އެމްޑީޕީގެ ފަލްސަފާ ދަމަހައްޓަން ޕާޓީގެ ވަޒީރުންނަށް އާދޭސް

އެމްޑީޕީން މީގެ ކުރިން ބޭއްވި ނޫސްވެރިންގެ ބައްދަލުވުމެއްގައި ހަސަން ލަތީފް މައުލޫމާތު ދެއްވަނީ. -ފޮޓޯ: ހުސެއިން ވަހީދު/ އަދަދު

އެމްޑީޕީން މީގެ ކުރިން ބޭއްވި ނޫސްވެރިންގެ ބައްދަލުވުމެއްގައި ހަސަން ލަތީފް މައުލޫމާތު ދެއްވަނީ. -ފޮޓޯ: ހުސެއިން ވަހީދު/ އަދަދު

ސަރުކާރާ މެދު އެމްޑީޕީގެ އާއްމު މެމްބަރުންގެ ނުތަނަވަސްކަން ބޮޑީ ޕާޓީގެ ފަލްސަފާ އާއި އަސާސްތައް ނުހިފެހެއްޓޭތީ ކަމަށާއި އެ މަސައްކަތް ސަރުކާރުގެ އިސް މަގާމުތަކުގައި ތިއްބެވި ޕާޓީގެ ބޭފުޅުން ކޮށްދެއްވަންޖެހޭ ކަމަށް އެ ޕާޓީގެ ޗެއާޕާސަން ހަސަން ލަތީފް ވިދާޅުވެއްޖެ އެވެ.

އިއްޔެ ފާހަގަކުރި އެމްޑީޕީގެ 16 ވަނަ އަހަރީ ދުވަހު، ކުރިން އެކަތިގަނޑެއްގެ ގޮތުގައި އޮތް ޕާޓީގެ ތެރޭގައި އޮތް ބައިބައިވުން ވަރަށް ބޮޑަށް ހާމަވެގެން ގޮސްފައިވެ އެވެ.

އަހަރީ ދުވަހަށް ހާއްސަ ގައުމީ މަޖިލީހުގެ ޖަލްސާއެއް އިއްޔެ ބޭއްވިއިރު، އެ ޖަލްސާގައި ރައީސް އިބްރާހިމް މުހައްމަދު ސޯލިހު ބައިވެރިވެވަޑައިނުގަންނަވަ އެވެ.

ގައުމީ މަޖިލީހުގައި ވާހަކަ ދެއްކެވި ބޭފުޅުންގެ ތެރޭގައި ސަރުކާރުގެ އިސް ބޭފުޅުން ހިމެނިވަޑައިނުގަންނަވަ އެވެ.

އެމްޑީޕީގެ އެންމެ އިސް ސަފުގައި ޒަމާނުއްސުރެން ހަރަކާތްތެރިވަމުން ގެންދެވި މާރިޔާ އަހުމަދުދީދީ އާއި މުހައްމަދު އަސްލަމާއި ފައްޔާޒް އިސްމާއިލް ފަދަ ބޭފުޅުން ޕާޓީގެ އަހަރީ ދުވަހު މެމްބަރުންނަށް މަރުހަބާ ކިޔުއްވައި، އަމިއްލައަށް ޓްވީޓެއް ވެސް ނުކުރެއްވިކަން އާއްމު މެމްބަރުންގެ ސަމާލުކަމުން ކައްސައި ނުލި އެވެ.

އިއްޔެގެ ގައުމީ މަޖިލީހުން މުޅީންހެން އިވުނީ ޝަކުވާ އެވެ.

އެމްޑީޕީގެ މައި ހިއްސާ އޮތް ސަރުކާރަކާ ގުޅުން ކުޑަވުމުގެ ކަންބޮޑުވުންތައް ފާޅުކުރަމުންދިޔަ އެވެ. ސަރުކާރާ ދުރުވެ، ޕާޓީގެ އާއްމު މެމްބަރުން ބީރައްޓެހިވެފައިވާ ކަމުގެ އުދާސްތަކާއެކު އެވެ.

އެކަމާ ގުޅިގެން ކުރި ސުވާލުތަކަށް ޖަވާބު ދެއްވަމުން ހަސަން ލަތީފް "އަދަދު"އަށް ވިދާޅުވީ އެމްޑީޕީއަކީ ވަކި ފަލްސަފާއަކާއި އަސާސްތަކެއްގެ މައްޗަށް ބިނާކޮށް، ވަކި އުސޫލުތަކެއްގެ މަތީގައި ވަކި މަގުސަދުތަކެއް ހާސިލުކުރަން ނުކުތް ޕާޓީއެއް ކަމަށެވެ.

ހަސަން ލަތީފު ވިދާޅުވި ގޮތުގައި، އެ ފަލްސަފާ އާއި އަސާސްތައް ބިނާވެފައި އޮތީ، ރައްޔިތުންނަށް ވި ވައުދުތަކާ އެއް ގޮތަށް ހައްގުތަކާއި އިންސާފު ހޯދައި ދިނުމާއި ކޮރަޕްޝަނާއި ފަސާދަ ހުއްޓުވުމުގެ މައްޗަށެވެ.

ނަމަވެސް، މިހާރު ސަރުކާރުގެ ތެރެއިން ފެންނަމުންދަނީ މުޅީން އެހެން ކަންކަމަށް އިސްކަންދޭ މަންޒަރު ކަމަށާއި، އެކަން ޕާޓީގެ އާއްމު މެމްބަރުންނަށް ބަލައިގަންނަން ދަތިވާ ކަމަށް ވިދާޅުވި އެވެ.

ސަރުކާރުގައި އޮތް އެމްޑީޕީގެ 40 ޕަސެންޓު ހިއްސާ ބޭނުންކުރެވެން އެބަޖެހޭ އެމްޑީޕީ އުފެދުނު މަގުސަދު ހާސިލުކުރަން. އެ ފަލްސަފާގެ މަތީގައި އޮތް މަގުސަދުތަކާއި އުސޫލުތަކަށް އިސްކަން ދެވެންޏާ މެމްބަރުންގެ މެދުގައި މާބޮޑު ހިޔާލުތަފާތުވުންތަކެއް ނުހުންނާނެ. -- ހަސަން

ޕާޓީގެ އަސާސްތައް ދަމަހައްޓައި، އާއްމު މެމްބަރުން އެދޭ ކަންކަން އިސް ސަފަށް ގެނެސް، އެކަންކަން ހާސިލުކޮށްދިނުމުގެ އެންމެ ބޮޑު ޒިންމާއެއް އެޅިފައިވަނީ ސަރުކާރުގެ ތެރޭގައި ތިއްބެވި އެމްޑީޕީއަށް ނިސްބަތްވާ ބޭފުޅުންނަށް ކަމަށް ހަސަން ގަބޫލުކުރައްވަ އެވެ.

ހަސަން ވިދާޅުވި ގޮތުގައި ސަރުކާރުގެ މަގާމުތަކުގައި ތިއްބެވި ބޭފުޅުން ވެސް އެ މަސައްކަތްކޮށްދެއްވަން ޖެހެ އެވެ.

ސަރުކާރުން ކުރާ ކަންތައްތަކުގެ ލިސްޓުގެ އެންމެ ކުރިއަށް އާއްމު މެމްބަރުން ބޭނުންވާ ކަންކަން ގެންނަން ބާރުއަޅަންޖެހެ އެވެ.

"އެކަންކަމަށް އިސްކަން ދޭންވެއްޖެއޭ މިހާރަށް ވުރެ ބޮޑަށް. އާއްމު މެމްބަރުން މި އަހަނީ އޭރު ފެށި މަސައްކަތް މިހާރު ހުރީ ކޮން ހިސާބެއްގަ ތޯ އޭ އޮތީ؟" ހަސަން ވިދާޅުވި އެވެ.

އެމްޑީޕީގެ ރައީސް އަދި ކުރީގެ ރައީސް މުހައްމަދު ނަޝީދު އަވަހާރަކޮށްލަން ދިން ހަމަލާއަށް ދެ މަސް ދުވަސް ހަމަވާންދާއިރު، އެ ހަމަލާގެ އަޑި ނުހޯދި އޮތުމަކީ މެމްބަރުންގެ މެދުގައި އޮތް އިތުރު ހިތްހަމަނުޖެހުމެއް ކަން އޭނާ ފާހަގަކުރައްވަ އެވެ.

ކަންބޮޑުވަނީ ކޮންމެހެން ނަޝީދަށް ހަމަލާއެއް ދެވުމަކުން ވެސް ނޫނެވެ. މަޖީދީމަގުގެ މެދުގައި، އެންމެ ކާރޫބާރުބޮޑު ވަގުތެއްގައި، އެ ހަމަލާ ދެވުނު ފަސޭހަކަމެވެ.

އެކަން ބަލަން އެމްޑީޕީގެ މެމްބަރުން ގޮވަނީ، އެންމެންގެ ސަލާމަތާއި ރައްކާތެރިކަމާ ގުޅިފައިވާތީ ކަމަށް ހަސަން ވިދާޅުވި އެވެ.

"ބަނދަރެއް ނޫނީ ފާލަމެއް އެކަންޏެއް ނޫން ރައްޔިތުން ބޭނުންވެގެން މިއުޅެނީ. މަޖީދީމަގު މެދުގަ ބޮމެއް ގޮއްވާލުން ގުޅިފައިއޮތީ ހުރިހާ ދިވެހި ރައްޔިތުންގެ ސަލާމަތާއި ރައްކާތެރިކަމާ. އާއިލާ ގޮވައިގެން، ބިރެއް ނެތި މަގުމަތީގައި ހިނގާލުމާ،" އޭނާ ވިދާޅުވި އެވެ.

ޕާޓީގެ ތެރޭގައި ނުތަނަވަސްކަން ބޮޑު ނަމަވެސް، އާއްމު މެމްބަރުން އަބަދުވެސް ޕާޓީއާ އެކު ދެމި ތިބޭނެކަން ހަސަން ޔަގީންކުރައްވަ އެވެ.

ސަރުކާރުން ކުރާ މަސައްކަތްތަކުގައި އެމްޑީޕީގެ ފަލްސަފާ ދަމަހައްޓައި، އިސްކަންދޭ ތަރުތީބަށް ބަދަލުގެނެސް، އާއްމު މެމްބަރުންގެ ކަންބޮޑުވުންތައް ހައްލުކޮށްދޭންޖެހޭ ކަމަށް އޭނާ ވިދާޅުވި އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox