ގެއްލިފައިވާ މަރިޔާދުގެ ދޮރޯށި

ގެއްލިފައިވާ މަރިޔާދުގެ ދޮރޯށި

އަސްލު ލިޔުއްވީ: މުޞްޠަފާ އަލްމަންފަލޫޠީ

ތަރުޖަމާ: ނޫރުއްސަލާމް އަބޫބަކުރު

މި ފަހަރު އަހެރެން ޅެންވެރިޔަކު ކަމުގައިވާނަމެވެ. އެކަމަކު ވަޒަނާއި ކާފިޔާއިން ދުރުވެހުރެ އެވެ. ހަތަރުކަޅި ހަމަކޮށްގެން ހިތްތަކާ ވާހަކަދެއްކުމަށެވެ. އެއީ ޅެންބަހުން ނޫނީ ކުރެވޭނެ ކަމެއް ނޫނެވެ.

ބިމަށް އުކާލެވޭ އޮށްތަކުން ކޯދުލައި ނިރުފަޅަނީ، ދަނޑުވެރިޔާ ފަސްގަނޑު ޖަހައި، ވެލިގަނޑު އެފުށްމިފުށަށް ޖަހާތީ އެވެ. ހިތްތައް ވަނީ އެފަދައިންނެވެ. ހިތްތަކުގެ އެތެރެއަށް ދެމިގަނެ އޭގެ ފުށްވަރުތައް ވަކިން ނިއުޅައި، އެންމެ ފުންމިނަށް ވާސިލުނުވާނަމަ، އިބުރަތެއް ނުލިބޭނެ އެވެ. ހިތްތަކުގެ ފަސްގަނޑުޖެހޭނެ އުދައްޔެއް ޅެންބަހުރުވަ ފިޔަވައި ނުވެ އެވެ.

އުފާވެރި މީހާ އެވެ. އޯގާވެރިވާށެވެ. ހިތަށް އޯގާ ވައްދާށެވެ. ހިތަކީ އޯގާކަމުގައި ވެއްޖައުމަށް ދާންދެނެވެ.

ކަލޭ ބުނެފާނެ އެވެ. އަހަރެން މިހުރީ އުފަލަކުން ނޫނެވެ. އަހަރެންގެ ހިތަކީ، އެހެން ހިތްތަކަށް އުފުލަންޖެހިފައި ނުވާފަދަ ހާސްކަމާއި ނުތަނަވަސްކަން އުފުލަންޖެހިފައިވާ ހިތެކެވެ. ރަނގަޅެވެ. އެކަން އެގޮތަށް ބާއްވާށެވެ. އެކަމަކު ބަނޑުހައިވެފައިވާ މީހާއަށް ކާންދޭށެވެ. ނިވާކުރާނޭ ފަދައެއް ނެތް މީހާއަށް ފޭރާންދޭށެވެ. ހިތްދަތި މީހާއަށް ހިތްވަރުދޭށެވެ. މުސީބާތްޖެހިފައިވާ މީހާއަށް ފަސޭހަކޮށްދޭށެވެ. ކަލޭގެ އާހުތަކާއި އުދާސްތައް ފިލައިދާނެ ފަދަ އެންމެ ހެޔޮ ހަމްދަރުދީ މިނިކަމެތި މުޖުތަމައުން ލިބޭނެ އެވެ. ކަޅުފޮއި އަނދިރިކަމުގެ ތެރެއިން އަލިކަން ނުކުމެދާނެކަމާމެދު ޝައްކު ނުކުރާށެވެ. ރޭގަނޑުގެ ފަރުދާ ފޫދުއްވާލާފައި މެނުވީ ސާދަވިލޭރޭގެ ހަނދު ފާޅެއް ނުވާނެ އެވެ. އަނދިރީގެ ބަނޑުން ނޫނީ ފަތިސް ނުވިހާނެ އެވެ. ހުރިހާ އަރާމުތަކެއް ބާވެއްޖެ އެވެ. ގިޔާމަތް މަހުޝަރު ދުވަހުގެ ވާހަކަތައް އަޑުއެހުމަށްވުރެ ލައްޒަތްތަކުން ނަފުސަށް ލިބޭ ބުރަތައް ބޮޑުވެއްޖެ އެވެ. އިންސާނާއަށް ކެތްތެރިކަން ލިއްބައިދޭނޭ އެންމެ ލައްޒަތެއް ނޫނީ ބާކީ ނެތެވެ. އޯގާވެރިވުމުގެ މީރުކަމެވެ.

ޝުކުރުވެރިކަމުގެ މަންޒަރަކީ ދަމާ ބާރު ހުންނަ ރީތި މަންޒަރެކެވެ. ޝުކުރުވެރިޔާގެ ސަނާގެ ބަސްތަކާއި ތައުރީފުގެ ލަފުޒުތައް ޒައިލަފޯނެއްގެ ލެންބުންތަކާއި ފުއްމާއޮނުގެ މިޔުޒިކަށް ވުރެ އެހުމަށް ހިތްގައިމެވެ.

ހާލުގައި ޖެހިފައިވާ މީހުންނާއި ފަގީރުންނާއި ނިކަމެތީންނަށް އޯގާވެރިވާށެވެ. ހިތްފަސޭހަކަމާއި އުފާވެރިކަމުގެ މަރިޔާދުގެ މައިޒާންވަނީ އެމީހުންގެ ހިތްތަކުގެ ދުއާތަކުގެ ބަނޑުގަ އެވެ.

ކަލޭގެ ނަޒަރު ދެރަ މީހަކަށް އެހެންޏާ ނިކަމެއްޗަކަށް ހުއްޓޭހިނދު ކަލޭ ރޯނެނަމަ ކޮންފަދަ ހެއްޔެވެ؟ ކަލޭގެ ރުއިމާއި ކަރުނައިން އޭނާ ހިނިތުންވުމަށްޓަކަ އެވެ. އެހެނީ މިފަދަ ދަނޑިވަޅުތަކުގައި ކަލޭގެ ކޯތާފަތް މައްޗަށް އޮހޮރޭ ކަރުނައަކީ، އެ ހުދު ގަނޑުގައި ކަލެޔަކީ އިންސާނެއްކަމަށް ލިޔެދޭ ރެނދަންލީ ފޮޅުވަތްތަކެކެވެ.

އުޑު ރޮނީ ވިލާގެ ކަރުނައިންނެވެ. ވިންދުޖަހަނީ ވިދުވަރުގެ އަލީންނެވެ. ހަޅޭލަވަނީ ގުގުރީގެ އަޑުންނެވެ. ބިންގަނޑު ކުކުރަނީ ވައިގެ ރޯޅިންނެވެ. މުގުރަނީ ކަނޑުގެ ރާޅުންނެވެ. އުޑުގެ ރުއިމާއި ބިމުގެ ކުކުރުން އިންސާނުންނަށް އޯގާތެރިކަމެއްކަމުގައި ނޫނީ ނުވެ އެވެ. އަހަރެމެންނަކީ އޭގެ ދަރީންނެވެ. އޭގެ ރުއިމާއި ކުލުނުގައި ހިނގަމާ ހެއްޔެވެ؟

ލޭއޮހޮރުވާ އަތަށްވުރެ ކަރުނަތައް ހުއްޓުވާ އަތް މާހެޔޮވެފައި ހެޔޮކަން ބޮޑެވެ. ހިތްތަކަށް ހިތްހަމަޖެހުން ގެނެސްދޭ އަތް ބަނޑުތައް ފޫވައްޓާ އަތަށްވުރެ ޝަރަފުވެރި އެވެ. ދިރިހުރި މީހެއް މަރާ މީހާ އާއި މަރުވެފައިވާ މީހެއް ދިރުވާ މީހާއާ ދެމެދު ކިހާ ތަފާތެއް ހުންނާނެ ހެއްޔެވެ؟

އޯގާގެ ލަފުޒު ކުޑަ އެވެ. އެކަމަކު އޭގެ މާނައިގެ ފަރަގު، އިރުގެ ހަގީގަތާއި ދުރުން ފެންނަ މަންޒަރާ ދެމެދު ހުރި ތަފާތާ އެއްފަދަ އެވެ.

ހިކުމަތްތެރިޔާއަށް ގެއްލިގެންއުޅޭ އެތި އޭނާގެ ގުނަންތަކުގެ ތެރެއިން އޯގާވެރި ހިތެއް ފެނިއްޖެއްޔާ އެއޮތީ ފެނިފަ އެވެ. މުޖުތަމައު ހޯދަމުންދާ އުފާފާގަތިކަން މުޖުތަމައަށް އެހާރުން އެއޮތީ ފެނިފަ އެވެ.

މީސްތަކުން އެއްބަޔަކު އަނެއް ބަޔަކަށް އޯގާވެރި ވެއްޖެނަމަ އެމީހުންގެ ތެރޭގައި ބަނޑުހައިވެފައިވާ މީހަކު، ބޭނުމެއް ޖެހިފައިވާ މީހަކު، ހިތްދަތި މީހަކު، ކަންބޮޑުވެފައިވާ މީހަކު ނުހުންނާނެ އެވެ. ކަރުނަވަޅުތަކުން ފެން އޮބި، އަރިކަށިތައް ތަންމަތީގައި ހަމަޖެހިދާނެ އެވެ. އޯގާވެރިކަން މުޖުތަމައުގެ ބިކަކަން ފުހެލާނީ، ހެނދުނުގެ ދުލުން އަނދިރީގެ ދެލިގަނޑު ފޮހެލާ ފަދައިންނެވެ.

މާތް ﷲ އިންސާނާ ހެއްދެވީ އޭނާގެ ރިޒުގު ތާށިކޮށްފައި ހައިހޫނުކަމާއެކު މަރުވެދިއުމަށް މުޖުތަމައަށް އެއްލާލުމަކަށް ނޫނެވެ. އެކަމަކު އެކަލާނގެ ހިކުމަތްވަންތަކަން ނިޔާކުރީ އޭނާއާއެކު އޭނާގެ ކޮއްތާއި ބޭނުންވާނެ ތަކެތި އުޑުގެ ހިޔާދަށުގައި ބިމުގެ ތަނަވަސް މައިދާނުގައި ލެއްވުމަށެވެ. ނަމަވެސް އޯގާވެރިކަން ނެތިދިއުމުގެ ސަބަބުން އެއްބަޔަކު އަނެއް ބަޔަކަށް އަނިޔާވެރިވަނީ އެވެ. ގަދަ މީހާ ބިކަ މީހާއަށް ހިޔާނާތްތެރިވަނީ އެވެ. ދެރަމީހާގެ އެތިކޮޅުވެސް މޮޅުމީހާ ދަމައިގަންނަނީ އެވެ. އޭގެ ސަބަބުން އަދުލުވެރިކަމާއެކު ބެހިގެންދިއުމުގެ ނިޒާމު ގަޑުބަޑުވަނީ އެވެ. ނިޒާމުގެ ރީތި ހުތުރަށްވަނީ އެވެ.

މުޖުތަމައަކީ ތިމާ އެވެ. ގިނަވަނީ ތަފާތު ސޫރައިގައި ތިބީމަ އެވެ. އިންސާނަކު އިންސާނަކަށްވާނީ މި ހަގީގަތް ލޮލުން ފެނި އޭގައި އަތުން ހިފުނު އިރަކުންނެވެ. އޭރަށް ތިމާގެ ހިތް ތެޅޭނީ އެހެން ހިތްތަކުގެ ތެޅުމަށެވެ. ހަމަޖެހޭނީ އެހެން ހިތްތަކުގެ ހަމަޖެހުމަށެވެ. އެކަނިވެރިވަނީ މި އިންސާނީ ކަރަންޓު ކެނޑުމުންނެވެ.

އުފާވެރިޔާ އެވެ. ނިކަމެތީންނާއި ފަގީރުންނަށް އޯގާވެރިވާށެވެ. ނިކަމެތީންގެ ކަރުނަތައް ފޮހޭށެވެ. ބިމުގައިވާ މީހުންނާއި ތަކެއްޗަށް ރަހުމު ކުރާށެވެ. ރަހުމާންވަންތަ ކަލާނގެ ރަހުމަތްލައްވާނެ އެވެ.

ކޮމެންޓް

ފަހުގެ ޚަބަރު

ސިންގަޕޫރާއި ދެކުނު ކޮރެއާގެ ފޮރިން އިންވެސްޓްމަންޓާ އަޅާކިޔުން

ރާއްޖެއަށް ބޭރުގެ އިންވެސްޓްމަންޓްތައް މުހިންމު ނަމަވެސް، ބިން ދޫކުރުމުގައި ދައުލަތަށް ލިބޭ ދާއިމީ ފައިދާއާއި ނުރައްކަލަށް ވިސްނަންޖެހެއެވެ. ސިންގަޕޫރު ފަދަ ގައުމުތަކުގައި ބޭރުގެ އިންވެސްޓަރުންނަށް ބިން ދޫކުރަނީ ހާމަކަންބޮޑު ބީލަމުގެ ނިޒާމެއްގެ ތެރެއިން، ވަކި މުއްދަތަކަށް ކުއްޔަށް ކަމަށްވާއިރު، ބިމުގެ މިލްކިއްޔާތާއި ބަނދަރު ފަދަ މުހިންމު ވަސީލަތްތައް ބާއްވަނީ ދައުލަތުގެ ބާރުގެ ދަށުގައެވެ. އެހެންކަމުން ރާއްޖޭގެ މަޝްރޫޢުތައް ކުރިއަށްގެންދާއިރު މިފަދަ ކާމިޔާބު ނަމޫނާތަކަށް ބަލައި، ދައުލަތުގެ މަންފާ އިސްކުރުން މުހިންމެވެ.

އީގަލް ހިލްސްއާ ނުލައި ވެސް ރަސްމާލެއިން ދާއިމީ ނަފާ ހޯދިދާނެ

ރަސްމާލެ ޓޫރިޒަމަށް އީގަލް ހިލްސްއަށް ދޫކޮށްލައިގެން ނުވާނެ. އޭގެ ބަދަލުގައި، ދިވެހިންގެ ފުރިހަމަ މިލްކުވެރިކަން އޮންނަ "ރަސްމާލެ ހިއްސާ" ކުންފުނިން ބިމުގެ ކޮންޓްރޯލް ހިފަހައްޓައި، ދައުލަތް އެންމެ ލޯނެއް ވެސް ނުނަގައި، ވަޒީފާތަކަށް އަމާޒުކޮށް އަމިއްލަ ހަރަދު އަމިއްލައަށް ބަލަހައްޓާ ދިރުންހުރި ސިޓީއެއް ބިނާކުރަންވީ.

ރައްޔިތުންގެ 'އިހުތިރާމު އަތުލުމުގެ' މަޝްރޫއު

ރާއްޖޭގައި އަހުލާގާއި އިހުތިރާމު ކުރުމުގެ ސިފަ އާލާކުރުމަށްޓަކައި، ރައީސް މުއިއްޒު ވަނީ ފަސް އަހަރު ދުވަހުގެ ގައުމީ ކެމްޕޭނެއް ރަސްމީކޮށް އިފްތިތާހުކޮށްދެއްވާފަ. މި ކެމްޕޭނަކީ ދުނިޔޭގެ ބައެއް ޑިކްޓޭޓަރުން ރައްޔިތުންގެ އަހުލާގު ބައްޓަންކުރަން ހިންގި ފަދަ ހަރަކާތްތަކާ އެއްގޮތް ކަމެއް.

ފުށިދިއްގަރު ފަޅާއި ދިވެހިންގެ ހައްގު

މާލެ ސަރަޙައްދުގެ ބޯހިޔާވަހިކަމަށް ޙައްލެއް ހޯދުމަށް "ރަސްމާލެ" މަޝްރޫޢު ފަށާފައިވާއިރު، މިއީ ދިވެހިންގެ މިލްކެއްގެ ގޮތުގައި ސަރުކާރުން ވަނީ ބުނެފައެވެ. ނަމަވެސް، ދިވެހިން ބޯހިޔާވަހިކަމަށް ބޭނުންވެފައި ތިއްބާ ބިދޭސީން ރަށްވެހިކުރުމަށް މި މަޝްރޫޢު ބަޔަކާ ހަވާލުކުރުމަކީ ދިވެހިންގެ ޙައްޤުތަކަށް އުނިކަން އަންނާނެ، ޤައުމީ ސަލާމަތަށް އޮތް ބިރެއް ކަމަށް ގިނަ ބަޔަކު ދެކެއެވެ.

ސިޔާސީ ނިންމުމެއް 99 އަހަރުގެ ގާނޫނީ އިލްތިޒާމަކަށް

ރަސްމާލެ މަޝްރޫއު ތަރައްގީކުރުމަށް ސަރުކާރުން އީގަލް ހިލްސްއާއެކު ހުސްނުވާ 99 އަހަރަށް ސޮއިކުރާއިރު މިއީ އާދައިގެ ސިޔާސީ ނިންމުމަކަށްވުރެ މާ ބޮޑު ގާނޫނީ އިލްތިޒާމެކެވެ. މި އެއްބަސްވުމުގެ ދަށުން އުފެދޭނޭ ގާނޫނީ އިލްތިޒާމުތައް ނިމުމަކަށް ގެނައުމުގައި ހުރި ގާނޫނީ ގޮންޖެހުންތަކަށް މި ލިޔުމުގައި ވާހަކަ ދައްކަ އެވެ.

ޝަރުތުތަކާއެކު ބްލީޗުން ދަތްއުނގުޅުން ހުއްދަކުރުން

ރަސްމާލެ ޕްރޮޖެކްޓް ޒަޔަނިސްޓުންނާ ގުޅުން އޮތް ބަޔަކަށް އެމީހުން ވަޒަންވެރިވުމުގެ ފުރުސަތު އޮތް ގޮތަކަށް ޝަރުތުތަކަކާއެކު ދިނުން ހުއްދަވާނެކަމަށް ނެރެގެން އުޅޭ ފަތުވާއަކީ ގެއްލުން ނުވުމުގެ ޝަރުތުތަކާއެކު ލައްފިލުވާލައިގެން ދަތް އުނގުޅުން ހުއްދަވާނެކަމަށް ބުނުން ފަދަ ސޮހޮލު ވަކާލާތެކެވެ.

ސިޓީބިޓީ: ގައުމުގެ އިސް ރަށްވެހީންނަށް އިލްތިމާސެއް

ގައުމީ ކަންކަމުގައި ރައީސުލްޖުމްހޫރިއްޔާއަށް ލަފާ އެރުވުމަށްޓަކައި، ދައުލަތުގެ މަތީ އިއްޒަތް ލިބިވަޑައިގެންފައިވާ 12 ތަޖުރިބާކާރު ބޭފުޅުންގެ މައްޗަށް އެކުލެވޭ ހާއްސަ މަޖިލީހެއް ރައީސް އޮފީހުން އެކުލަވައިލައިފިއެވެ. މި މަޖިލީހުގެ މައިގަނޑު މަގުސަދަކީ ގައުމުގެ ހިންގުން ހަރުދަނާކުރުމަށް ބޭނުންވާ އިހުލާސްތެރި މަޝްވަރާ ހޯދުން ކަމަށްވާއިރު، މިއީ ގައުމުގެ މުސްތަގުބަލާ މެދު ރައްޔިތުންގެ ކަންބޮޑުވުންތަކެއް ހުރި ނާޒުކު ދަނޑިވަޅެއްގައި އެޅުނު މުހިންމު ފިޔަވަޅެކެވެ.

Newsletter

Get the latest news delivered straight to your inbox