އެމްޑީޕީގެ ގަރާރަށް ރައީސް ސޯލިހު އަދިވެސް އެއްޗެއް ވިދާޅެއް ނުވޭ

ރައީސް ސޯލިހު: އެމަނިކުފާނު މިވަގުތު އަމިއްލަ ދަތުރުފުޅެއްފައި ހުންނެވީ ޔޫއޭއީގައި -- ފޮޓޯ: ރައީސް އޮފީސް

ރައީސް ސޯލިހު: އެމަނިކުފާނު މިވަގުތު އަމިއްލަ ދަތުރުފުޅެއްފައި ހުންނެވީ ޔޫއޭއީގައި -- ފޮޓޯ: ރައީސް އޮފީސް

ދިވެހިރާއްޖޭގައި ކުއްލި ނުރައްކަލުގެ ހާލަތު އިއުލާންކޮށް ހަރުކަށި ފިކުރުގެ މީހުން ހައްޔަރު ކުރުމަށް ގޮވާލައި، ވެރިކަން ހިންގާ މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) ފަރާތުން ގަރާރެއް ފާސް ކުރިތާ ދެ ދުވަސްވީއިރު ވެސް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު އެކަމާމެދު އެއްޗެއް ވިދާޅެއްނުވި އެވެ.

ރައީސް ސޯލިހުގެ ތަރުޖަމާނު މަބްރޫކް އަޒީޒް ވިދާޅުވީ އެކަމާ ގުޅޭ ގޮތުން މިހާތަނަށް ރައީސްގެ ބަހެއް ލިބިވަޑައިގަންފައިނުވާ ކަމަށެވެ. ރައީސް ސޯލިހު މިވަގުތު ހުންނެވީ ނުރަސްމީ ދަތުރުފުޅެއްގައި ޔުނައިޓެޑް އެރަބް އެމިރޭޓްސް (ޔޫއޭއީ) ގެ ދުބާއީގަ އެވެ.

ރައީސް އިއްޔެ ރާއްޖެއިން ފުރާވަޑައިގެންނެވިއިރު، ދަތުރުފުޅުގެ ތާރީހު މި އިއްތިފާގު ވަނީ އެމަނިކުފާނުގެ ކޮއްކޯފުޅު އަހުމަދު މުހައްމަދު ސޯލިހު އަވަހާރަވިތާ 40 ދުވަސް ފުރޭ ތާރީހާ އެވެ. ކޮއްކޯފުޅު އަވަހާރަވީ ދުބާއީގަ އެވެ.

Advertisement

ކުއްލި ނުރައްކަލުގެ ހާލަތު އިއުލާން ކުރުމަށް ގޮވާލާ ރައީސް ސޯލިހު ނިސްބަތްވެވަޑައިގަންނަވާ އެމްޑީޕީގެ ފަރާތުން މިދިޔަ އަންގާރަ ދުވަހު ފާސް ކުރެއްވި ގަރާރު ހުށަހެޅުއްވީ ރައްޔިތުންގެ މަޖިލީހުގެ ރައީސް މުހައްމަދު ނަޝީދެވެ.

ރައީސް ސޯލިހާއެކު ސިޔާސީ ގޮތުން ހުންނެވެން ނެތް ކަމަށް އިއުލާން ކުރެއްވިތާ 14 ދުވަސް ފަހުން ކުރީގެ ރައީސް ނަޝީދު ހުށަހެޅުއްވި ގަރާރު ހަނި ގޮތަކަށް ފާސްވީ 142 މެމްބަރުން ހިމެނޭ އެމްޑީޕީ ގައުމީ މަޖިލިހުގެ އެންމެ 39 މެމްބަރުންގެ ވޯޓާއެކު އެވެ.

ހަރުކަށި ފިކުރުގެ މީހުން ހައްޔަރު ކުރުމަށް ގޮވާލާ ގަރާރު ނަޝީދު ހުށަހެޅުއްވީ އެމަނިކުފާނު އަވަހާރަކޮށްލަން މެއި 6، ގައި ބޮން ގޮއްވާލި ޖަމާއަތުގެ މީހުން ތިބީ އަމިއްލައަށް މަރުވެގެން ނަމަވެސް އެ ހަމަލާ ދިނުމަށް ތައްޔާރަށް ތިބި ކަމަށް ފުލުހުން ހޮނިހިރު ދުވަހު ބުނެފައި އޮއްވަ އެވެ.

ގަރާރު ހުށަހެޅުމަށް ބޭއްވި ގައުމީ މަޖިލިހަށް ރައީސް ސޯލިހުގެ ކެބިނެޓަށް ނިސްބަތްވެވަޑައިގަންނަވާ އެއްވެސް މެމްބަރަކު ވަޑައެއްނުގަންނަވަ އެވެ. އަދި ވަޑައިގެންނެވި ނަމަވެސް ޕާޓީގެ ޕާލަމެންޓަރީ ގްރޫޕުގެ ލީޑަރު އަދި މެދު ހެންވޭރު ދާއިރާގެ މެމްބަރު އަލީ އާޒިމް ގަރާރަށް ވޯޓެއް ނުދެއްވަ އެވެ.

ގާނޫނު އަސާސީގެ ދަށުން ކުއްލި ނުރައްކަލުގެ ހާލަތު އިއުލާންކޮށް "ޓެރަރިސްޓުން ހައްޔަރު ކުރުމުގެ ފުރުސަތު މޯލްޑިވްސް ޕޮލިސް ސާވިސް އަށް ދިނުމަށް" ގޮވާލުމުގެ އިތުރުން ޓެރަރިޒަމާ ގުޅޭ ގޮތުން މި ހާލަތުގައި "ސަރުކާރުން އަމަލު ކުރަންވީ ގޮތް ކަމަށް އެމްޑީޕީ ދެކޭ ގޮތް" ހުށަހެޅުމަށް ވެސް ފާސް ކުރި ގަރާރުގައި ބުނެފައިވެ އެވެ.

ރައީސް ސޯލިހާއެކު ސިޔާސީ ގޮތުން ހުރެވެން ނެތް ކަމަށް ނަޝީދު އިއުލާން ކުރެއްވީ މި ހިނގަމުންދާ ރިޔާސީ ދައުރު ނިމުމުގެ ކުރިން ވެރިކަން ހިންގާ ނިޒާމު ބަދަލުކޮށް ބޮޑުވަޒީރުގެ މަގާމަށް ވަޑައިގަތުމަށް ބޭނުންފުޅުވާ ކަމަށް އޭގެ ކުރިން ވިދާޅުވުމަށްފަހު އެވެ.

ސިޔާސީ ގޮތުން ރައީސް ސޯލިހާއެކު ހުރެވެން ނެތް ކަމަށް އިއުލާން ކުރެއްވުމަށްފަހު ނަޝީދު ވަނީ ސަރުކާރު ކޯލިޝަންގައި ހިމެނޭ އަދާލަތު ޕާޓީއަށް ވަރަށް ބޮޑަށް ފާޑުވިދާޅުވެ އެ ޕާޓީއަކީ ހަރުކަށި ވިސްނުމަށް ތާއީދު ކުރާ ޕާޓީއެއްގެ ގޮތުގައި ސިފަ ކުރައްވައިފަ އެވެ.

އޭގެ އިތުރުން، އިދިކޮޅު ޕްރޮގްރެސިވް ޕާޓީ އޮފް މޯލްޑިވްސްއާއެކު ކޯލިޝަނެއް ހަދައި ކުރީގެ ރައީސް އަބްދުﷲ ޔާމީނާއެކު ކޯލިޝަނެއް ހަދަން ބޭނުންވެވަޑައިގަންނަވާ ކަމަށް ވެސް ރައީސް ނަޝީދު ވިދާޅުވެފައިވެ އެވެ. ގެކޮޅުގައި މިވަގުތު ހުންނެވި ނަމަވެސް ކަޅު ފައިސާ ދޮވުމުގެ ކުށް ސާބިތުވެ ޔާމީން އަންނަނީ ފަސް އަހަރުގެ ޖަލު ހުކުމެއް ތަންފީޒު ކުރައްވަމުންނެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox