ސަރުކާރު ދެމިއޮތުމަށް އެދޭ މީހުން ގާނޫނުލް އުގޫބާތަށް ހުށަހެޅި އިސްލާހަށް ތާއީދު ނުކުރާނެ ކަމަށް ޖޭޕީން ބުނެފި

ޖުމްހޫރީ ޕާޓީގެ ލީޑަރު ގާސިމް އިބްރާހިމް ރައީސް ސޯލިހާއެކު: ޖޭޕީގެ ބަޔާނުގައި ބުނެފައި ވަނީ ބިލު ތަސްދީގުވެއްޖެ ނަމަ އެއީ ދީނަށް ފުރައްސާރަ ކުރުމަށް ހުޅުވައިދެވޭނެ ގާނޫނީ ދޮރެއް ކަމަށް -- އަދަދު ފައިލް ފޮޓޯ

ޖުމްހޫރީ ޕާޓީގެ ލީޑަރު ގާސިމް އިބްރާހިމް ރައީސް ސޯލިހާއެކު: ޖޭޕީގެ ބަޔާނުގައި ބުނެފައި ވަނީ ބިލު ތަސްދީގުވެއްޖެ ނަމަ އެއީ ދީނަށް ފުރައްސާރަ ކުރުމަށް ހުޅުވައިދެވޭނެ ގާނޫނީ ދޮރެއް ކަމަށް -- އަދަދު ފައިލް ފޮޓޯ

މުސްލިމަކީ ކާފަރެއް ކަމަށް ބުނުމާއި ވަކި މީހަކީ ދީނާ ދެކޮޅު މީހެއް ކަމަށް ބުނުން އެއީ ޖިނާއީ ކުށަކަށް ހަދަން ހުށަހެޅި ބިލް ފާސްވެއްޖެ ނަމަ އިސްލާމް ދީނަށް ފާޑުކިޔުމުގެ ދޮރު ހުޅުވައިދެވުނީ ކަމަށާއި ސަރުކާރު ދެމިއޮތުމަށް އެދޭ އެކަކު ވެސް ބިލަށް ތާއީދު ނުކުރާނެ ކަމަށް ޖުމްހޫރީ ޕާޓީން މިރޭ ބުނެފި އެވެ.

ނަފްރަތުގެ އަމަލު ހިންގުން ކުށަކަށް ހަދައި، އާންމު ތަންތަނުގައި މީހުން ކާފަރު ކުރުމާއި ދީނާ ދެކޮޅު މީހެއް ކަމަށް ތުހުމަތު ކުރުމާއި އަގީދާއާ ގުޅުވައި ނަފްރަތުގެ އަމަލު ހިންގުން ކުށަކަށް ހަދައި ގާނޫނުލް އުގޫބާތަށް ސަރުކާރުގެ ފަރާތުން ތުޅާދޫ ދާއިރާގެ މެމްބަރު ހިސާން ހުސެއިން އިސްލާހެއް ހުށަހެޅުއްވީ މިދިޔަ ހަފްތާގަ އެވެ.

އެ އިސްލާހާމެދު ދެކޭ ގޮތް ހާމަކޮށް މާމިނގިލީ ދާއިރާގެ މެންބަރު ގާސިމް އިބްރާހިމްގެ ޖުމްހޫރީ ޕާޓީގެ ފަރާތުން ނެރުނު ބަޔާނެއްގައި ބުނެފައި އޮތީ "ހުށަހަޅާފައިވާ ބިލް، ހުށަހަޅާފައިވާ މަފްހޫމާ އެއްގޮތަށް ފާސްކޮށް ގާނޫނަކަށްވެއްޖެ ނަމަ ދިވެހި މުޖްތަމައު އިތުރަށް ފިތުނަވެ ފަސާދަވުން ނޫން ގޮތެއް ނުވާނެކަން ހަމަކަށަވަރު" ކަމަށެވެ.

Advertisement

"އަޅުގަނޑުމެން ގަބޫލު ކުރާ ގޮތުގައި މި ސަރުކާރު ދެމިއޮތުމަށް ތާއީދު ކުރާ އެކަކު ވެސް ހުށަހެޅިފައިވާ ބިލު ހުށަހަޅާފައި އޮތް މަހްފޫމުގައި ފާސްކޮށް ގާނޫނަކަށް ހެދުމަށް ތާއީދެއް ނުކުރާނެ،" އެ ބަޔާނުގައި ބުނެފައިވެ އެވެ.

އެ އިސްލާހު ތަސްދީގުކޮށްފި ނަމަ މަޖިލީހާއި ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު އެ ހުޅުއްވަނީ އިސްލާމް ދީނަށް ފުރައްސާރަ ކުރާ މީހުންނަށް އެކަން ކުރަން ގާނޫނީ ދޮރެއް ކަމަށް ވެސް ޖޭޕީގެ ބަޔާނުގައި ބުންޏެވެ.

"[އިސްލާހު ތަސްދީގުވެއްޖެ ނަމަ] ރައްޔިތުންގެ މަޖިލީހާއި އެ ނޫން ވެސް ތަންތަނުގައި ﷲ ތައާލާގެ ހަޒްރަތަށާއި އެކަނލާންގެ ރަސޫލާ ސ.އ.ވ އަށް ފުރައްސާރަކޮށް އިސްލާމް ދީނާ ދެކޮޅަށް ފާޅުގައި ވާހަކަ ދައްކާ ހަދާ މީހުންނަށް އެ ހުޅުވާދެވުނީ އެކަން ކުރުމުގެ ގާނޫނީ ދޮރު،" ޖުމްހޫރީ ޕާޓީގެ ބަޔާނުގައިވެ އެވެ.

އިސްލާމް ދީނަށް ލޯބި ކުރާ އެއްވެސް ރައްޔިތުންގެ މަޖިލީހުގެ މެމްބަރަކު ސަރުކާރުން ހުށަހެޅި ގޮތަށް ބިލު ފާސް ކުރުމަށް ވޯޓު ދެއްވަފާނެތޯ އެ ބަޔާނުގައި ސުވާލުކޮށްފައިވ އޮތެވެ. އަދި ބިލާ އެއްކޮޅަށް ވޯޓު ދީފި ނަމަ އެއީ މެންބަރު ކަމުގެ ހުވަޔާ ހިލާފުވުން ނޫންތޯ ވެސް ޖޭޕީގެ ބަޔާނުގައި ސުވާލު އުފައްދާފައިވެ އެވެ.

ސަރުކާރުން ގާނޫނުލް އުގޫބާތަށް ހުށަހެޅި އިސްލާހާއެކު ކުރިމަތިވި ޕްރެޝަރުތަކަށްފަހު، އިސްލާމް ދީނަށް ފުރައްސާރަ ކުރުމަކީ ވެސް ކުށެއް ކަމަށް ހަދައި އެކަން ތަފްސީލުކޮށް ބިލެއް ތައްޔާރު ކުރައްވަމުން ގެންދަވާ ކަމަށް ބަންޑާރަ ނައިބު އިބްރާހިމް ރިއްފަތު އޮތީ ވިދާޅުވެފަ އެވެ.

މީހުން ކާފަރު ކުރުމާއި އަގީދާއާ ގުޅުވައިގެން އެކި ތުހުމަތުތައް ކުރުން މަނާ ކުރުމުގެ މަސައްކަތް ސަރުކާރުން މި ކުރަނީ ކުރީގެ ރައީސް މުހައްމަދު ނަޝީދު އަވަހާރަކޮށްލަން ބަޔަކު މިދިޔަ މެއި، 6، ގައި ބޮމެއް ގޮއްވާލާފައި އޮއްވަ އެވެ.

ދީނީ ގޮތުން ހަރުކަށި ފިކުރެއް ގެންގުޅޭ ކަމަށް ޝައްކު ކުރެވޭ ބަޔަކު ބޮން ގޮއްވާލީ މަޖީދީ މަގާއި ނަޝީދު ދިރިއުޅުއްވާ ގ. ކެނެރީގެ ހުންނަ ނީލޯފަރު މަގު ކަންމަތީގައި ސައިކަލެއްގަ ބޮން ހަރުކޮށްގެނެވެ. އެ ހަމަލާގައި ނަޝީދު ވަރަށް ބޮޑަށް ޒަހަމްވެވަޑައިގެންނެވިއިރު ފުރާނަފުޅު ސަލާމަތް ކުރެވުނީ މެދުނުކެނޑި ކުރި 16 ގަޑިއިރުގެ ސާޖަރީތަކަކަށްފަހު ކަމަށް ހޮސްޕިޓަލުން ބުނެފައިވެ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox