ޕޭޕަރުތައް ލީކުވުމުން އޭ ލެވެލް އިމްތިހާން ކުރިއަށް ނުގެންދަން ނިންމައިފި

އޭލެވެލް އިމްތިހާނުގައި ބައެއް ދަރިވަރުން ބައިވެރިވަނީ: ތިން ޕޭޕަރެއް ލީކުވުމާ ގުޅިގެން އިމްތިހާން މިހާރު ވަނީ ކެންސަލްކޮށްފަ. -ފޮޓޯ: ހުސެއިން ވަހީދު/ އަދަދު

އޭލެވެލް އިމްތިހާނުގައި ބައެއް ދަރިވަރުން ބައިވެރިވަނީ: ތިން ޕޭޕަރެއް ލީކުވުމާ ގުޅިގެން އިމްތިހާން މިހާރު ވަނީ ކެންސަލްކޮށްފަ. -ފޮޓޯ: ހުސެއިން ވަހީދު/ އަދަދު

ރާއްޖެ އާއި ދުނިޔޭގައި މިހާރު ކުރިއަށްދާ އެޑެކްސެލް އޭ ލެވެލްސް އިމްތިހާނުގެ ބައެއް ޕޭޕަރުތައް ލީކް ވެފައިވާތީ މި އިމްތިހާނު އިތުރަށް ކުރިއަށް ނުގެންދަން އެޑިޔުކޭޝަން މިނިސްޓްރީން މިއަދު ނިންމައިފި އެވެ.

މިދިޔަ ހަފުތާގައި ފިޒިކްސް ޕޭޕަރާއި ބައޮލޮޖީ ޕޭޕަރު ލީކް ކޮށްލާފައިވާއިރު، ކެމިސްޓްރީ ޕޭޕަރު އިންޓަނެޓްގައި މިއަދު ހެނދުނު ވަނީ ލީކޮށްލައިފަ އެވެ.

މިހާރު ކުރިއަށްދާ ނޫސްވެރިންގެ ބައްދަލުވުމެއްގައި އެޑިޔުކޭޝަން މިނިސްޓަރު ޑރ. އައިޝަތު އަލީ ވިދާޅުވީ މިދިޔަ ހަފްތާގައި ދެ ޕޭޕަރެއް ލީކުވުމާއެކު އެޑެކްސެލް އާއެކު މަޝްވަރާކުރެވުނު ކަމަށާއި، ދެން އިތުރު ޕޭޕަރެއް ލީކުނުވާނެ ކަމުގެ ޔަގީން ލިބުނު ކަމަށެވެ.

ނަމަވެސް، މިއަދު ތިންވަނަ ޕޭޕަރު ލީކުވުމާއެކު އެޑެކްސެލް އާއެކު އިތުރަށް މަޝްވަރާކުރުމަށްފަހު، މި އިމްތިހާނުގެ ސައްހަކަން ގެއްލިފައިވާތީ، މި އިމްތިހާނު ކުރިއަށް ނުގެންދަން ނިންމާފައިވާކަމަށް މިނިސްޓަރު ވިދާޅުވި އެވެ.

އިމްތިހާނު ކުރިއަށް ނުގެންދަން މިއަދު ހެނދުނު ބައެއް ބެލެނިވެރިން އިހުތިޖާޖުކޮށްފައިވާއިރު، ބައެއް ބެލެނިވެރިން އޭޕްރީލް/މެއި ގައި މި އިމްތިހާނު ނިންމަން ވެސް ބޭނުންވާކަމަށް އޭނާ ފާހަގަކުރެއްވި އެވެ.

"މި އިމްތިހާނަށް ތައްޔާރުވާތާ ތިން އަހަރުވީ. އެހެންވީމާ ބައެއް ކުދިންގެ ބެލެނިވެރިން އެބަ ބޭނުންވޭ އޭޕްރީލް/މެއި ގައި އިމްތިހާނު ނިންމާލަން. ދެން މިކަމަށް އިތުރު ވަގުތު ބޭކާރުނުކުރަން،" މިނިސްޓަރު ވިދާޅުވި އެވެ.

ކުދިންނަށް ދެ އޮޕްޝަނެއް

ބެލެނިވެރިންގެ އެދުމުގެ މަތިން، އެޑެކްސެލްގެ ވެސް މަޝްވަރާއާއެކު މި އިމްތިހާނުގައި ބައިވެރިވާންތިބި ކުދިންނަށް ދެ އޮޕްޝަނެއް ދިނުމަށް ނިންމާފައިވާކަން ޑރ. އައިޝަތު އަލީ އިއުލާނުކުރެއްވި އެވެ.

މިގޮތުން، ފުރަތަމަ އޮޕްޝަނަކީ އޮކްޓޯބަރު/ނޮވެމްބަރު މަހަށް އިމްތިހާނު ފަސްކުރުމެވެ. އަނެއް އޮޕްޝަނަކީ، މިނިސްޓަރު ވިދާޅުވި ގޮތުގައި އޭޕްރީލް/މެއި ގައި އިމްތިހާނު ނިންމަން ބޭނުންވާ ކުދިންނަށް "ޓީޗާ ބޭސްޑް އެސެސްމަންޓް" އެއް ހެދުމެވެ.

އެކަމުގެ އިތުރު ތަފްސީލު ދެއްވަމުން ޑިޕާޓްމަންޓް އޮފް ޕަބްލިކް އެގްޒަމިނޭޝަން (ޑީޕީއީ) ހިންގުމާ ހަވާލުވެވަޑައިގެން ހުންނެވި ޑެޕިޔުޓީ އެޑިޔުކޭޝަން މިނިސްޓަރު މުހައްމަދު އިހުސާން ވިދާޅުވީ ކުދިންގެ ފެންވަރު ވަޒަންކުރަން އޮންނަ ސުވާލު ކަރުދާހުގައި ބައި ދޫކޮށްލީ ކަމަށެވެ.

"އޭޕްރީލް މޭގައި އިމްތިހާނު ނިންމަން ބޭނުންވެފައި ތިބި ކުދިންނަށް ޓީޗަރު ބޭސްޑް އެސެސްމެންޓް މޮޑެލް އަކަށް މި ދަނީ" އިހުސާން ވިދާޅުވި އެވެ.

މިގޮތުން އެ އެސެސްމެންޓުގައި ސުވާލު ކަރުދާސްތައް ތައްޔާރު ކުރާނީ އެ ސްކޫލަކުން ކަމަށާއި، ނަމަވެސް އެ ހުންނާނީ އެޑްއެކްސެލްގެ މިންގަޑަށެވެ.

"އެގްޒާމް ކޮންޑިޝަންގައި މި ސުވާލު ކަރުދާސްތައް ތައްޔާރުކުރާނީ. އެޑެކްސެލް ގްރޭޑް ސެޓްފިކެޓް ހަމަ ލިބޭނީ" އިހުސާން ވިދާޅުވި އެވެ.

ނަމަވެސް، ޓީޗާސް ބޭސްޑް އެސެސްމަންޓް ހަދާ ކުދިންނަށް ރައީސްގެ ސްކޮލަޝިޕެއް ނުލިބޭނެ ކަމަށާއި، ސްކޮލަޝިޕްގައި ބަލާނީ ހަމައެކަނި އެޑެކްސެލްގެ އިމްތިހާނަށްކަމަށް މިނިސްޓަރު ޑރ. އައިޝަތު އަލީ ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox