މޮޑްރިޗް ތަފާތު، ސްކޮޓްލެންޑް ކަޓުވާލައި ކްރޮއޭޝިއާ އަނެއް ބުރަށް

Jun 22, 2021, 8:53 PM
މޮޑްރިޗް ތަފާތު، ސްކޮޓްލެންޑް ކަޓުވާލައި ކްރޮއޭޝިއާ އަނެއް ބުރަށް

ގްލާސްގޯ، ސްކޮޓްލެންޑް (ޖޫން 23) - ޔޫރޯ ފުޓްބޯޅަ މުބާރާތުގައި މިރޭ ސްކޮޓްލެންޑް 3-1 އިން ބަލިކޮށް ކްރޮއޭޝިއާ މުބާރާތުގެ އަނެއް ބުރުުން ފުރުސަތު ހޯދައިފި އެވެ.

މިރޭގެ މެޗުގައި ކްރޮއޭޝިއާ މޮޅުވުމުގެ އެންމެ ބޮޑު ކްރެޑިޓެއް ހައްގުވަނީ އެ ޓީމުގެ މެދުތެރޭގައި ތަފާތު މޮޅު ކުޅުމެއް ދެއްކި އުމުރުން 35 އަހަރުގެ ލޫކަ މޮޑްރިޗަށެވެ. ކްރޮއޭޝިއާގެ ކެޕްޓަން މޮޑްރިޗް ވަނީ މިރޭ ލަނޑެއް ޖެހުމުގެ އިތުރުން ލަނޑެއް ޖަހަން ފުރުސަތު ތަނަވަސްކޮށްދީފަ އެވެ.

ސްކޮޓްލެންޑް އަތުން ހޯދި ފުރަތަމަ މޮޅާ އެކު ކްރޮއޭޝިއާ ދެ ވަނަ ބުރުގެ ފުރުސަތު ހޯދީ ގްރޫޕް ޑީގެ ދެ ވަނަަ ޓީމުގެ ގޮތުގަ އެވެ. އެއް ވަނަ ލިބުނީ ހަތް ޕޮއިންޓް ހޯދި އިންގްލެންޑަށެވެ. އެ ޓީމުން ވަނީ މިރޭ ޗެކް ރިޕަބްލިކް 1-0 އިން ބަލިކޮށްފަ އެވެ. ދެ ވަނަ އަަށް ދިޔަ ކްރޮއޭޝިއާ އާއި ތިން ވަނަ އަށް ދިޔަ ޗެކް ރިޕަބްލިކަށް ވަނީ ހަތަރު ޕޮއިންޓް ލިބިފަ އެވެ. ކްރޮއޭޝިއާ އަށް ދެ ވަނަ ލިބުނީ ލަނޑުގެ ތަފާތުންނެވެ. އެންމެ ރަނގަޅު ނަތީޖާ ނެރޭ ތިން ވަނަ ޓީމުތަކުގެ ތެރެއިން ޗެކް ރިޕަބްލިކަށް ވެސް ވަނީ އަނެއް ބުރުން ފުރުސަތު ލިބިފަ އެވެ.

Advertisement

ގްރޫޕްގެ ފުލުން ނިންމާލި ސްކޮޓްލެންޑް ކެޓީ ތިން މެޗުން ޕޮއިންޓަކާ އެކު އެވެ. މިރޭގެ މެޗުގެ ކުރިން ކްރޮއޭޝިއާއާ ދެކޮޅަށް ކުޅުނު ފަސް މެޗުން ވެސް ސްކޮޓްލެންޑް ބަލިވެފައިނުވެ އެވެ.

ސްކޮޓްލެންޑްގެ ހެމްޕްޑަން ޕާކުގައި މިރޭ ކުޅުނު މެޗު ފަށައިގެން ސްކޮޓްލެންޑުން ދިޔައީ ކްރޮއޭޝިއާ ފަހަތަށް ބާރުބޮޑު ކުރަމުންނެވެ. މެޗުގެ ކުރީކޮޅުގައި ސްކޮޓްލެންޑްގެ ޖޯން މެކްގިން ނަގައިދިން ހުރަަހަކުން އޭރިއާތެރެއިން ޖަަހަން އަރައި ހުރި ޗޭ އެޑަމްސް އަށް ލިބޭގޮތެއްނުވި އެވެ.

ކްރޮއޭޝިއާ އިން މަޑުމަޑުން މެޗުގެ ތެރެއަށް އައިސް ސްކޮޓްލެންޑްގެ ގޯލާ އަމާޒުކޮށް ފޮނުވާލި ފުރަތަމަ ބޯޅައިން ގޯލެއް ޖެހި އެވެ. މެޗުގެ 17 ވަނަ މިނިޓްގައި ކްރޮއޭޝިއާގެ މި ގޯލު ޖެހީ ނިކޯލާ ވްލަސިޗް އެެވެ. އޭރިއާ ތެރެއިން އިވާން ޕެރިސިޗް ބޮލުން ޖައްސާލި ބޯޅަ ކޮންޓްރޯލް ކުރުމަށް ފަހު ވްލަސިޗް ވަނީ ތިރިތިރިން ގޯލުގެ ކަނަށް ބޯޅަ އަމާޒުކޮށްލައިފަ އެވެ.

ގޯލާ އެކު ކްރޮއޭޝިއާގެ ކޮންފިޑެންސް ރަނގަޅުވެ، އިތުރު ހަމަލާތައް ފޮނުވަން މަސައްކަތް ފެށި އެވެ. މޮޑްރިޗް އޭރިއާބޭރުން ފޮނުވާލި ބާރުބޯޅަ ސްކޮޓްލެންޑްގެ ކީޕަރު ޑޭވިޑް މާޝަލް ވަނީ މަތަކޮށްފަ އެވެ.

