މާލޭ މަގުމަތިން ޒުވާނަކަށް ތޫނު އެއްޗަކުން ހަމަލާދީ ބޮޑެތި ޒަހަމްތަކެއްދީފި އެވެ. އޭޑީކޭގައި އެ ޒުވާނާއަށް މިހާރު އަންނަނީ އެމެޖެންސީގައި ފަރުވާދެމުންނެވެ.
އުމުރުން 22 އަހަރުގެ އެ ފިރިހެން މީހާއަށް ހަމަލާދީފައި ވަނީ ހެންވެއިރުގައި ހުންނަ މެހެލި ގޯޅި ތެރޭގަ އެވެ. ފުލުހުންނަށް އެކަމުގެ ރިޕޯޓު ލިބިގެން އެ ސަރަހައްދަށް ދިޔައީ ހެނދުނު 8:21 ގަ އެވެ.
ސޯޝަލް މީޑިއާގައި ދައުރުވަމުންދާ ވީޑިއޯތަކުން ފެންނަ ގޮތުގައި ޒުވާނާއަށް ހަމަލާދިން ސަރަހައްދު އޮތީ ލެއިން ފުރިފަ އެވެ. ނުރަސްމީކޮށް އެނގިފައިވާ ގޮތުގައި ޒުވާނާގެ ހަށިގަނޑުގެ ވަރަށް ގިނަ ތަންތަނަށް ފުން ޒަހަމްލިބިފައިވެ އެވެ.
Advertisement
އެ އަނިޔާވެރި މާރާމާރީ ހިންގި މައްސަލައިގައި މިހާތަނަށް މީހަކު ހައްޔަރުކޮށްފައިނުވާ ކަމަށް ފުލުހުން ބުންޏެެވެ.
