ސަސްގެ ބޮޑު ފޯކަސް އަކީ ލީގުގެ ގަދަ ތިނެއް: އިންމަ

Dec 20, 2021, 2:56 AM
ނޫސްވެރިންގެ ބައްދަލުވުމުގެ ތެރެއިން އިންމަ ވާހަކަ ދައްކަނީ.-- ފޮޓޯ: މުހައްމަދު ޝާބިން/ އަދަދު

ނޫސްވެރިންގެ ބައްދަލުވުމުގެ ތެރެއިން އިންމަ ވާހަކަ ދައްކަނީ.-- ފޮޓޯ: މުހައްމަދު ޝާބިން/ އަދަދު

މި ސީޒަނަށް ސުޕަ ޔުނައިޓެޑް ސްޕޯޓްސް (ސަސް)ގެ މެނޭޖްމަންޓުން ކަނޑައަޅާފައިވާ ޓާގެޓަކީ ދިވެހި ޕްރިމިއާ ލީގުގެ ގަދަ ތިން ޓީމުގެ ތެރޭގައި ހިމެނުން ކަމަށް އެ ޓީމުގެ ކޯޗު އިސްމާއިލް މަހަފޫޒް (އިންމަ) ބުނެފި އެވެ.

މިދިޔަ އަހަރު އަލަށް ފުރަތަމަ ޑިވިޝަނުގައި ވާދަކުރި ސަސް އިން އެ ކްލަބްގެ ތާރީހުގައި ކުޅޭ ޕްރެޒިޑެންޓްސް ކަޕްގެ ފުރަތަމަ މެޗުގައި މިއަދު ހަވީރު މާޒިޔާއާ ބައްދަލުކުރާނެ އެވެ. އެ މެޗުގެ ކުރިން އޮތް ނޫސްވެރިންގެ ބައްދަލުވުމުގައި އިންމަ ބުނީ މި ސީޒަނަށް ސަސް އިން ނުކުތީ ބޮޑަށް ދިވެހި ޕްރިމިއާ ލީގަށް ޓާގެޓެއް ކަނޑައަޅައިގެން ކަމަށެވެ.

"މި ސީޒަނަށް ސަސް މި ކުރިމަތިލީ މި ފަހަރުގެ ޕްރިމިއާ ލީގުގެ ދޭއް ނުވަތަ ތިނެއް މި ޕޮޒިޝަނުގައި ހިފެހެއްޓުމަށްޓަކައި. އެއީ މެނޭޖްމަންޓްގެ މި ސީޒަނުގެ ޓާގެޓަކީ. ދެން ޕްރެޒިޑެންޓްސް ކަޕަށް ކުރިމަތިލިއިރު، ހިތްހަމަ ޖެހޭ ވަރަކަށް ދުވަސްތަކެއް ޕްރެކްޓިސް ކުރާކަށް ފުރުސަތެއް ނުލިބޭ، އެކަަމަކު، ވީވަރަކުން އެންމެ ރަނގަޅަށް މިހާރު ޓީމު ތައްޔާރުވެފައި މި އޮތީ،" މި ސީޒަނުގައި ސަސްއާ ހަވާލުވި އިންމަ ބުންޏެވެ.

ސަސް އިން ލީގަށް ޓާގެޓެއް ކަނޑައަޅައިގެން ނުކުތީ ޕްރެޒިޑެންޓްސް ކަޕުގެ މެޗުތައް ޓީމު ތައްޔާރުކުރުމުގެ ވިސްނުމުގައި ނަގައިގެންތޯ ނޫސްވެރިއަކު އެހުމުން އިންމަ ބުނީ ޕްރެޒިޑެންޓްސް ކަޕްގައި ކުޅޭ ގިނަ ޓީމުތަކުގެ ވިސްނުން އޮތީ އެހެން ކަމަށެވެ.

ރަނގަޅު ޕްރީ ސީޒަނެއް ގެންދަން ސަސް އަށް ދިމާވި މައްސަލަތަކެއްގެ ގޮތުގައި އިންމަ ފާހަގަކުރީ ކްލަބްގައި ހުރި ބައެއް އަމިއްލަ ކަންކަން ރަނގަޅު ކުރުމާއި އޮފީހުގައި އުޅޭ ބައެއް ކުޅުންތެރިން ރިލީސް ނަގައިގެން އެކި މުބާރާތްތަކުގައި ކުޅުން ކަމަށެވެ.

"އޮފީހުން ބައިވެރިވާ މުބާރާތުގެ ކަންތައްތައް ހުރީމަ ވެސް ޕްރެކްޓިހުގައި ބައިވެރިއެއްނުވޭ. އޭގެ އުނދަގޫތަކެއް ވެސް ދިމާވި. މަޑުމަޑުން ފޯމަކަށް އެޅެމުން މި އަންނަނީ،" އިންމަ ބުންޏެވެ.

ފާއިތުވި ދެ ސީޒަނުގައި އިންމަ މަސައްކަތް ކުރި ދަ ގްރާންޑޭގެ ކޯޗެއްގެ ގޮތުގަ އެވެ. އެ ޓީމުގައި އިންމަ ހުރި ދެ ސީޒަނުގައި ވެސް ކުރަން ޖެހުނީ ދާދި އެއް ކަހަލަ ތަޖުރިބާ އެކެވެ. ސީޒަން ފަށާއިރު، ރަނގަޅު ނަތީޖާތަކެއް ނެރެ ޓީމު ރަނގަޅު ލެވަލެއްގައި ހިފަހައްޓަމުން އަންނަނިކޮށް ވަކި ހިސާބަކުން މާލީ މައްސަލަތައް ދިމާވެ، ޓީމުގެ ފޯމު ގެއްލި ނަތީޖާ އަށް އަސަރުކުރުމެވެ.

ދަ ގްރާންޑޭގައި އެ ދިމާވި ކަންތައްތައް ސަސްއާ އެކު ތަޖުރިބާ ކުރަން ބޭނުންނުވާތީ އެ ވާހަކަ ވެސް ދައްކަމުން އަންނަ ކަމަށް އިންމަ ވަނީ ބުނެފަ އެވެ.

"އަޅުގަނޑުގެ ކެރިއަރުން އެ ދިމާވާ މެނޭޖްކުރުމުގެ ކަންކަމުން ފިލާވަޅު ދަސްކުރަން. އެ ކަންތައްތައް ތަކުރާރު ނުވޭތޯ މަސައްކަތް ވެސް ކުރަން. ފިލާވަޅު ނަގައިގެން ސަސްއާ އެކު ކުރިއަށް މި ދަނީ،" އިންމަ ބުންޏެވެ.

އިންމަ ސަސް ގޮވައިގެން ކުޅޭ ފުރަތަމަ މެޗުގައި އޭނާ ކުރިން ދެ ފަހަރެއްގެ މަތިން މަސައްކަތްކުރި މާޒިޔާއާ ކުޅެން ޖެހޭއިރު، އިންމަ ބުނީ މާޒިޔާ އަށް އޮތް އެޑްވާންޓޭޖްތައް ގިނަ ކަމަށެވެ. އެ ގޮތުން މާޒިޔާގައި އެއް ޓީމެއް ގިނަ އަހަރުތަކެއް ވަންދެން ހިފެހެއްޓުމަކީ އެއް ކަމެއް ކަމަށާއި ގިނަ ޓީމުތަކުން ޖެހެނީ ކޮންމެ އަހަރަކަށް ކަހަލަ ގޮތަކަށް ޓީމެއް ހަދަން ކަން އިންމަ ފާހަގަކުރި އެވެ.

ޗެރިޓީ ޝީލްޑް މެޗުގައި މާޒިޔާ އިން ވަނީ 5-0 އިން ވެލެންސިއާ ބަލިކޮށްފަ އެވެ. އެ މެޗު ކުޅެފައި އޮތުމަކީ ވެސް ސަސްއާ ދެކޮޅަށް ނުކުންނައިރު، މާޒިޔާ ކޮޅަށް އޮތް އެޑްވާންޓޭޖެއްގެ ގޮތުގައި އިންމަ ދެކެ އެވެ.

"އޭގެ އެޑްވާންޓޭޖް އިންނާނެ. ދެން މީގެ އެ މީހުންނަށް ލިބޭ ޑިސެޑްވާންޓޭޖަކަށް ވުރެ ބޮޑަށް ބަލަންވީ އަޅުގަނޑުމެންގެ ހުރި އެއްޗެއް ދަނޑުމަތީގައި ދައްކަން. އަޅުގަނޑުމެން ޓީމަށް ޕްރެޝަރެއް ނެތް. މި ނުކުންނަނީ ރާއްޖޭގެ އެންމެ މޮޅު ޓީމާ ދެކޮޅަށް. ނުކުންނައިރު، މުޅި ޓީމު ކަހަލަ ގޮތަކަށް މި އޮތީ ގައުމީ ޓީމުގެ ޕްލޭޔަރުން. ގައުމީ ޓީމުގެ ކުޅުން އެ ކުޅެނީ. އުނދަގޫތަކެއް ދިމާވިޔަސް ސަސް އިން ނުކުންނާނީ ހުރި ހުރިހާ އެއްޗެއް ދަނޑުމަތީގައި ދޭން،" އިންމަ ބުންޏެވެ.

މާޒިޔާ އާއި ސަސް ކުޅޭ މެޗު ފަށާނީ މިއަދު ހަވީރު ހަތަރެއް ޖަހާއިރު އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox