ކުރީގެ އޮޑިޓާ ޖެނެރަލް ޒިޔަތު އިސްވެ ރާއްޖޭގެ ފުރަތަމަ އިންވެސްޓްމަންޓް ކުންފުނި އުފައްދައިފި

އިންވެސްޓްމަންޓް ކުންފުނި އުފެއްދުމުގައި އިސްކޮށް ތިއްބެވި ހަތަރު ބޭފުޅުން. -

އިންވެސްޓްމަންޓް ކުންފުނި އުފެއްދުމުގައި އިސްކޮށް ތިއްބެވި ހަތަރު ބޭފުޅުން. -

ފަންޑު މެނޭޖުކުރުމާއި އެޑްވައިޒަރީ ހިދުމަތް ދިނުމަށްޓަކައި ރާއްޖޭގައި ފުރަތަމަ ފަހަރަށް އަމިއްލަ އިންވެސްޓްމަންޓް ކުންފުންޏެއް އުފައްދައިފި އެވެ.

ފަސްޓް ނެޝަނަލް ފައިނޭންސް ކޯޕަރޭޝަންގެ ނަމުގައި އަލަށް ކުންފުންޏެއް އުފެއްދުމުގައި އިސްކޮށް ތިއްބެވީ ކުރީގެ އޮޑިޓާ ޖެނެރަލް ހަސަން ޒިޔަތު އާއެކު މާލީ ދާއިރާގައި ތަޖުރިބާހުރި ދިވެހި ބޭފުޅުންތަކެކެވެ.

އެނގިފައިވާ ގޮތުގައި އެ ކުންފުނީގެ ފުރަތަމަ ބޯޑު މީޓިން މިދިޔަ މަހުގެ ތެރޭގައި ބާއްވައި، ކުންފުނީގެ ސީއީއޯގެ މަގާމަށް ޒިޔާތު ވަނީ އައްޔަނުކޮށްފަ އެވެ.

Advertisement

އެ ކުންފުނީގެ ޗެއާޕާސަން އައްޔަނުކުރި ރިފާއަތު ޖަލީލަކީ 25 އަހަރަށްވުރެ ގިނަދުވަހު މަސައްކަތް ކުރެއްވުމުގެ ތަޖުރިބާ ހޯއްދަވާފައިވާ ބޭފުޅެކެވެ.

ދެން އެ ކުންފުނީގައި ހިމެނިވަޑައިގަންނަވަނީ ހަސަން މުހައްމަދުގެ އިތުރުން އަބްދުލް ހަލީމް އަބްދުއްލަތީފެވެ.

އެ ކުންފުނީގެ ޗީފް އިންވެސްޓްމަންޓް އޮފިސަރު ހަލީމަކީ މީގެ ކުރިން ޕެންޝަން ފަންޑުގެ ސީއެފްއޯގެ މަގާމު އަދާކުރެއްވި ބޭފުޅެކެވެ. އަދި ހަސަން އަކީ ފިނޭންސް މިނިސްޓްރީގައި އޮންނަ ސްޓޭޓް އިންޓާނަލް އޮޑިޓް ކޮމިޓީގެ ޗެއާޕާސަން އެވެ.

އެ ކުންފުނީގެ ތަސައްވުރާ ބެހޭގޮތުން ޒިޔަތު މިއަދު "އަދަދު"އަށް ވިދާޅުވި ގޮތުގައި މިކުންފުނިން ރާއްޖޭގެ ފައިނޭންޝަލް ދާއިރާއަށް ހެޔޮ ބަދަލުތަކެއް ތައާރަފު ކުރެވޭނެކަމާމެދު ވަރަށް ބޮޑު ޔަގީންކަމެއް އެބަ އޮތެވެ.

އަދި ވިޔަފާރިތައް ކުރިއަރުވައި ފުޅާކުރަން ވިޔަފާރިތަކަށް އިތުރު ފުރުސަތުތަކެއް ފަހިކޮށްދެވޭނެ ކަމަށް ވެސް އޭނާ ވިދާޅުވި އެވެ.

"އަޅުގަނޑުމެންގެ ތަސައްވުރަކީ ރާއްޖޭގެ ފައިނޭންޝަލް ސެކްޓާ އަށް ކުރިއެރުންގެނެސް، ދިވެހި އިގުތިސޯދު ބައިނަލްއަގުވާމީ މާލީ ނިޒާމާއި ގުޅުވާލުން. އަދި މިކަމުގެ ތެރެއިން އަޅުގަނޑުމެންގެ ވިޔަފާރީގެ ބައިވެރިންނަށް އިތުރު މާލީ ފުރުސަތުތަކާއި މަންފާ ހޯދައިދިނުން،" ޒިޔާތު ވިދާޅުވި އެވެ.

އިތުރަށް ވިދާޅުވީ ވިޔަފާރިތަކަށް ފަންޑު ހޯދައި ދިނުމާއި، ސިންޑިކޭޝަން އާއި ސެކިއުރިޓައިޒް ކުރުމާއި، މިވަގުތު ރާއްޖެއަށް މިދާއިރާއިން އިތުރު ހިދުމަތް ތަކެއް ތައާރަފުކުރުން ވެސް ކުންފުނީގެ އަމާޒުގެ ތެރޭގައި ހިމެނޭ ކަމަށެވެ.

މި ކުންފުނީގެ 60 ޕަސަންޓް މަސްއޫލުވެރިންގެ ހިއްސާކުރާއިރު، ބާކީ 40 ޕަސަންޓަކީ ޕްރައިވެޓް ޕްލޭސްމަންޓް އުސޫލުން، ހޮވާލެވޭ އިންވެސްޓަރުންނަށް ވިއްކާ ހިއްސާ އެވެ.

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox