ހިޔާނާތުގެ ލިސްޓު: އިދިކޮޅު ލީޑަޝިޕުން ސަލާމަތްވީ މަދު ބޭފުޅެއް

ބޮޑު ހިޔާނާތުގެ މަންފާ ލިބުނު މީހުންގެ ލިސްޓުގައި އޭރުގެ ސަރުކާރު އަދި މިހާރު އިދިކޮޅުގައި އިސްކޮށް ތިއްބެވި ގިނަ ބޭފުޅުންގެ ނަން ހިމެނޭ. -ގްރެފިކް: އަބްދުﷲ ޝަފީއު/ އަދަދު

ބޮޑު ހިޔާނާތުގެ މަންފާ ލިބުނު މީހުންގެ ލިސްޓުގައި އޭރުގެ ސަރުކާރު އަދި މިހާރު އިދިކޮޅުގައި އިސްކޮށް ތިއްބެވި ގިނަ ބޭފުޅުންގެ ނަން ހިމެނޭ. -ގްރެފިކް: އަބްދުﷲ ޝަފީއު/ އަދަދު

ރާއްޖޭގެ ތާރީހުގައި ހިންގި އެންމެ ބޮޑު ހިޔާނާތުގެ މަންފާ ލިބުނު މީހުންގެ ލިސްޓު މިއަދު އާއްމުކޮށްފައިވާއިރު، އޭގައި އޭރުގެ ސަރުކާރު އަދި މިހާރު އިދިކޮޅުގައި އިސްކޮށް ތިއްބެވި ގިނަ ބޭފުޅުންގެ ނަން ހިމެނިއްޖެ އެވެ.

ހިޔާނާތް ބަލައި އެކަން ދިރާސާ ކުރަމުންދާ ސަލާމަތީ ހިދުމަތްތަކުގެ ކޮމިޓީ އާއި ޖުޑިޝަރީ ކޮމިޓީ ގުޅިގެން އުފައްދާފައިވާ ޖޮއިންޓް ކޮމިޓީން ވަނީ ރިޕޯޓާއެކު މުޅި ލިސްޓް މިއަދު އާއްމުކޮށްފަ އެވެ.

މިއީ، މި ލިސްޓް ރަސްމީ ފަރާތަކުން އާންމުކުރި ފުރަތަމަ ފަހަރެވެ.

Advertisement

މިއަދު އާއްމުކުރި ލިސްޓަށް ބަލާއިރު، ޕީޕީއެމް/ޕީއެންސީ ކޯލިޝަނުގެ ލީޑަޝިޕުގައި މިހާރު ތިއްބެވި ގިނަ ބޭފުޅުންނަށް ބޮޑު ހިޔާނާތުގެ މަންފާ ލިބުނު ކަމަށް ވަނީ ލިސްޓަށް އަރައިފަ އެވެ.

މިގޮތުން، އެ ހިޔާނާތާ ގުޅޭ މައްސަލައެއްގައި ފަސް އަހަރުގެ ޖަލު ހުކުމެއް އައިސްފައިވާ ކުރީގެ ރައީސް އަދި އިދިކޮޅު ކޯލިޝަނުގެ ލީޑަރު އަބްދުﷲ ޔާމީން އަބްދުލްގައްޔޫމްގެ ނަން ހިމެނޭއިރު، އިދިކޮޅު ކޯލިޝަނުގެ ވަގުތީ ލީޑަރު އަބްދުއްރަހީމް އަބްދުﷲ ވެސް އެބަ އޮތެވެ.

އޭރު ފޮނަދޫ ދާއިރާގެ މެމްބަރުގެ ގޮތުގައި މަޖިލީހުގައި ހުންނެވިއިރު، އޭނާއަށް 1.71 މިލިއަން ރުފިޔާ ލިބުނު ކަމަށް ތުހުމަތުކުރެވޭކަމަށް، "އަދަދު"އަށް ވަނީ އެނގިފަ އެވެ.

ދެން ޕީޕީއެމްގެ ލީޑަޝިޕުގައި ޑެޕިޔުޓީ ލީޑަރުގެ މަގާމުގައި ފަސް ބޭފުޅުން ތިއްބަވާއިރު، އޭގެ ތެރެއިން ތިން ބޭފުޅެއްގެ ނަން ލިސްޓުގައި އެބައޮތެވެ.

ނަން އޮތް ޕީޕީއެމްގެ ނައިބު ރައީސުން

  1. އަހުމަދު ޝިޔާމް - (1 މިލިއަން ރުފިޔާ)
  2. މުހައްމަދު ޣައްސާން މައުމޫން - (2.5 މިލިއަން ރުފިޔާ)
  3. އަހުމަދު ސަލީމް - (26.57 މިލިއަން ރުފިޔާ)

ނަވާރަ ވަނަ މަޖިލީހުގައި މި ތިން ބޭފުޅުން ވެސް ޕީޕީއެމް ތަމްސީލު ކުރައްވާއިރު، ޣައްސާނު ފިޔަވައި އަނެއް ދެ ބޭފުޅުންނަށް ފައިސާ ލިބުނު ކަމަށް ތުހުމަތު ކުރަނީ އޭގެ ކުރީ މަޖިލީހުގަ އެވެ. ޣައްސާނަށް އެ ފައިސާގެ މަންފާކޮށްފައިވާކަމަށް ތުހުމަތުކުރަނީ، ކުރީ ސަރުކާރުގައި ރައީސް އޮފީހުގެ ސްޓޭޓް މިނިސްޓަރަކަށް ހުންނެވިއިރު އެވެ.

އޭގެ އިތުރުން، ޕީއެންސީގައި އަބްދުއްރަހީމްގެ ދަށުން ނައިބު ރައީސުންގެ ގޮތުގައި ތިއްބަވާ ފަސް ބޭފުޅުންގެ ތެރެއިން ތިން ބޭފުޅެއް ލިސްޓުގައި ހިމެނެ އެވެ.

ނަން އޮތް ޕީއެންސީގެ ނައިބު ރައީސުން

  1. އިބްރާހިމް ޝުޖާއު
  2. މުހައްމަދު ސައީދު - (8.31 މިލިއަން ރުފިޔާ)
  3. މުހައްމަދު ހުސެއިން ޝަރީފް - (579،286 ރުފިޔާ)

މިހާރުގެ މާވަށު ދާއިރާގެ މެމްބަރު ސައީދަށް އެ ފައިސާ ލިބުނުކަމަށް ތަހުގީގީ އިދާރާތަކުން ތުހުމަތުކުރަނީ އޭނާ އިކޮނޮމިކް މިނިސްޓަރު ކަމުގައި ހުންނެވި އިރު އެވެ. ޝުޖާއު އަށް ލިބުނު ފައިސާގެ އަދަދު ސާފު ނުވި ނަމަވެސް، އޭނާއަށް މަންފާވި ކަމަށް ތުހުމަތު ކުރަނީ 18 ވަނަ މަޖިލީހުގައި ބާރަށު ދައިރާގެ މެމްބަރު ކަމުގައި ހުންނެވިއިރު އެވެ. އޭނާ ވަނީ މިދިޔަ މަހު އޮތް ލޯކަލް ކައުންސިލް އިންތިހާބުގައި ހުޅުމާލެ ދާއިރާއިން މާލެ ސިޓީ ކައުންސިލަށް އިންތިހާބުވެފަ އެވެ.

މުހައްމަދު ހުސެއިން ޝަރީފް (މުންދު) އަށް އެ ފައިސާ ލިބިފައިވަނީ އޭނާ ރައީސް އޮފީހުގެ މިނިސްޓަރުކަމުގެ ހުންނެވި ދުވަސްވަރުކަމަށް ތަހުގީގީ އިދާރާތަކުން ތުހުމަތު ކުރެ އެވެ.

އާދަމް ޝަރީފާއި މުއިއްޒުގެ ނަމެއް ނެތް

ޕީޕީއެމްގެ ޑެޕިޔުޓީ ލީޑަރުންގެ ތެރެއިން ލިސްޓުގައި ނަން ހިމެނިފައިނުވަނީ ކުރީގެ ބަންޑާރަ ނައިބު އައިޝަތު އާޒިމާ ޝަކުރާއި އޭރުގެ ހައުސިން މިނިސްޓަރު އަދި މިހާރުގެ އިންތިހާބީ މާލޭ މޭޔަރު ޑރ. މުހައްމަދު މުއިއްޒު އެވެ.

ޕީއެންސީއަށް ބަލާއިރު، ނައިބު ރައީސުންގެ ގޮތުގައި ތިއްބެވި މުހައްމަދު ނިމާލް އާއި އޭރުގެ ޑިފެންސް މިނިސްޓަރު އަދި މިހާރުގެ މަޑުއްވަރީ ދާއިރާގެ މެމްބަރު އާދަމް ޝަރީފްގެ ނަމެއް ވެސް އެ ލިސްޓުގައި ނެތެވެ.

މީގެ އިތުރުން، ނައިބު ލީޑަރުގެ ޒިންމާ އަދާނުކުރައްވައި މިހާރުގެ މަޖިލީހުގައި އިދިކޮޅު ކޯލިޝަން ތަމްސީލުކުރައްވާ ހަތަރު މެމްބަރެއްގެ ތެރެއިން ތިން މެމްބަރުންގެ ނަން ވެސް އެ ލިސްޓުގައި އެބައޮތެވެ.

މިގޮތުން، މަހިބަދޫ ދައިރާގެ މެމްބަރު އަހުމަދު ތޯރިގު (4.7 މިލިއަން ރުފިޔާ) އާއި ފަރެސްމާތޮޑާ ދާއިރާގެ މެމްބަރު ހުސެއިން މުހައްމަދު ލަތީފް (1.8 މިލިއަން ރުފިޔާ)ގެ އިތުރުން ގުރައިދޫ ދާއިރާގެ މެމްބަރު އިބްރާހިމް ރިޒާ (1.5 މިލިއަން ރުފިޔާ) ވެސް ލިސްޓުގައި ހިމެނެ އެވެ.

އެ ލިސްޓުގައި ނަން ނެތީ ހަމައެކަނި ފެލިދޫ ދާއިރާގެ މެމްބަރު އިބްރާހިމް ފަޒުލް ރަޝީދުގެ އެވެ.

މިއަދު އާއްމުކުރި ލިސްޓަށް ބަލާއިރު، މި މެމްބަރުންގެ ތަހުގީގު ހުރި އެކި މަރުހަލާތަކުގަ އެވެ.

މިގޮތުން، ބައެއް ތަހުގީގުތައް ކުރިއަށްދާއިރު، އަނެއް ބައި މެމްބަރުންގެ ތަހުގީގު އަދި އޮތީ މައުލޫމާތު އެއްކުރާ މަރުހަލާގަ އެވެ.

ބޮޑު ހިޔާނާތުގެ ލިސްޓު ދިރާސާ ކޮމިޓީގެ ސަބް ކޮމިޓީން މަޝްވަރާކުރުމަށްފަހު އަށް ހުށަހެޅުމަކާ އެކު އެކުވާލި ރިޕޯޓު ވަނީ އިއްތިފާގުން ފާސްކޮށްފަ އެވެ. އޭގެ ތެރޭގައި ލިސްޓް އާންމުކުރުން ހިމަނާފައިވާއިރު، އެކަން ހާމަކޮށްފައިވަނީ މިއަދު ކުރިއަށްދިޔަ ސަލާމަތީ ހިދުމަތްތަކާ ބެހޭ ކޮމިޓީ އާއީ ޖުޑީޝިއަރީ ކޮމިޓީގެ ޖޮއިންޓް ކޮމިޓީގެ މުގައްރިރު އިމްތިޔާޒު ފަހުމީ އެވެ.

ސަބް ކޮމިޓީގެ ރިޕޯޓާ ގުޅޭ ގޮތުން ޖޮއިންޓް ކޮމިޓީގައި މެންބަރުން ބަހުސް ކުރެއްވުމަށް ފަހު، އެ ރިޕޯޓް އޮތް ގޮތަށް ފާސްކުރަން ނިންމެވީ މެންބަރުންގެ އިއްތިފާގުންނެވެ.

އެ ލިސްޓްގައި ޖުމްލަ 280 ނަމެއް ހިމެނޭއިރު، އޭގެ ތެރޭގައި މިހާރު ދައުލަތުގެ އެކިއެކި މަގާމުގައި ތިބި 119 މީހެއްގެ ނަން އެބަ އޮތެވެ. އޭގެ ތެރެއިން އައްޔަންކޮށްފައިވާ މަގާމުތަކުގައި ތިބި މީހުން މަގާމުތަކުން ވަކިކުރަން މަސައްކަތް ފެށުމަށް ކޮމިޓީން ވަނީ ނިންމާފަ އެވެ.

އަދި، އިންތިހާބީ މަގާމުތަކުގައި ތިބި މީހުންނަކީ އަމިއްލައަށް އިސްތިއުފާ ދިނުމުން ނޫނީ ހުކުމެއް ސާބިތުވެގެން ނޫން ގޮތަކަށް ވަކިވާނެ ބަޔަކަށް ނުވާތީ، އެފަދަ މީހުންގެ މައްސަލަތައް އަވަސް ކުރުމަށް ކަމާބެހޭ އިދާރާތަކަށް ދެންނެވުމަށް ވެސް ކޮމިޓީން ވަނީ ނިންމާފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox