އަންނަ މަހު ރާއްޖޭގައި ބާއްވަން ނިންމި ޓީޓީ ދެ މުބާރާތް ފަސްކުރަނީ

Jul 6, 2021, 7:51 AM
2019 ވަނަ އަހަރުގެ ސައުތު އޭޝިއަން ގޭމްސްގެ މެޗެއްގެ ތެރެއިން ދީމާ.

2019 ވަނަ އަހަރުގެ ސައުތު އޭޝިއަން ގޭމްސްގެ މެޗެއްގެ ތެރެއިން ދީމާ.

އަންނަ މަހު ރާއްޖޭގައި ބާއްވަން މަސައްކަތްކުރި ކޮމަންވެލްތު ޔޫތު ޓުއާ ޓީޓީ މުބާރާތާއި ސައުތު އޭޝިއަން ޖޫނިއާ އެންޑް ކެޑޭޓް ޓީޓީ ޗެމްޕިއަންޝިޕް އަންނަ އަހަރަށް ފަސްކުރެވޭތޯ މަސައްކަތްކުރަމުން އަންނަ ކަމަށް ޓޭބަލް ޓެނިސް އެސޯސިއޭޝަން އޮފް މޯލްޑިވްސް (ޓީޓީއޭއެމް)ގެ ރައީސް އަލީ ރަޝީދު (އައްޔަ) ވިދާޅުވެއްޖެ އެވެ.

މިދިޔަ މާޗް މަހު ތެރޭގައި ޓީޓީ އެސޯސިއޭޝަނުން ބައިނަލްއަގުވާމީ ދެ މުބާރާތެއް ރާއްޖޭގައި ބޭއްވުމުގެ މަސައްކަތް ފެށީ އޭރު ކޮވިޑް-19ގެ ހާލަތު ރަނގަޅުވަމުން އަންނާތީ އާއި ބައިނަލްއަގުވާމީ މުބާރާތްތަކުގެ ޝެޑިއުލްތައް އެ ކަމަށް ތަންދޭތީ އެވެ. އެކަމަކު، މިދިޔަ ދޮޅު މަހެއްހާ ދުވަހު ކޮވިޑް-19ގެ ހާލަތު ބަދަލުވި ގޮތާއި ބައިނަލްއަގުވާމީ މުބާރާތްތަކުގެ ޝެޑިއުލްތަކަށް މި އައި ބަދަލުތަކާ އެކު ރާއްޖޭގައި ބާއްވާ މުބާރާތް ފަސްކުރުން އެއީ މި ވަގުތަށް އެންމެ ބުއްދިވެރި ގޮތްކަމުގައި ބެލެވުނެވެ.

އައްޔަ ވިދާޅުވީ ސައުތު އޭޝިއަން ޖޫނިއާ މުބާރާތް ބޭއްވުމުގެ އެންމެ ބޮޑު މަގުސަދަކީ އޭޝިއާ މުބާރާތާއި ދުނިޔޭގެ މުބާރާތަށް މީގެ ތެރެއިން ފަހިވާން އޮތް ފުރުސަތުތަކާ އެއްގޮތަށް ކުރިއަށް ދިއުން ކަމަށެވެ. އެކަމަކު އޭޝިއާގެ މުބާރާތާއި ދުނިޔޭގެ ފެޑެރޭޝަންގެ މުބާރާތުގެ ޝެޑިއުލަށް ބަދަލުތަކެއް އަންނާތީ ރާއްޖޭގައި ބާއްވާ މުބާރާތްތަކަށް ވެސް ބަދަލެއް ގެންނަން ނިންމީ ކަމަށެވެ.

Advertisement

"އެހެންވެ، ސައުތު އޭޝިއާ މުބާރާތަށް އެބަޖެހޭ ގޮތެއް ހޯދަން. ދެން މި ކޮޅުގެ އެންމެ ކީ ދެ ޕްލޭޔަރުން ރަފާ އާއި ދީމާ. ރަފާ އޭ ލެވެލް ހަދާތީވެ، ދެން މި ދެ ކުޅުންތެރިންގެ ތައްޔާރީތަކަށް ބަލާއިރު ވެސް ކޮވިޑްގެ ހާލަތާ ހެދި މި ވަގުތު އެންމެ ބޭނުންވި ގޮތަކަށް ނޫން މިދަނީ،" އައްޔަ ވިދާޅުވި އެވެ.

"އެންމެ ބޮޑު ސަބަބަކީ 23 މެއި އިން ފެށިގެން މިދިޔައީ އެއް ގޮތަކަށް ވެސް ކަމެއް ނުކުރެވި. ހުރިހާ ވެނިއުތައް ބަންދުކޮށްފައި ކުޅުންތެރިންނަށް ފިޒިކަލީ މޭޒު ކައިރިއަށް ގޮސްފައި ޕްރެކްޓިސް ނުކުރެވި. އެކަމަކު ވާޗުއަލްކޮށް ހަފްތާއަކު ތިން ދުވަހު ޓްރެއިނިން ބޭއްވި. އެއީ އެންމެ ރަނގަޅެކޭ ނުބުނެވޭނެ. އެހެންވުމާ އެކު ދެން އެންމެ ރަނގަޅަށް ތައްޔާރުވެގެން މުބާރާތް ބާއްވަން އަންނަ އަހަރަށް ފަސް ކުރެވޭތޯ މި ބަލަނީ،"

ޓީޓީ އެސޯސިއޭޝަންގެ ރައީސް އައްޔަ.

އައްޔަ ވިދާޅުވީ މުބާރާތް ފަސްކުރަން ވިސްނަން ޖެހުނު އަނެއް ސަބަބަކީ މުބާރާތް ބާއްވަން ބޭނުންވާ ސޯޝަލް ސެންޓަރު ލިބޭނެ ދުވަހެއް ޔަގީންކޮށް ނޭނގުމުން ކަމަށެވެ. އެއީ ސޯޝަލް ސެންޓަރު އަދި ވެސް އޮތީ ހެލްތު ޕްރޮޓެކްޝަން އެޖެންސީ (އެޗްޕީއޭ)ގެ ބެލުމުގެ ދަށުގައި ކަމަށް ވެފައި ކޮވިޑްގެ ހާލަތު މި ވަގުތު އޮތްގޮތުން ސީދާ މުބާރާތެއް ތާވަލުކުރެވެން ނެތީ ކަމަށް އައްޔަ ވިދާޅުވި އެވެ.

"(ސޯޝަލް ސެންޓަރު) ލިބޭނެ ދުވަހެއް ވެސް ނޭނގެ. ޓީޓީ އެސޯސިއޭޝަނުން ބޭނުންވީ ރަނގަޅަށް ތައްޔާރުވެގެން ސައުތު އޭޝިއަން ފެޑެރޭޝަނާ ވާހަކަ ދައްކައިގެން އަންނަ އަހަރު ރޯދައިގެ ކުރިއަށް ބޭއްވޭތޯ މި ބަލަނީ،" އައްޔަ ވިދާޅުވި އެވެ.

ސައުތު އޭޝިއާގެ ހަތް ގައުމު ވެސް ޓޭބަލް ޓެނިހުގެ ކަންތައްތަކުގައި މަސައްކަތްކުރަނީ ވަރަށް ގާތްކޮށް ކަމަަށް އައްޔަ ވިދާޅުވި އެވެ. އެހެންވެ، އައްޔަ ހުންނެވީ ރާއްޖޭން ހުށަހަޅާ ގޮތަށް އެ ތާރީހުތަކުގައި އަންނަ އަހަރު މުބާރާތްތައް ބޭއްވޭނެ ކަމުގެ އުއްމީދުގަ އެވެ.

"ހީވަނީ އެ އެގްރީ (އެއްބަސް) ވާނެހެން. ނުރަސްމީކޮށް ކޮމަންވެލްތު ފެޑެރޭޝަން ޗެއާމަންއާ އެކު ވެސް މީޓް ކުރެވިފައި އޮތީ. ދެން ގޮތަކަށް އެގްރީވެފައި އިނީ. ޑޭޓެއް ފިކްސްކުރާނީ (ތާރީހެއް ނިންމާނީ) އެންމެނާ ވެސް ވާހަކަ ދައްކައިގެން،" އައްޔަ ވިދާޅުވި އެވެ.

މިދިޔަ އަހަރުގެ ސެޕްޓެމްބަރު މަހު ޓީޓީ އެސޯސިއޭޝަންގެ ރައީސް ކަމަށް ދެ ވަނަ ދައުރަކަށް އިންތިހާބުވެ ވަޑައިގަތުމަށް ފަހު އައްޔަ ވަނީ ބައިނަލްއަގުވާމީ މުބާރާތްތައް ރާއްޖޭގައި ބޭއްވުމުގެ އަމާޒުގައި ގިނަ މަސައްކަތްތަކެއް ކުރައްވާނެ ކަމަށް ވިދާޅުވެފަ އެވެ. ކޮވިޑްގެ ހާލަތުގެ ތެރޭގައި ވެސް ޓީޓީ އެސޯސިއޭޝަނުން ވަނީ މި އަހަރު ތިން އިވެންޓެއް ބާއްވައިފަ އެވެ. ދުނިޔޭގެ ފެޑެރޭޝަނުން ވަނީ ރާއްޖޭގެ ޓީޓީ އެސޯސިއޭޝަންގެ މަސައްކަތް ފާހަގަކޮށްފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox