އާ ވޭރިއެންޓް އޮމިކްރޯންއާ މެދު ހާސްނުވުމަށް ބައިޑެން އެދިވަޑައިގެންފި

އެމެރިކާގެ ރައީސް ޖޯ ބައިޑެން. -- ފޮޓޯ: ގެޓީ އިމޭޖަޒް

އެމެރިކާގެ ރައީސް ޖޯ ބައިޑެން. -- ފޮޓޯ: ގެޓީ އިމޭޖަޒް

ކޮވިޑް ފަތުރާ ވައިރަހުގެ އޮމިކްރޯން ވޭރިއެންޓަކީ "ކަންބޮޑުވާން ޖެހޭ ކަމެއް ނަމަވެސް، އެއީ ހާސްވާން ޖެހޭ ކަމެއް ނޫން" ކަމަށް އެމެރިކާގެ ރައީސް ޖޯ ބައިޑެން ވިދާޅުވެއްޖެ އެވެ.

އެމަނިކުފާނު އެހެން ވިދާޅުވިއިރު އާދީއްތަ ދުވަހު ފުރަތަމަ ފަހަރަށް އެ ވޭރިއެންޓް އުތުރު އެމެރިކާ ބައްރުން ވަނީ ފެނިފަ އެވެ. ބައިޑެން ވިދާޅުވީ "މި ވަގުތު" ލޮކްޑައުން ކުރަން ޖެހޭ ހާލަތެއް ނެތް ކަމަށާއި މާސްކު އަޅައިގެން ތިބުމަށް އެދިވަޑައިގަންނަވާ ކަމަށެވެ.

އޮމިކްރޯން ވޭރިއެންޓާ ގުޅުން ހުރި ކޭސްތައް ކެނެޑާ އިން ފެނިފައި ވާއިރު، އެމެރިކާ އިން ވަނީ އެފްރިކާގެ އަށް ގައުމަކަށް ދަތުރު ކުރުން މަނާކޮށްފަ އެވެ.

Advertisement

ވެކްސިން ޖެހުމާ އެކު ވައިރަސް "ޝަޓް ޑައުން" ކުރާނެ ކަމަށް ބައިޑެން ވައުދުވެވަޑައިގެންނެވި ނަމަވެސް، މި އަހަރުގެ މިހާތަނަށް އެމެރިކާ އިން ކޮވިޑް ޖެހިގެން މަރުވި މީހުންގެ އަދަދު މިދިޔަ އަހަރަށް ވުރެ އިތުރެވެ.

ހޯމަ ދުވަހު ވައިޓް ހައުސްގައި ހުންނަވާ ދެއްވި ޕްރެސް ކޮންފެރެންސްގައި ބައިޑެން ވިދާޅުވީ "ކޮންމެވެސް އިރަކުން" އޮމިކްރޯން ވޭރިއެންޓް އެމެރިކާ އިން ވެސް ފެންނާނެ ކަމަށެވެ.

ވެކްސިން ކުންފުނިތަކުން "ކޮންޓިންޖެންސީ ޕްލޭން" ހަދައި ތައްޔާރުވަމުން ދަނީ އާ ވެކްސިނެއްގެ ބޭނުންޖެހިދާނެ ހާލަތަކަށް ކަމަށް ބައިޑެން ވިދާޅުވި އެވެ.

މިދިޔަ ހަފުތާގައި އެމެރިކާ އިން ވަނީ ދެކުނު އެފްރިކާ، ބޮޓްސްވާނާ، ޒިމްބާބްވޭ، ނެމީބިއާ، ލެސޯތޯ، އެސްވަތީނީ، މޮޒަމްބީކް އަދި މަލާވީ އަށް ކުރާ ދަތުރުތައް ހުއްޓާލާފަ އެވެ. ކެނެޑާ، ޔޫކޭ، އީޔޫ އަދި އެހެން ގައުމުތަކުން ވެސް ވަނީ އެ ފިޔަވަޅު އަޅާފަ އެވެ.

މިދިޔަ އާދީއްތަ ދުވަހު އެމެރިކާގެ އުތުރަށް އޮންނަ ކެނެޑާ އިން ބުނީ ނައިޖީރިއާ ދަތުރު ކުރުމަށް ފަހު އެނބުރި އައި ދެ މީހެއްގެ ހަށިގަނޑުން އޮމިކްރޯން ވޭރިއެންޓް ފެނިފައިވާ ކަމަށެވެ. ހޯމަ ދުވަހު ވަނީ ތިން ވަނަ ކޭސްއެއް ފާހަގަވެފަ އެވެ.

ބައިޑެން ވިދާޅުވީ ފްލައިޓުތައް ހުއްޓާލުމުން އާ ވޭރިއެންޓާ ގުޅޭ މައުލޫމާތު އެއް ކުރަން އެމެރިކާ އަށް ވަގުތު ލިބިފައިވާ ކަމަށެވެ. އެ ވޭރިއެންޓަކީ "ކަންބޮޑުވުން ހުރި ވޭރިއެންޓެއް"ގެ ގޮތުގައި ދުނިޔޭގެ ސިއްހަތު ޖަމިއްޔާ (ޑަބްލިއުއެޗްއޯ) އިން ވަނީ ކަނޑައަޅާފަ އެވެ. ނަމަވެސް އޭތި ފެތުރޭ ހަލުވި މިނާއި ވެކްސިނުން ލިބޭ ރައްކާތެރިކަމަށް ކުރާ އަސަރާ މެދު އަދިވެސް މައުލޫމާތެއް ހޯދިފައެއް ނުވެ އެވެ.

ކޮމެންޓް

ފަހުގެ ޚަބަރު

ދޮންބާސް ދޫކޮށްލައިފިނަމަ ނޭޓޯ މެންބަރުކަން ދިނުމުގެ ހުށަހެޅުމެއް

ޔޫކްރެއިންގެ ދޮންބާސް ސަރަހައްދު ރަޝިއާއަށް ދޫކޮށްލުމުގެ ބަދަލުގައި އެ ގައުމަށް ނޭޓޯގެ މެންބަރުކަން ދިނުމުގެ ހުށަހަޅުމެއް އެމެރިކާގެ މަންދޫބުން ހުށަހަޅާފައިވާ ކަމަށް ރައީސް ޒެލެންސްކީ ވިދާޅުވެއްޖެއެވެ. މިފަދަ އެއްބަސްވުމަކަށް ދާނީ ގައުމުގެ ސަލާމަތާއި އާރާސްތުކުރުމުގެ ފުރިހަމަ ޔަގީންކަން ލިބި، ރައްޔިތުންގެ ފެންނަ ނުފެންނަ ވޯޓަކުން އެކަން ފާސްވެއްޖެނަމަ ކަމަށްވެސް އޭނާ ފާހަގަކުރެއްވިއެވެ.

ޔޫގަންޑާގައި އަސްކަރީ ޖެނެރަލުން ހައްޔަރުކޮށްފި

ޔޫގަންޑާގެ ރައީސް މުސެވެނީގެ ދަރިކަލުން އަދި އަސްކަރިއްޔާގެ ވެރިޔާ ޖެނެރަލް މުހޫޒީ ކައިނޭރުގާބާ، އެ ގައުމުގެ އިސް ޖެނެރަލުންތަކެއް ހައްޔަރުކޮށް ނައިބު ރައީސަށް އިންޒާރު ދެއްވުމާ ގުޅިގެން ސިޔާސީ ނުތަނަވަސްކަން ވަނީ ބޮޑުވެފައެވެ. މުހައްލިލުން ގަބޫލުކުރާ ގޮތުގައި މިއީ ބައްޕައަށް ފަހު ވެރިކަމަށް ވަޑައިގަތުމަށްޓަކައި، އެކަމަށް ހުރަސްއަޅާ ފަރާތްތައް އެއްފަރާތްކުރުމަށް ކައިނޭރުގާބާ ހިންގަވާ ސިޔާސީ ހަރަކާތެކެވެ. މި ހައްޔަރުކުރުންތަކަކީ ކޮރަޕްޝަނާ ދެކޮޅަށް ކުރާ ކަމެއް ކަމަށް އަސްކަރިއްޔާއިން ބުނި ނަމަވެސް، މިއީ ސީދާ ވެރިކަމުގެ ބާރުތައް ހޯދުމަށް ކުރާ ކަމެއްކަމުގެ ތުހުމަތު ވަނީ އަމާޒުވެފައެވެ.

އެމެރިކާގެ ހުރިހާ ފްލައިޓްތަކެއް ހުއްޓުމަކަށް

އެމެރިކާގެ އެއާ ޓްރެފިކް ކޮންޓްރޯލްގެ މުއާސަލާތީ ނިޒާމަށް ދިމާވި މައްސަލައަކާ ގުޅިގެން، އެ ގައުމުގެ ހުރިހާ ފްލައިޓްތަކެއް ހުއްޓުމަކަށް އައިސް ގިނަ އަދަދެއްގެ ދަތުރުތައް ވަނީ ކެންސަލްވެފައެވެ. މިއީ ސައިބާ ހަމަލާއެއް ނޫން ކަމަށާއި، މިއީ ނިޒާމަށް ދިމާވި ފަންނީ މައްސަލައެއް ކަމަށް ކަމާބެހޭ އިދާރާތަކުން ވަނީ ހާމަކޮށްފައެވެ.

ޓްރަމްޕް، ޝީ އަދި ޕުޓިން އަންނަ ހަފުތާގައި ބައްދަލުކުރަނީ

އަންނަ ހަފުތާގައި ޗައިނާގައި ބާއްވާ އޭޕެކް ސަމިޓުގެ ހަވާސާގައި އެމެރިކާ، ޗައިނާ އަދި ރަޝިޔާގެ ރައީސުން ބައްދަލުކުރައްވައި ނިއުކްލިއާ ހަތިޔާރު މަދުކުރުމާ ގުޅޭގޮތުން ތާރީޚީ މަޝްވަރާތަކެއް ބޭއްވުމަށް ވަނީ ހަމަޖެހިފައެވެ. މި ބައްދަލުވުމުގައި ނިއުކްލިއާ މައްސަލައިގެ އިތުރުން އީރާނުގެ މައްސަލައާ ގުޅޭގޮތުން ވެސް ވާހަކަދެއްކުމަށް ހަމަޖެހިފައިވާއިރު، މިއީ މި ތިން ގައުމުގެ އިސްވެރިން އެކުގައި ބާއްވާ މިފަދަ ފުރަތަމަ ބައްދަލުވުމެވެ.

މައިކްރޯސޮފްޓްގެ ހިދުމަތްތަކަށް ބުރޫ އަރައިފި

މައިކްރޯސޮފްޓްގެ އިންފްރާސްޓްރަކްޗާއަށް ބާރުބޮޑުވުމުގެ ސަބަބުން، އައުޓްލުކް އާއި ޓީމްސް ހިމެނޭހެން އެ ކުންފުނީގެ ގިނަ ހިދުމަތްތަކަކަށް ދުނިޔޭގެ އެކި ކަންކޮޅުތަކުގައި ބޮޑެތި ބުރޫތަކެއް އަރައިފިއެވެ. މި މައްސަލަ ހައްލުކޮށް ހިދުމަތްތައް އާންމު ހާލަތަށް ގެނައުމަށްޓަކައި އެ ކުންފުނިން ދަނީ އަވަސް ފިޔަވަޅުތަކެއް އަޅަމުންނެވެ. ބައެއް ސަރަހައްދުތަކަށް މިހާރު ހިދުމަތް ލިބުނު ނަމަވެސް، މައްސަލަ އެއްކޮށް ހައްލުކުރުމުގެ މަސައްކަތް އަދިވެސް ދަނީ ކުރިއަށެވެ.

ގާޒާގެ ހޮސްޕިޓަލަކަށް ހަމަލާދީ ޑޮކްޓަރަކާއި ކުއްޖަކު މަރާލައިފި

ގާޒާގެ ނާސިރު ހޮސްޕިޓަލަށް އިޒްރޭލުން ދިން ވަރުގަދަ ހަމަލާއެއްގައި ޑޮކްޓަރަކާއި ކުޑަކުއްޖަކު ހިމެނޭހެން ހަ މީހަކު ޝަހީދުވެ، 40 މީހުންނަށް އަނިޔާވެއްޖެއެވެ. އެމެރިކާގައި އުފައްދާފައިވާ ބޮން ބޭނުންކޮށްގެން ދިން މި ހަމަލާގައި ހޮސްޕިޓަލުގެ ސާޖަރީ ޔުނިޓަށް ބޮޑެތި ގެއްލުންތަކެއް ލިބިފައިވާއިރު، އިޒްރޭލުން ބުނަނީ މިއީ ހަމާސްގެ ކޮމާންޑަރަކަށް އަމާޒުކޮށް ދިން ހަމަލާއެއް ކަމަށެވެ.

އެންވީޑިއާގެ ސީއީއޯ އިސްތިއުފާ ދެއްވައިފި

އެންވީޑިއާގެ ސީއީއޯ ޖެންސަން ހުއާން ކުއްލި ގޮތަކަށް މަގާމުން އިސްތިއުފާ ދެއްވީ، އޭނާ ބޭއްވި ނަހަމަ ގުޅުންތަކެއްގެ ތެރޭގައި ޗައިނާގެ ޖާސޫސަކު ހިމެނޭ ކަމަށް ތުހުމަތު ކުރެވި ގައުމީ ސަލާމަތަށް ނުރައްކާވުމާ ގުޅިގެންނެވެ. މި ހާދިސާއާ އެކު ކުންފުނީގެ ބާޒާރުގެ އަގުން 550 ބިލިއަން ޑޮލަރު އުނިވެފައިވާއިރު، ވަގުތީ ގޮތުން ކުންފުނި ހިންގުމާ ހަވާލުވެވަޑައިގަތީ ސީއެފްއޯ ކޮލެޓް ކްރެސް އެވެ. އެމެރިކާގެ ގާނޫނު ހަދާ މަޖިލީހުން މިހާރު ދަނީ މި މައްސަލަ ތަހުގީގުކޮށް، ޖެންސަން ކޮންގްރެސްއަށް ހާޒިރުކުރުމަށް މަސައްކަތް ކުރަމުންނެވެ.

Newsletter

Get the latest news delivered straight to your inbox