ލަނޑު ޖެހުމަށް ފަހު ސްކޮޓްލެންޑްގެ ކުޅުންތެރިން އުފާފާޅުކުރަނީ.-- ފޮޓޯ: އޭއެފްޕީ

ކުޅުން ރަނގަޅުކޮށް ފުރަތަމަ ހާފު ވަރުގަދަކޮށް ނިންމާލި ސްކޮޓްލެންޑުން އެއްވަރުކުރީ މެޗުގެ 42 ވަނަ މިނިޓްގަ އެވެ. މި ގޯލު ޖެހީ ކަލުމް މެކްގްރެގާ އެވެ. މިއީ މިދިޔަ 23 އަހަރުގެ ތެރޭގައި ބޮޑު މުބާރާތެއްގައި ސްކޮޓްލެންޑުން ޖެހި ފުރަތަމަ ގޯލެވެ. މި ފަަހަރުގެ މުބާރާތުގައި ސްކޮޓްލެންޑުން ފުރަތަމަ ކުޅުނު ދެ މެޗު ނިންމާލި ގޯލެއް ނުޖެހި އެވެ. ސްކޮޓްލެންޑަކީ މި މެޗާ ހަމައަށް މި ފަހަރުގެ މުބާރާތުގައި ގޯލެއް ނުޖެހި އޮތް ހަމައެކަނި ޓީމެވެ. މިއީ 1996 ވަނަ އަހަރުގެ ޔޫރޯ އަށް ފަހު މި މުބާރާތުގައި ސްކޮޓްލެންޑުން ޖެހި ފުރަތަމަ ގޯލެވެ.

ކްރޮއޭޝިއާ އިން ދެ ވަނަ ހާފްގެ ކުރީކޮޅުގައި ކުޅުން ރަނގަޅުކޮށް އަލުން ލީޑުނެގޭތޯ މަަސައްކަތްކުރި އެވެ. ކްރޮއޭޝިއާގެ ޖޮވްސްކޯ ގްވާޑިއޯލަށް ލިބުނު ބޯޅައެއް ސްކޮޓްލެންޑްގެ ކީޕަރު މާޝަލް ވަނީ ހުއްޓުވައިފަ އެވެ. އަދި ފަހުން ޕެރިސިޗް ޖެހި ބޯޅަ ވެސް ހުއްޓުވީ މާޝަލް އެވެ.

އެކަމަކު މެޗުގެ 62 ވަނަ މިނިޓްގައި މޮޑްރިޗް ޖެހި ބޯޅަ މާޝަލް އަށް މަތަކުރެވޭ ގޮތެއްނުވި އެވެ. މަޓެއޯ ކޮވަސިޗް ދިން ބޯޅަ މޮޑްރިޗް ވަނީ ގޯލުގެ މަތީ ކަނަށް އަމާޒުކޮށްލައި އެ ޓީމަށް އަލުން ލީޑުނަގައިދީފަ އެވެ. މިއީ މި މުބާރާތުގައި މިހާތަނަށް ފެނުނު އެންމެ މޮޅު އެއް ގޯލެވެ.

މޮޑްރިޗަކީ ޔޫރޯ ތާރީހުގައި ކްރޮއޭޝިއާ އަށް ގޯލެއް ޖަހައިދިން އެންމެ ޒުވާން އަދި އެންމެ ދުވަސްވީ ކުޅުންތެރިޔާ އެވެ. މޮޑްރިޗް 2008 ވަނަ އަހަރުގެ ޔޫރޯގައި ކްރޮއޭޝިއާ އަށް ގޯލެއް ޖަހައިދިންއިރު އުމުރަކީ 22 އަހަރާއި 273 ދުވަހެވެ. މިރޭގެ މެޗުގައި ގޯލު ޖެހިއިރު އޭނާގެ އުމުރަކީ 35 އަހަރާއި 286 ދުވަހެވެ. އަދި އޭނާ އަކީ ތަފާތު ތިން ޔޫރޯއެއްގައި ކްރޮއޭޝިއާ އަށް ގޯލެއް ޖަހައިދިން ފުރަތަމަ ކުޅުންތެރިޔާ އެވެ.

ކްރޮއޭޝިއާ އިން ތިން ވަަނަ ގޯލެއް ޖެހީ މެޗުގެ 78 ވަނަ މިނިޓްގަ އެވެ. ކޯނަރަކުން މޮޑްރިޗް ނަގައިދިން ބޯޅަ ޕެރިސިޗް ވަނީ ބޮލުން ގޯލުގެ ދުރު ކަނަށް އަމާޒުކޮށްލައިފަ އެވެ. އެ ބޯޅަ ގޯލަށް ވަނީ ދަނޑީގައި ޖެހިފަ އެވެ.

މި މެޗުން ބަލިވެ ބައިނަލްއަގުވާމީ މުބާރާތެއްގެ ގްރޫޕް ސްޓޭޖު ފަހަނައަޅައި ގޮސް ނޮކައުޓް ބުރެއްގައި ވާދަކުރަން ސްކޮޓްލެންޑުން ކުރަމުން އައި އިންތިޒާރު ދިގުވީ އެވެ. ސްކޮޓްލެންޑް ވަނީ އަށް ވޯލްޑް ކަޕާއި ތިން ޔޫރޯގައި ވާދަކޮށްފަ އެވެ.

މުބާރާތުގެ ދެ ވަނަ ބުރުގައި ކްރޮއޭޝިއާ ކުޅޭނީ ގްރޫޕް އީގެ ރަނަަރަޕް ޓީމާ އެވެ. އެ ގްރޫޕްގައި އޮތީ ސްޕެއިން، ސްލޮވާކިއާ، ސްވިޑެން އަދި ޕޮލެންޑް އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox