ޖިންސީ ގޯނާކުރި ތިން މެޖިސްޓްރޭޓުންގެ ތަހުގީގު އަދިވެސް ނުނިމޭ

ޖިންސީ ގޯނާ ކުރުމާ ދެކޮޅަށް ކުރި މުޒާހަރާއެއްގެ ތެރެއިން: އެ ތިން މެޖިސްޓްރޭޓުންނަށް ކުރަނީ ސީރިއަސް ތުހުމަތުތަކެއް -- ފޮޓޯ: އަދަދު ފައިލް

ޖިންސީ ގޯނާ ކުރުމާ ދެކޮޅަށް ކުރި މުޒާހަރާއެއްގެ ތެރެއިން: އެ ތިން މެޖިސްޓްރޭޓުންނަށް ކުރަނީ ސީރިއަސް ތުހުމަތުތަކެއް -- ފޮޓޯ: އަދަދު ފައިލް

ޖިންސީ ފުރައްސާރަ އާއި ގޯނާގެ ކުރި ކަމަށް ބުނާ މައްސަލަތަކެއްގައި މީގެ ދެ އަހަރު ކުރިން މަގާމުން ވަކި ކުރި ތިން މެޖިސްޓްރޭޓުންގެ މައްސަލަ އަދިވެސް ތަހުގީގުކޮށް ނުނިމޭ ކަމަށް ފުލުހުން މިއަދު ބުނެފި އެވެ.

ތުލުސްދޫ ކޯޓުގެ އިސް މެޖިސްޓްރޭޓް އައިނާން އަލީ މުހައްމަދާއި ރ. މާކުރަތު ކޯޓުގެ އިސް މެޖިސްޓްރޭޓް އަދުނާން ހުސެއިން އަދި ގއ. ކަނޑުހުޅުދޫ ކޯޓުގެ އިސް މެޖިސްޓްރޭޓް ހަސަން ދީދީ އެވެ. އެމީހުންގެ މަގާމުން ވަކި ކުރުމަށްފަހު މައްސަލަ ބަލައިދިނުމަށް ޖުޑީޝަލް ސާވިސް ކޮމިޝަނުގެ ފަރާތުން ފުލުހުންނަށް ހުށަހެޅީ 2019 ވަނަ އަހަރުގެ ފަހުކޮޅެވެ.

ފުލުހަށް ހުށަހެޅިފައިވާ ތިން މައްސަލާގައި ދެ އަހަރު ފާއިތުވިއިރު މިހާރު އެ މައްސަލަތައް ހުރީ ނިމުމަކާ ގާތްވެފައިވާ ކަމަށް އެ އިދާރާއިން ބުނެ އެވެ.

"ތަހުގީގު ފުރިހަމަ ކުރަން ޖެހޭ އިތުރު މަސައްކަތްތަކެއް ހުރުމުން އެ މަސައްކަތްތައް ކުރެވެމުން ދަނީ. މި މައްސަލަ އާއި ގުޅިގެން ޕީޖީއާ ވެސް މަޝްވަރާ ކުރެވެމުން ދަނީ،" އެ މައްސަލަ އޮތީ ޑިއުޓީ ޕްރޮސެކިއުޝަން މަރުހަލާގައިކަން އޭނާ ފާހަގަކުރަމުން އޭނާ ބުންޏެވެ.

މާކުރަތަ މެޖިސްޓްރޭޓްގެ މަގާމުގައި ހުރި އަދުނާނަށް ތުހުމަތު ކުރަނީ ކޯޓުގައި މަސައްކަތް ކުރި ދެ އަންހެނަކަށް އެކި ފަހަރު މަތިން ޖިންސީ ގޯނާކޮށް، ޖިންސީ ފުރައްސާރަ ކުރި ކަމަށެވެ.

ކަނޑުހުޅުދޫ ކޯޓުގައި ހުރި ހަސަން ދީދީގެ މައްޗަށް ހަތް ތުހުމަތު ކުރެ އެވެ. އޭގެ ތެރޭގައި އަންހެން މުވައްޒަފުންނަށް ބަރަހަނާ ވީޑިއޯ ދެއްކުމާއި ޖިންސީ ގޯނާ ކުރުމާއި އަންހެން މުވައްޒަފުން ލައްވައި މަޖުބޫރުކޮށްގެން ކަންކަން ކުރުވުން ހިމެނެ އެވެ.

ތުލުސްދޫ ކޯޓުގައި ހުރި އައިނާނަށް ކުރާ ތުހުމަތަކީ އޮފީހުގެ ބައެއް މުވައްޒަފުންނަށް ޖިންސީ ފުރައްސާރަ ކުރިކަމުގެ ތުހުމަތެވެ.

ޖޭއެސްސީއިން ބުނާ ގޮތުގައި މިހާރު ވެސް އެ އިދާރާއިން އަންނަނީ ފަނޑިޔާރަކަށް ޖިންސީ ގޯނާގެ ތުހުމަތެއް އަމާޒުވެގެން އެކަން ތަހުގީގުކުރަމުންނެވެ. އެއީ ގއ. ދާންދޫ އިސް މެޖިސްޓްރޭޓް ލުއައްޔު އިބްރާހީމްގެ މައްސަލައެކެވެ.

އެ ކޮމިޝަންގެ 2020 ވަނަ އަހަރުގެ އަހަރީ ރިޕޯޓް އާންމުކުރަމުން ބުނީ، ޖިންސީ ގޯނާ އާއި ފުރައްސާރައިގެ މައްސަލަތައް ދިމާވާ މިންވަރު ދަނެގަތުމަށްޓަކައި ދިރާސާއެއް ހެދުމަށް ނިންމައި، އެ މަސައްކަތް މިހާރު ކުރަމުންދާ ކަމަށެވެ.

"މިކަހަލަ މައްސަލަތައް އޭރު އޮތީ ނުދައްކާ ވާހަކައެއްގެ ގޮތުގައި، މުވައްޒަފުން ޖެހިލުންވޭ އޭރު މިކަހަލަ ވާހަކަ ދައްކަން،" އެ ކޮމިޝަންގެ މީޑިޔާ އޮފިޝަލް އިޒްމީރާ ޝިހާމް ކިޔައިދެއްވި އެވެ.

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox