ޖޯޖީނިއޯގެ ވާހަކަތަކަށް ލަމްޕާޑް ރައްދުދީފި

May 20, 2021, 6:26 AM
ޗެލްސީގެ މެޗެއްގެ ތެރެއިން ލަމްޕާޑް (ކ) އާއި ޖޯޖީނިއޯ.

ޗެލްސީގެ މެޗެއްގެ ތެރެއިން ލަމްޕާޑް (ކ) އާއި ޖޯޖީނިއޯ.

ލަންޑަން (މެއި 20) - ޗެލްސީގެ ކޯޗުކަމާ ފްރޭންކް ލަމްޕާޑް ހަވާލުވީ މާ އަަވަހަށް ކަމަށް ބުނެ، އެ ޓީމުގެ މިޑްފީލްޑަރު ޖޯޖީނިއޯ ދެއްކި ވާހަކަތަކަށް ލަމްޕާޑް ރައްދުދީފި އެވެ.

މަގާމާ ހަވާލުވިތާ 18 މަސް ދުވަސް ފަހުން ޗެލްސީގެ ކޯޗުކަމުން އެ ކްލަބްގެ ކުރީގެ ކުޅުންތެރިޔާ ލަމްޕާޑް ވަކިކުރީ މިދިޔަ ޖެނުއަރީ މަހު 25 ވަނަ ދުވަހު އެވެ. ޗެލްސީ އަކީ ލަމްޕާޑްގެ ކޯޗިން ކެރިއަރުގައި އޭނާ ހަވާލުވި ދެ ވަނަ ޓީމެވެ. ލަމްޕާޑް ކޯޗިން ކެރިއަރު ފެށީ 2018 ވަނަ އަހަރު ޑާބީ ކައުންޓީންނެވެ.

މިދިޔަ މަހު ޖޯޖީނިއޯ އީއެސްޕީއެން ބްރެޒިލް އަށް ދިން އިންޓަވިއުއެއްގައި ބުނީ އޭނާ ދެކޭގޮތުގައި ލަމްޕާޑް ޗެލްސީއާ ހަވާލުވީ މާ އަވަހަށް ކަމަށާއި ލަމްޕާޑަކީ ޗެލްސީގެ ލެޖެންޑެއް ކަމުގައި ވިޔަސް ކޯޗިން ކެރިއަރުގައި ބޮޑު ކްލަބަކާ ހަވާލުވާން ޖެހޭނީ އެކަށީގެންވާ ވަރަށް ތައްޔާރުވެގެން ކަމަށެވެ.

Advertisement

ލަމްޕާޑް ކޯޗަކަށް ހުރިއިރު ޖޯޖީނިއޯ ޗެލްސީ ދޫކޮށްލާ ވާހަަކަތައް ވަރަށް ގަދަ އަށް މީޑިއާގައި ދެކެވުނެވެ. އެކަމަކު ޖޯޖީނިއޯ އަށް ޓީމުން މާ ބޮޑަށް ކުޅުމުގެ ފުރުސަތު ނުލިބުނު ނަމަވެސް އޭނާ ޗެލްސީގައި މަޑުކުރީ އެވެ.

ޗެލްސީގެ ކޯޗުކަމުން ވަކިވި ފަހުން މީޑިއާއާ ވާހަކަ ދެއްކި ދެ ވަނަ ފަހަރު ލަމްޕާޑް މި ވަނީ ޖޯޖީނިއޯ އަށް ރައްދުދީފަ އެވެ.

ޓެލެގްރާފް ނޫހަށް ލަމްޕާޑް ބުނީ ކޯޗަކު ޓީމެއް ދޫކޮށްލާއިރު ރަނގަޅު ވާހަކަ ދައްކާ ކުޅުންތެރިންނާއި އެ ކޯޗަކު ގޯސްކޮށްފައި ވާހަކަ ދައްކާ ކުޅުންތެރިން ތިބޭނެ ކަމަށެވެ.

"އެކަމުގައި އަހަރެންގެ އެއްވެސް މައްސަލައެއް ނެތް. ބައެއް މީހުން އެބަހުރި ބުނެފައި އަހަރެން ޗެލްސީ ކޯޗުކަމާ ހަވާލުވުމަކީ ހިތް އެދޭތީ ނިންމި ނިންމުމެއް ކަމަށް. އެކަމަކު އަހަރެން ޔަގީން ކޮށްދެން އަހަރެން ޕްރޮފެޝަނަލީ ނިންމާ ކޮންމެ ނިންމުމެއް ވެސް އަންނާނީ ވަރަށް ވިސްނާފައި. އެހެންވީމަ ކުޅުންތެރިއަކު ނޫނީ މީހަކު ބުނާ ހުރިހާ އެއްޗެއް ހަގީގަތަކަށް ނުވެދާނެ،" ލަމްޕާޑް ބުންޏެވެ.

ލަމްޕާޑް ބުނީ އެކި މީހުން އެކި ގޮތަށް ވާހަކަ ދެއްކި ކަމުގައި ވިޔަސް ޗެލްސީގައި އޭނާ ކުރި މަސައްކަތުން ވަރުގަދަ ފައުންޑޭޝަނެއް އެ ކްލަބްގައި އެބައޮތް ކަމަށާއި ކާމިޔާބު ހޯދަން މުސްތަގުބަލުގައި އެ ބޭނުންކުރެވޭނެ ކަމަށެވެ.

ދާދި ފަހުން ޗެލްސީގެ ކޯޗުކަމާ މި ވަގުތު ހަވާލުވެ ހުރި ތޯމަސް ޓުޗެލް ވަނީ ލަމްޕާޑް ކުރި މަސައްކަތަށް ތައުރީފްކޮށްފަ އެވެ. ޓުޗެލް ފާހަގަކުރި އެއް ކަމަކީ ލަމްޕާޑް އެކުލަވާލާފައިވާ ސްކޮޑު ވަރުގަދަވުމެވެ.

އަންނަ ސީޒަނަށް ލަންޑަނުގެ ކްލަބެއް ކަމަށްވާ ކްރިސްޓަލް ޕެލަސް އިން ކޯޗެއް ހޯދުމުގެ މަސައްކަތް ކުރަމުން އަންނައިރު، އެ ޓީމާ ހަވާލުވާނެ ކަމަށް އެންމެ ބޮޑަށް ބެލެވެނީ ލަމްޕާޑް އެވެ. ކްރިސްޓަލް ޕެލަސް ކޯޗަކަށް ހުރި ރޯއީ ހޮޖްސަން މި ސީޒަނަށް ފަހު މަގާމުން ވަކިވާނެކަން ވަނީ އިއުލާނުކޮށްފަ އެވެ. ޕެލަސް އިން ވަނީ ލަމްޕާޑް އެ ޓީމުގެ ކޯޗަކަށް ގެންނަން މަޝްވަރާތަކެއް ބާއްވައިފަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox