ނަޝީދަށް ރައީސް ދެއްވި ޔަގީންކަމަކީ "ފަހަތަށް ނުޖެހޭނެކަން"!

ރައީސް ސޯލިހާއި ނަޝީދު: ޓެރަރިޒަމްގެ މައްސަލަތައް ހުއްޓުވަން ފަހަތަށް ނުޖެހޭނެ ކަމަށް ވިދާޅުވި

ރައީސް ސޯލިހާއި ނަޝީދު: ޓެރަރިޒަމްގެ މައްސަލަތައް ހުއްޓުވަން ފަހަތަށް ނުޖެހޭނެ ކަމަށް ވިދާޅުވި

ޓެރަރިޒަމާއި ހަރުކަށި ފިކުރުގެ ނުރައްކަލުން ގައުމު ސަލާމަތްކުރުމަށް ފަހަތަށް ޖެހިވަޑައިނުގަންނަވާނެ ކަމަށް ވިދާޅުވެ، ރައީސް އިބްރާހިމް މުހައްމަދު ސޯލިހު ރައްޔިތުންގެ މަޖިލީހުގެ ރައީސް މުހައްމަދު ނަޝީދަށް މިއަދު ރައްދު ދެއްވައިފި އެވެ.

ޓެރަރިޒަމްގެ ހަމަލާއެއްގެ ޝިކާރައަކަށްވި ނަޝީދު، އެމްޑީޕީއަށް 16 އަހަރު ފުރުނު ދުވަހު ރައީސް ސޯލިހުގެ ކިބައިން އެދިވަޑައިގެންފައިވަނީ ގައުމު ސަލާމަތްކުރުމަށް ފަހަތުފަޔަށް ބުރަވެވަޑައިނުގެންނެވުމަށެވެ.

"ރައީސުލްޖުމްހޫރިއްޔާގެ އަރިހު ވަރަށް ސާފުކޮށް އަޅުގަނޑު ދަންނަވަން ބޭނުން އަވަހަށް ފަހަތު ފަޔަށް ބުރަވެ ވަޑައިނުގަންނަވާ މިކަންކަން ކުރައްވާށޭ. ދިވެހިރާއްޖެ ސަލާމަތް ކުރައްވަން މަނިކުފާނު މިހާރު ނުކުންނަވާން ޖެހޭނެ،" ނަޝީދު ވިދާޅުވި އެވެ.

އެކަން ކުރުމަށް ގިނަ ބަޔަކު ހައްޔަރުކުރަން ޖެހޭކަން ވެސް އެމްޑީޕީއަށް 16 އަހަރު ފުރުނު ދުވަހުގެ ރޭ ނަޝީދު ވިދާޅުވެފައިވެ އެވެ.

ރައީސް އޮފީހުން މިއަދު ބޭއްވި ނޫސްވެރިންގެ ބައްދަލުވުމުގައި އެކަމާ ގުޅޭ ގޮތުން ނޫސްވެރިޔަކު ސުވާލުކުރުމުން ރައީސް ވަނީ ޓެރަރިޒަމްގެ މައްސަލަތަކުގައި އެކަށީގެންވާ ފިޔަވަޅުތައް އަޅަމުންދާ ކަމާއި ފިޔަވަޅުތައް އެޅުމުގައި ފަސްޖެހިވަޑައިނުގަންނަވާނެ ކަމަށް ވިދާޅުވެފަ އެވެ.

"އަޅުގަނޑުމެން މިތިބީ މިކަން ކުރަން ނުކުމެ، މިކަމުގައި ފަހަތަކަށް ނުޖެހޭނަން، މިކަމުގައި ބަންދުކުރަން ޖެހޭ މީހުން ބަންދުކުރާނަން،" ރައީސް ވިދާޅުވި އެވެ.

ރައީސް ސޯލިހު ވިދާޅުވި ގޮތުގައި، އެމްޑީޕީ އަބަދުވެސް ގަބޫލު ކުރާ ހަމައަކީ ވަކި ހަމައެއް އަދި ގާނޫނީ އިމުގެ ތެރެއިން މަސައްކަތްތައް ކުރުމެވެ. އެ ހަމައިގެ ތެރެއިން ސަރުކާރުން ވެސް މަސައްކަތްތައް ކުރަމުން އަންނަ ކަމަށް ވިދާޅުވި އެވެ.

ޓެރަރިޒަމްގެ މައްސަލަތަކާއި ހަރުކަށި ފިކުރުގެ މައްސަލައަކީ މީގެކުރިން ވެސް އޮތް ކަމެއް ކަމަށާއި ނަމަވެސް، އެކަމަށް ފިޔަވަޅުތަކެއް އަޅަން ފެށީ މި ސަރުކާރުން ކަމަށް ރައީސް ވިދާޅުވި އެވެ. އެގޮތުން، ޓެރަރިސްޓް ޖަމިއްޔާތައް ކަނޑައަޅައި، ޓެރަރިޒަމްގެ ގާނޫނު އިސްލާހުކުރުމުގެ މަސައްކަތްތައް ކުރެއްވިކަން ފާހަގަ ކުރެއްވި އެވެ.

"އަޅުގަނޑުމެންނަށް އެނގޭ މިކަމުގައި ގޮންޖެހުންތަކާ ކުރިމަތިލާން ޖެހޭނެކަން،" ރައީސް ވިދާޅުވި އެވެ.

ރައީސް ވިދާޅުވި ގޮތުގައި، ޓެރަރިޒަމްގެ މައްސަލަތަކުގައި އިދާރާތަކާ ބައްދަލުކުރާ ކޮންމެ ފަހަރަކު ވެސް އެ ފަރާތްތަކުން ފާހަގަކުރަނީ ގާނޫނު އިސްލާހުކުރަން ޖެހޭ ކަމެވެ. އެފަދަ މައްސަލަތަކުގައި އޮންނަ އެންމެ ބޮޑު ގޮންޖެހުމަކީ ގާނޫނު ކަމަށެވެ.

"މީހުން ބަންދުކޮށް އަދިވެސް އިތުރަށް ގާނޫނު އިސްލާހު ކުރަން ޖެހޭ،" ރައީސް ވިދާޅުވި އެވެ.

މީގެކުރިން ޓެރަރިޒަމްގެ ގާނޫނަށް އިސްލާހުތައް ގެންނަ އެ ފާސްކޮށްދިނުމަށް އެދި މަޖިލީހަށް ފޮނުވި ކަމަށާއި ބައެއް މެންބަރުންނަށް އެއީ ވަކި ބަޔަކު ހައްޔަރުކުރުމަށް ކުރާ ކަމެއްގެ ގޮތުގައި ދެކިގެން އެކަން ހާސިލްނުވިކަން ރައީސް ފާހަގަކުރެއްވި އެވެ.

އޭގެފަހުން ވެސް ތަހުގީގީ އިދާރާތަކުން ވަނީ އިސްލާހުތައް ފާސްކޮށްދިނުމަށް އެދި ދަންނަވާފައިވާ ކަމަށް ރައީސް ވިދާޅުވި އެވެ. އެހެންވެ، އަލުން އިސްލާހުތައް ފާސްކޮށްދިނުމަށް މަޖިލީހަށް ފޮނުވާފައިވާނެ ކަމާއި މިފަހަރު އެ އިސްލާހުތައް ފާސްވެގެންދާނެ ކަމަށް އުއްމީދު ކުރައްވާ ކަމަށް އެމަނިކުފާނު ވިދާޅުވި އެވެ.

އެންމެ އެކަށީގެންވާ ގޮތެއްގައި، ޓެރަރިޒަމްގެ މައްސަލަތަކުގައި ފިޔަވަޅުތައް އެޅޭނީ ގާނޫނު އިސްލާހު ވެގެން ކަމާއި، އެ އިސްލާހުތައް ފާސްވުން މުހިންމު ވަނީ އެހެންވެ ކަމަށެވެ. ސަރުކާރުން އަބަދުވެސް އަމަލު ކުރާނީ އުސޫލުތަކުގެ ތެރެއިން ގާނޫނީ އިމުގެ ތެރެއިން ކަމަށް ރައީސް ވިދާޅުވި އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox