލުތަކެއް އަންނަން ނެތް. ކޯޗެއްގެ ހައިސިއްޔަތުން މި ވަގުތު މުހިންމީ ފުރުސަތު ދިނުން،" ސާންތީ ބުންޏެވެ.

ލީގަށް ޓީމު ވަރުގަދަ ކުރުމުގެ ގޮތުން ޔުނައިޓެޑް ވިކްޓްރީން ވަނީ ހަތަރު ބިދޭސީ ކުޅުންތެރިން ގެނެސްފަ އެވެ. އޭގެ ތެރެއިން ތިން ކުޅުންތެރިންނަކީ މިދިޔަ ސީޒަނުގައި ރާއްޖޭގައި ކުޅެފައިވާ ތިން ކުޅުންތެރިންނެވެ. އެއީ ޔުނައިޓެޑް ވިކްޓްރީ އަށް މިދިޔަ ސީޒަނުގައި ވެސް ކުޅުނު ކިރްގިސްތާންގެ މިޑްފީލްޑަރު އަނަޓޯލީ ވްލަސީޗޭވާއި ސާބިއާގެ ޑިފެންޑަރު މިލޯސް ކޮވަސެވިޗްގެ އިތުރުން މިދިޔަ ސީޒަނުގައި ސަސް އިން ފެނުނު ޖަޕާނުގެ މިޑްފީލްޑަރު އެއިސޫކޭ މޯރީ އެވެ. ސާންތީ ބުނީ މިއަދު ހަވީރުގެ މެޗުގައި ބިދޭސީ ކުޅުންތެރިން ފެނުމުގެ ފުރުސަތު އެބައޮތް ކަމަށެެވެ.

ޓީސީ އާއި ޔުނައިޓެޑް ވިކްޓްރީ ކުޅޭ މެޗު ފަށާނީ މިއަދު ހަވީރު ހަތަރެއް ޖަހާއިރު އެވެ. މިރޭ ނުވައެއް ޖަހާއިރު ދަ ގްރާންޑޭ ސްޕޯޓްސް ކްލަބާއި ސަސް ވާދަކުރާނެ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox