މާލެ އަތޮޅު މާދޫގައި ތަރައްގީކޮށްފައިވާ އޯޒެން ރިސޯޓުގައި މިރޭ ހިނގި އަލިފާނުގެ ހާދިސާއެއްގައި ހަތަރު މީހަކު ފިހިއްޖެ އެވެ.
ރިސޯޓާ ހަވާލާދީ އެމްއެންޑީއެފުން ބުނީ އެ ހާދިސާގައި ހަތަރު މީހަކަށް އަނިޔާވެފައިވެ އެވެ. އެއީ އެ ރިސޯޓުގެ ތިން ބިދޭސީ މުވައްޒަފުންނާއި ފިއުލްސަޕްލައިގެ ދިވެހި މުވައްޒަފެކެވެ.
އެ ހަތަރު މީހުން ވެސް ފަރުވާއަށް ވަނީ މާލެ ގެނެސްފަ އެވެ. އެކަމަކު ލިބުނު އަނިޔާގެ ތަފްސީލެއް އަދި ނޭނގެ އެވެ.
Advertisement
އެމްއެންޑީއެފުން ބުނިގޮތުގައި އެ ހާދިސާ ހިނގީ ޕެޓްރޯލް ފީފާއެއްގައި ރޯވެގެންނެވެ. މި ހާދިސާގެ ރިޕޯޓް ލިބުނީ މިރޭ 19:13 ގައި ކަމަށް އެމްއެންޑީއެފުން ބުންޏެވެ.
އެ ރިސޯޓުގައި އެމްއެންޑީއެފުން ހަރަކާތްތެރިވަމުން އަންނަ އިރު ހާދިސާ ހިނގި ގޮތް ފުލުހުން އަންނަނީ ތަހުގީގު ކުރަމުންނެވެ.
