މޫސުން ތަން ނުދޭތީ މިއަދު ފަށަން ހަމަޖެހިފައި އޮތް "މޯލްޑިވްސް މެރިން އެކްސްޕޯ 2021" ޑިސެމްބަރު 13 އަށް ފަސްކޮށްފި އެވެ.
މެރިން އެކްސްޕޯ ފަސްކުރީ ވައި ގަދަވެ ވިއްސާރަ ވުމާ ގުޅިގެންނެވެ. ދެން އެކްސްޕޯ އޮންނާނީ ޑިސެމްބަރު 13-15 އަށް، ހުޅުމާލޭ ސެންޓްރަލް ޕާކުގަ އެވެ.
މޯލްޑިވްސް މީޓިއޮރޮލޮޖިކަލް ސާވިސްއިން މޫސުން ލަފާކުރާ ގޮތުގައި އެކި ހިސާބަށް ވިއްސާރަކުރުމާ އެކު ގުގުރާނެ ބައެއް ރަށްތަކަށް ބޯކޮށް ވާރޭވެހުން އެކަށީގެން ވެ އެވެ. އަދި ވިލާގަނޑުގައި ގަޑިއަކު ގާތްގަނޑަކަށް 35 މޭލަށް ވައިގަދަވުން އެކަށީގެން ވެ އެވެ.
މިފަހަރުގެ މެރިން އެކްސްޕޯގައި ދިވެހި ކުންފުނިތަކާއި ބޭރުގެ ކުންފުނިތައް ހިމެނޭ ގޮތަށް 50 އެގްޒިބިޓަރުން ބައިވެރިވާ ގޮތަށް އޮތީ ހަމަޖެހިފަ އެވެ.
