ހާސިލްނުކުރެވޭ ޓާގެޓެއް ހަދައިގެން މަސައްކަތެއް ނުކުރާނަން.: ސާންތީ

Dec 25, 2021, 1:48 AM
ހާސިލްނުކުރެވޭ ޓާގެޓެއް ހަދައިގެން މަސައްކަތެއް ނުކުރާނަން.: ސާންތީ

ޔުނައިޓެޑް ވިކްޓްރީ (ޔޫވީ)ގެ މި ސީޒަނުގެ ޓާގެޓަކީ ލީގުގެ ގަދަ ހައެއްގެ ތެރޭގައި އޮވެ ނިންމާލުން ކަމަށާއި ހާސިލްނުކުރެވޭ ވަރުގެ ޓާގެޓެއް ހަދައިގެން މަސައްކަތް ނުކުރާނެ ކަމަށް ޔޫވީގެ ކޯޗު އިހުސާން އަބްދުލް ގަނީ (ސާންތީ) ބުނެފި އެވެ.

މިދިޔަ ސީޒަނުގެ ފުރަތަމަ ކޮޅުގައި ދަށްކޮށް ދިޔަ ނަމަވެސް ދެ ވަނަ ބުރުގައި ޓީމުގެ ކަންކަން ރަނގަޅުކޮށް ސާންތީ ވަނީ ޔޫވީ އަށް ކުރިއެރުންތަކެއް ހޯދައިދީފަ އެވެ. ސާންތީ ބުނީ މިދިޔަ ސީޒަނުގައި ފެނުނީ ޔޫވީ މެޗަކަށް ފަހު މެޗެއް ރަނގަޅުވަމުން އައިތަން ކަމަށެވެ.

ސާންތީ ބުނީ މި ފަހަރުގެ ޓާގެޓަކީ އަބަދުވެސް ޔޫވީ އަށް ވަނައިގައި އޮވެ، ލީގު ނިންމަމުންދާތީ ޓީމު މައްޗަށް ޖައްސާލުމަށް ކަމަށެވެ.

"މިހާރުގެ ޓާގެޓަކީ (ޔޫވީ) ގަދަ ހައެއްގެ ތެރޭގައި ބޭއްވުން. އަޅުގަނޑުމެންނަކީ މާ ބޮޑު، ހާސިލްނުކުރެވޭ ވަރުގެ ޓާގެޓެއް ހަދައިގެން މަސައްކަތެއް ނުކުރާނަން. އެހެންވީމަ ދެން ކޮންމެ ފުޓްބޯޅަ ކޯޗެއް ވެސް މަސައްކަތްކުރާނީ ދެވެން އިން އެންމެ މައްޗަކަށް ދިއުން،" ސާންތީ ބުންޏެވެ.

"ދެން ފުޓްބޯޅައިގައި މި އިންނަނީ ތަށި ނޫނީ ލީގު އަދި އަޅުގަނޑުމެންނަކަށް އެ ހިސާބަށް ދެވޭ ވަރެއް ނެތް. އަޅުގަނޑު ބަލާނަން ދެވެން އޮތް އެންމެ ދުރަކަށް ދާން. މިހާރު ވިސްނަނީ ގަދަ ހައެއްގައި ޔޫވީ އޮންނާނެ ގޮތަށް،"

ސާންތީ ޔޫވީގެ ކޯޗުކަމާ ހަވާލުވީ މިދިޔަ ސީޒަނުގެ މެދުތެރެއިންނެވެ. އެއީ އެ ޓީމުގެ ކޯޗަކަށް ހުރި މުހައްމަދު އާދަމް އިސްތިއުފާ ދިނުމުންނެވެ. ހެޑް ކޯޗަކަށް އައުމުގެ ކުރިން ސާންތީ ވަނީ މުހައްމަދުގެ އެހީތެރިއެއްގެ ގޮތުގައި ވެސް ޔޫވީ އަށް މަސައްކަތް ކޮށްދީފަ އެވެ.

މި ފަހަރުގެ ސީޒަނަށް ޔޫވީ އަށް އެންމެ ރަނގަޅަށް ތައްޔާރުނުވެވޭތީ އެ ޓީމުން މިހާރު ކުރިއަށްދާ ޕްރެޒިޑެންޓްސް ކަޕްގެ މެޗުތައް ނަގަނީ ޒުވާން ކުޅުންތެރިންނަށް ކުޅެލަން ފުރުސަތު ދޭ މެޗުތަކެއްގެ ގޮތުގަ އެވެ. އެކަން އެ ގޮތަށް ކުރަން ޖެހޭ ސަަބަބު ވެސް ސާންތީ ވަނީ ބުނެދީފަ އެވެ.

"އަޅުގަނޑުމެންގެ ބޭރު ކުޅުންތެރިން އައީމަ ހަތަރު ޖާަގަ އެބަ މަދުވޭ، އެހެންވީމަ މި ފުރުސަތަކީ މި ހުރިހާ ޒުވާން ކުޅުންތެރިން ޓެސްޓް ކޮށްލަން ވެސް ލިބޭ ރަނގަޅު މުބާރާތެއްގެ ގޮތުގައި ދެކެނީ،" 2016 ވަނަ އަހަރު އީގަލްސް އަށް ޕްރެޒިޑެންޓްސް ކަޕް ކާމިޔާބު ކޮށްދިން ސާންތީ ބުންޏެވެ.

ޔޫވީން މި ސީޒަނުގައި ކުޅުނީ އެންމެ މެޗެކެވެ. އެއީ ކްލަބް ވެލެންސިއާ އަތުން 5-0 އިން ބަލިވި މެެޗެެވެ. އެ މެޗުގައި ޔޫވީން ވަނީ ރަނގަޅު ކުޅުމެއް ދައްކައި ގޯލު ޖަަހަން ވެސް ފުރުސަތު ތަނަވަސްކޮށްފަ އެވެ. ސާންތީ ބުނީ ކުރިއަށް ހުރި މެޗުތަކުގައި ވެސް ނަތީޖާ ނެރުމެކޭ އެއްވަރަށް ޒުވާން ކުޅުންތެރިންނަށް ފުރުސަތު ދޭން އިސްކަންދޭނެ ކަމަށެވެ.

ޔޫވީ މިއަދު ހަވީރު ކުޅޭ މެޗުގައި ނުކުންނާނީ ދަ ގްރާންޑޭ ސްޕޯޓްސް ކްލަބާ ދެކޮޅަށެވެ. މެޗު ފަށާނީ ހަވީރު 4 ޖަހާއިރު އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox