ހުއްޓާލަން އެންގި ނައިޓް މާކެޓް ގައިދުރުކަމާއެކު މާދަމާރޭ އަލުން ފަށަނީ

މާލޭގައި ކުރިއަށްގެންދިޔަ މަގުމަތީ ބާޒާރެއް: ބާޒާރުތައް ކުރިއަށްގެންދިޔައީ ކޮވިޑްގެ އުސޫލުތަކަށް އެއްވެސް ވަރަކަށް ބެލުމެއް ނެތި -- ފޮޓޯ: މުހައްމަދު ޝާބިން/އަދަދު

މާލޭގައި ކުރިއަށްގެންދިޔަ މަގުމަތީ ބާޒާރެއް: ބާޒާރުތައް ކުރިއަށްގެންދިޔައީ ކޮވިޑްގެ އުސޫލުތަކަށް އެއްވެސް ވަރަކަށް ބެލުމެއް ނެތި -- ފޮޓޯ: މުހައްމަދު ޝާބިން/އަދަދު

ކޮވިޑް-19 ފެތުރުން ވަރަށް ބޮޑަށް އިތުރުވެފައިވާތީ ނައިޓް މާކެޓް ހުއްޓާލައި އެފަދަ ހަރަކާތްތަކަށް ހުއްދަ ދިނުން މަޑުޖައްސާލުމަށް ނިންމިތާ 24 ގަޑިއިރު ނުވަނީސް، މާދަމާ ރޭ އަލުން އާ ނައިޓްމާކެޓެއް ފަށަން ނިންމައިފި އެވެ.

ރަސްފަންނު ސަރަހައްދުގައި މިދިޔަ ޑިސެމްބަރު 26، އިން ފެށިގެން ކުރިއަށްގެންދިޔަ މަގުމަތީ ބާޒާރު "ބަލި ފެތުރުން ކޮންޓްރޯލް ކުރުމަށް އަޅާ ފިޔަވަޅެއްގެ ގޮތުން" މިއަދުން ފެށިގެން ނޯންނާނެ ކަމަށް މާލޭ ސިޓީ ކައުންސިލުން ރޭ 11:37 ގައި ކުރި އިއުލާނެއްގައި ބުނެފައިވެ އެވެ.

ނަމަވެސް މިރޭ މާލެ ސިޓީ ކައުންސިލުން ބުނީ މާދަމާ ރޭ ނައިޓްމާކެޓް ފަށަނީ ގައިދުރުކަމާއެކު ކަމަށެވެ. އަލުން ފެށުމަށް ނިންމި ސަބަބެއް ކަމަށް ކައުންސިލުން ބުނީ ގިނަ ބަޔަކު އެކަމަށް އެދިފައި ވުމެވެ.

"އެހެންނަމަވެސް ގިނަ ފަރާތްތަކުގެ އެދުމުގެ މަތިން އާންމު ފިހާރަތަކުގައި ވިޔަފާރިކުރާ އުސޫލުން ނައިޓް މާކެޓް ބޭއްވުމުގެ ހުއްދަ އެފަރާތްތަކަށް ދިނުމަށް ހެލްތް ޕްރޮޓެކްޝަން އެޖެންސީން ވެސް ވަނީ މިކައުންސިލަށް އަންގާފައި،" ސިޓީ ކައުންސިލުން ބުންޏެވެ.

އެހެން ކަމުން ކައުންސިލުން ނިންމާފައި ވަނީ އެޗްޕީއޭއިން ކަނޑައަޅާފައިވާ މިންގަނޑާ އެއްގޮތަށް ނައިޓްމާކެޓް ބާއްވަން އެއްބަސްވާ ފަރާތްތަކަށް ހުއްދަ ދިނުމަށެވެ.

ސިޓީ ކައުންސިލުން އެންމެ ފުރަތަމަ ބުނެފައި ވަނީ ނައިޓް މާކެޓް ކުރިއަށްގެންދާނީ ޖުމްލަ 10 ދުވަހަށް ކަމަށެވެ. ނަމަވެސް އޭގެ އިތުރުން ވެސް ދެ ދުވަހު ކުރިއަށްގެންދިޔަ އެވެ. ނައިޓް މާކެޓްގައި ކުރިއަށް ގެންގޮސްފައި ވަނީ މާސްކު އެޅުމާއި ގައި ދުރުކުރުން ފަދަ އުސޫލުތަކަށް ބެލުމެއްނެތި އެވެ.

މީގެ ކުރިން އެޗްޕީއޭން ބުނެފައި ވަނީ ނައިޓް މާކެޓްތައް ކުރިއަށްގެންދިޔައީ އެފަދަ ހަރަކާތްތައް ނުބޭއްވުމަށް ލަފާ ދީފައި އޮއްވާ ކަމަށެވެ. ނަމަވެސް، ކޮވިޑް ފެތުރުން ކޮންޓްރޯލް ކުރުމުގެ އުސޫލުތަކަށް ބެލުމެއް ނެތި އެހާ ގިނަ ދުވަހު ކުރިއަށް ގެންދިޔަ އެ ބާޒާރު މިއަދުގެ ކުރިން އެޗްޕީއޭއިން ނުހުއްޓުވީ ކީއްވެކަމެއް ނޭނގެ އެވެ.

ނައިޓް މާކެޓް ބާއްވަން އަނެއްކާވެސް ހުއްދަ ދީފައިވާއިރު، މި މަސް ފެށުނު ފަހުން މާލެ ސަރަހައްދުގައި ކޮވިޑް ފެތުރޭ މިންވަރު އަންނަނީ އިތުރު ވަމުންނެވެ. މި ވަގުތު ކޭސްތައް އިތުރުވަމުން އަންނަ މިންވަރަށް ބަލާއިރު، މި މަހުގެ ތެރޭގައި 1300 އަށް ވުރެ ގިނަ މީހުން ވަނީ ކޮވިޑަށް ޕޮޒިޓިވް ވެފަ އެވެ.

އެގޮތުން މިއަދު 300 އިން މައްޗަށް ކޮވިޑް ކޭސްތައް ރިޕޯޓް ކޮށްފައި ވާއިރު، މާލެ ސަރަހައްދުން ވަނީ 136 ކޭސް ރިޕޯޓް ކޮށްފަ އެވެ.

ކޮވިޑް ކޭސްތައް އިތުރުވަމުން އަންނާތީ މިހާރު މާސްކް އެޅުން މަޖުބޫރުކޮށް މާސްކް ނާޅާ އާންމުން ނުކުމެ އުޅޭ ތަންތަނަށް ނުކުންނަ ފަރާތްތަކާ މެދު ފިޔަވަޅު އަޅާނެ ކަމަށް ފުލުހުން ވަނީ ބުނެފަ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox