ޕީސީއާރު ހެދުމުގައި މަކަރު ހަދާ ކަމުގެ ބޮޑު ތުހުމަތެއް!

މަޖިލީހުގެ ޖަލްސާއެއްގައި ވިލުފުށީ ދާއިރާގެ މެމްބަރު ހަސަން އަފީފް ވާހަކަ ދައްކަވަނީ. --ފައިލް ފޮޓޯ: މަޖިލިސް

މަޖިލީހުގެ ޖަލްސާއެއްގައި ވިލުފުށީ ދާއިރާގެ މެމްބަރު ހަސަން އަފީފް ވާހަކަ ދައްކަވަނީ. --ފައިލް ފޮޓޯ: މަޖިލިސް

ކޮވިޑު ކޮންޓްރޯލް ކުރުމަށް ސަރުކާރުން އެކުލަވާލާފައިވާ ޓީމުގައި ހިމެނޭ ބައެއް ޑޮކްޓަރުންގެ ބައިވެރިވުމާއެކު ޕީސީއާރު ޓެސްޓު ހެދުމުގައި މަކަރު ހަދާ ކަމުގެ ސީރިއަސް ތުހުމަތުތަކެއް ވިލުފުށީ ދާއިރާގެ އެމްޑީޕީ މެމްބަރު ހަސަން އަފީފް މިއަދު ރައްޔިތުންގެ މަޖިލީހުގައި ކުރައްވައިފި އެވެ.

ހދ. ނޮޅިވަރަމްގައި ކޮވިޑުގެ ހާލަތު އިންތިހާއަށް ގޯސްވެފައިވާއިރު، އެ ރަށުގައި އެމްބިޔުލެންސާއި ބޭސް ފަދަ އަސާސީ ސިއްހީ ހިދުމަތް ނުލިބޭކަމަށް ބުނެ އެ ދާއިރާގެ މެމްބަރު މުހައްމަދު ނަޝީދު ހުށަހެޅުއްވި ކުއްލި މައްސަލައިގައި ބަހުސް ކުރައްވަމުން އަފީފް ވިދާޅުވީ ސިއްހީ ހިދުމަތްތައް ހަރުދަނާނުކޮށް ސިޔާސީ ކަންކަމަށް ސަރުކާރުން ހަރަދު ކުރަމުންދާ ކަމަށެވެ.

އެގޮތުން، ވަކި މީހަކަށް ވޯޓު ހޯދައި ދިނުމަށް ފިނޭންސް މިނިސްޓްރީން ބިލިއަނުން ފައިސާ ހަރަދު ކުރަމުންދާކަމުގެ ތުހުމަތު އޭނާ ކުރެއްވި އެވެ.

އަފީފް ވިދާޅުވި ގޮތުގައި ޓެގް ޓީމުގައި ހިމެނޭ ބައެއް ޑޮކްޓަރުން ނިސްބަތްވާ ކްލިނިކުތަކުން، ޕީސީއާރު ޓެސްޓުގެ ބަދަލުގައި ރެޕިޑު ޓެސްޓް ހަދައިގެން، އެކަމުގައި މަކަރު ހަދަމުންދާ ކަމުގެ އަޑުތައް އިވެމުންދާ ކަމަށާއި، އެކަން ހެލްތު މިނިސްޓްރީން އިސްވެ ބަލަންޖެހޭ ކަމަށެވެ.

"އަޅުގަނޑުމެން ބުނޭ ދުމެއް ނާރާނެއޭ އަލިފާނެއް ނެތިއްޔާ. ކަމެއް ނުކުރާނަމަ އެކަމުގެ ވާހަކައެއް ނުދެކެވޭނެ،" އެފަދަ ތުހުމަތުތައް ހެލްތު މިނިސްޓްރީން ބެލުމަށް ތަކުރާރުކޮށް ގޮވާލައްވަމުން އޭނާ ތުހުމަތު ކުރެއްވި އެވެ.

އަފީފް އެފަދަ ތުހުމަތުތަކެއް މިއަދު ކުރެއްވިއިރު، ޓެގުގެ އިސްވެރިޔާ ޑރ. އަލީ ލަތީފުގެ މަސްލަހަތު އޮންނަ ލެބޯޓްރީއަކަށް އައިިޖީއެމްއެޗްގެ ލެބޯޓްރީން ތަކެތި ގެންދާ ކަމުގެ ތުހުމަތެއް މީގެ ކުރިން ވަނީ ކުރެވިފަ އެވެ.

ނަމަވެސް، އަލީ ލަތީފް ވަނީ އެތަނަކީ އޭނާގެ ހިއްސާއެއް އޮންނަ ތަނެއް ނޫން ކަމަށާއި އެތަނުގެ ވެރިންނާ އޭނާއާ އޮންނަ ރަހުމަތްތެރި ކަމެއް ފިޔަވައި، އިތުރު ގުޅުމެއް ނޯންނާނެ ކަމަށް އޭރު ވިދާޅުވެ އެ ތުހުމަތުތައް ދޮގުކުރައްވައިފަ އެވެ.

ބަހުސްގައި ވާހަކަ ދައްކަވަމުން އަފީފް ވިދާޅުވީ ކޮވިޑު ހުއްޓުވަން ތިބި ޑޮކްޓަރުން އެފަދަ އަމަލުތައް ހިންގާނަމަ، ބަލި ފެތުރުމާ ދެކޮޅަށް ސަރުކާރުން ކުރާ މަސައްކަތްތައް ބޭކާރުވެގެންދާނެ ކަމަށެވެ.

ވެންޓިލޭޓަރުތަކުގެ މައްސަލައިގައި ވެސް ނުރުހުން

އޭގެ އިތުރުން، ކޮވިޑުގެ ފަރުވާއަށް 75 ވެންޓިލޭޓަރު ހޯދަން ދުބާއީގެ އެގްޒެކިއުޓާސް ޖެނެރަލް ޓްރޭޑިންއާ ހަވާލުކުރި ވެންޓިލޭޓަރުތައް ނުލިބޭ މައްސަލައިގައި ވެސް އަފީފް މިއަދު ވަރަށް ބޮޑަށް ފާޑުވިދާޅުވި އެވެ.

އޭނާ ވިދާޅުވި ގޮތުގައި، އެ ވެންޓިލޭޓަރުތަކަށް ވީގޮތެއް މިހާރު ނުވެސް އެނގޭ ކަމަށާއި، އެންމެ ފަހުން ނިމިގެންދާނީ އެ ތަކެއްޗަށް ދެއްކި އެޑްވާންސް ފައިސާއަކީ ވެސް ނުދޭ އެއްޗަކަށް ވެގެން ކަމަށެވެ.

މީގެ އަހަރެއްހާ ދުވަސްކުރިން އެޕްރީލް، 2، 2020 ގައި އެ ކުންފުންޏާ އެކު ހެލްތު މިނިސްޓްރީން ވެންޓިލޭޓަރު ހޯދަން އެއްބަސްވެފައިވީ ނަމަވެސް މިހާތަނަށް ރާއްޖެ ފޮނުވީ ޖުމްލަ 15 ވެންޓިލޭޓަރެވެ. އެތައް މުއާމަލާތްތަކަކަށް ފަހު ވެސް ބާކީ 60 ވެންޓިލޭޓަރު އެ ކުންފުނިން ނުފޮނުވި އެވެ.

ވެންޓިލޭޓަރު ހޯދަން އެގްޒެކިއުޓާސްއާ އެކު ހެލްތު މިނިސްޓްރީން އެއްބަސްވީ 34 މިލިއަން ރުފިޔާ އަށެވެ. މީގެ ތެރެއިން 30 މިލިއަން ރުފިޔާ އެ ކުންފުންޏަށް ބޭންކް ގެރެންޓީއަކާ ނުލައި އެޑްވާންސްގެ ގޮތުގައި ވަނީ ދޫކޮށްފަ އެވެ. މިއީ ގޯސްކޮށް ހިންގާފައިވާ މުއާމަލާތެއް ކަން އޮޑިޓް ރިޕޯޓުގައި ވަނިކޮށް އޭސީސީން މި މައްސަލަ ތަހުގީގުކޮށް ހިޔާނާތް ހިންގާފައިވާ ކަމުގެ ތުހުމަތުތަކާ އެކު ދައުވާ އުފުލައިދޭން ވެސް އެދުނެވެ.

ވެންޓިލޭޓަރުތައް ނުލިބި އެއްބަސްވުން ބާތިލްކުރަން ޖެހުނުއިރު، މިކަމުގައި ހިޔާނާތް ހިންގި ކަމުގެ ތުހުމަތުގައި އޭސީސީން ދައުވާކުރަން ފޮނުވީ ކުރީގެ ހެލްތު މިނިސްޓަރު އަބްދުﷲ އަމީން ހިމެނިވަޑައިގަންނަވާ ގޮތުން އެ މިނިސްޓްރީގެ މީހެއްގެ މައްޗަށެވެ. އޭސީސީން ބުނެފައިވާ ގޮތުގައި، ދައުވާ ކުރަން ފޮނުވީ، ދައުލަތުގެ މާލިއްޔަތުގެ ގަވާއިދާ ހިލާފުވެ، ވަކި ފަރާތަކަށް ނާޖާއިޒު މަންފާއެއް ހޯދައިދިން ކަމަށް އެކަށީގެންވާ މިންވަރަށް ހެއްކާއި ގަރީނާ ހުރި ކަމަށް ތަހުގީގަށް ސާބިތުވާތީ އެވެ. އެކަމަކު ޕީޖީ އޮފީހުން ބުނެފައި ވަނީ ދައުވާކުރެވޭ ވަރަށް އަދި ހެކި ނެތް ކަމަށާއި ފާހަގަކޮށްފައި ހުރީ އިދާރީ މައްސަލަތަކެއް ކަމަށެވެ.

އެ ތަހުގީގުގައި ބައެއް ކަންކަން ފުރިހަމަކުރަން ޕީޖީ އޮފީހުން ވަނީ މައްސަލަ އަނބުރާ އޭސީސީއަށް ފޮނުވައިފަ އެވެ.

އެކަމުގައި ޕީޖީ އޮފީހަށް ވެސް އަފީފްގެ ނުރުހުން އަމާޒު ކުރެއްވި އެވެ.

"ޕީޖީ ވިދާޅުވަނީ އުންސުރު ހަމަނުވާކަމަށް. އުންސުރު ހަމައެއްނުވާނެތާ، އުންސުރު ހަމަވޭތޯ ރަނގަޅަށް ނުބަލަންޏާ،" އަފީފް ވިދާޅުވި އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox