ލ. މާބައިދޫ ކައުންސިލްގެ ރައީސް ހުވައި ކުރުން ފަސްކުރަން ހައިކޯޓުން މިއަދު އަމުރުކޮށްފި އެވެ.
ހައިކޯޓުން އެގޮތަށް އަމުރުކޮށްފައި ވަނީ އެ އިންތިހާބާ ގުޅިގެން ހުށަހަޅާފައިވާ ޝަކުވާއަކާ ގުޅިގެންނެވެ. ހުވާކުރުން ފަސްކުރަން އަމުރުކޮށްފައިވަނީ ޝަކުވާއާ މެދު ކޯޓުން ގޮތެއް ކަނޑައެޅެންދެނެވެ.
"އިންތިހާބީ ޝަކުވާގެ މައްސަލަ ނިމުމުގެ ކުރިން ކައުންސިލް ރައީސްގެ މަގާމުގެ ގާނޫނީ ހުވާކުރުމަކީ އެ ވޯޓާ ގުޅިގެން މައްސަލަ ހުށަހަޅާފައިވާ ފަރާތާއި އިންތިހާބުގައި ވާދަކުރި އެހެން ފަރާތްތަކުގެ ހައްގަށް އުނިކަމެއް އަތުވެދާނެ ކަމެއް ކަމަށް ބެލެވޭ،" އަމުރުގައި ބުނެފައިވެ އެވެ.
މިދިޔަ އޭޕްރީލް މަހު ބޭއްވި އިންތިހާބުން އިންތިހާބުވި ކައުންސިލަރުން މާދަމާ ހުވާކުރުމަށް ހަމަޖެހިފައި ވަނީ މީގެކުރިން ވަނީ ގއ. ކޮނޑޭ އާއި ހއ. ފިއްލަދޫގެ އިންތިހާބީ ރައީސުން ހުވާކުރުން ވެސް ހައިކޯޓުން ހުއްޓުވައިފަ އެވެ.
ހައިކޯޓުގައި އިންތިހާބީ ހަތް ޝަކުވާއެއްގެ މައްސަލަ ކުރިއަށްދެ އެވެ. އެއީ، މާބައިދޫ އާއި ކޮނޑޭ އަދި ފިއްލަދޫގެ އިތުރުން ލ. މާވަށު، ކ. ތުލުސްދޫ، ށ. ބިލެއްފަހި އަދި ތ. ކަނޑޫދޫ ދާއިރާއާ ގުޅޭ އެއް އިންތިހާބީ ޝަކުވާތަކެވެ.
ގާނޫނުގައިވާ ގޮތުން، އިންތިހާބީ ޝަކުވާތައް ހައިކޯޓާ ހަަމައަށް ދަނީ އެ ޝަކުވާ އިލެކްޝަން ކޮމިޝަނަށް ހުށަހެޅުމަށްފަހު، އެ ކޮމިޝަންގެ ނިންމުމާމެދު ހިތްހަމަނުޖެހޭނަމަ އެވެ.
ކައުންސިލް އިންތިހާބާ ގުޅިގެން އިލެކްޝަން ކޮމިޝަނަށް ހުށަހެޅި ގިނަ ޝަކުވާތައް އެ ކޮމިޝަނުން ބަލައިގެންފައެއް ނުވާއިރު، އިންތިހާބުގެ ރަސްމީ ނަތީޖާ މިހާރު ވަނީ އިއުލާންކޮށްފަ އެވެ.
