ޖުޑިޝަރީ ކޮމިޓީ ދިފާއުވާން ގޯސްކުރީ ބަންޑާރަ ނައިބު!

ޖުޑިޝަރީ ކޮމިޓީން ބޭއްވި ނޫސްވެރިންގެ ބައްދަލުވުމުގެ ތެރެއިން: ބަންޑާރަ ނައިބު އަމަލު ކުރި ގޮތް ގޯސް ކުރެއްވި - ފޮޓޯ: މަޖިލިސް

ޖުޑިޝަރީ ކޮމިޓީން ބޭއްވި ނޫސްވެރިންގެ ބައްދަލުވުމުގެ ތެރެއިން: ބަންޑާރަ ނައިބު އަމަލު ކުރި ގޮތް ގޯސް ކުރެއްވި - ފޮޓޯ: މަޖިލިސް

ދެފުށް ފެންނަ ގޮތަކަށް ގެއްލުމުގެ ބަދަލު ނަގައިދިނުމާއި އިންސާފު ގާއިމްކޮށް ދިނުމަށް ސަރުކާރަށް އުނދަގޫވެފައިވަނީ ޖުޑިޝަރީ ކޮމިޓީން ކަމަށް ދޭހަކޮށް ސަރުކާރުން ދެއްކި ވާހަކަތަކުން ދިފާއުވާން އެ ކޮމިޓީން ބަންޑާރަ ނައިބު ގޯސްކޮށްފި އެވެ.

ރައީސް އޮފީހުގެ ލީގަލް ކައުންސިލް އަހުމަދު އަފީފު އެންމެ ބޮޑު މައްސަލައެއްގެ ގޮތުގައި ފާހަގަ ކުރެއްވީ މަދަނީ އިޖުރާއަތުގެ ބިލް ފާސްވުން ލަސްވުމެވެ. މަދަނީ އިޖުރާއަތުގެ ގާނޫނަކީ އެމްޑީޕީގެ ވައުދުތަކުގެ ތެރޭގައި ހިމެނޭ ގާނޫނެކެވެ.

މަދަނީ އިޖުރާއަތުގެ ބިލް ސަރުކާރުގެ ފަރާތުން މިދިޔަ އަހަރުގެ ފެބުރުއަރީ މަހުގެ ތެރޭގައި މަޖިލީހަށް ފޮނުވާފައިވާއިރު އަަދިވެސް އެ ބިލް އޮތީ މަޖިލީހުގެ ޖުޑިޝަރީ ކޮމިޓީގަ އެވެ.

"އެހެންވީމަ މިހާ ގިނަ ދުވަސް މި ބިލް ގާނޫނަކަށްވެފައި ނުވާތީ އެއީ އަނެއްކާވެސް އިންސާފު ލިބިދިނުމަށް ސަރުކާރަށް އޮތް ހުރަހެއް،" އަފީފް ވިދާޅުވި އެވެ.

އެކަމާ ވަރަށް ބޮޑަށް ނުރުހުންވެ، މިއަދު މަޖިލީހުގެ އިދާރާގައި ޖުޑިޝަރީ ކޮމިޓީގެ ފަރާތުން ބޭއްވި ނޫސްވެރިންގެ ބައްދަލުވުމުގައި އެ ކޮމިޓީގެ މުގައްރިރު އިމްތިޔާޒު ފަހުމީ ވިދާޅުވި ގޮތުގައި، ބިލް ލަސްވެފައިވަނީ ބަންޑާރަ ނައިބު އެކަމުގައި އަމަލު ކުރައްވާފައިވާ ގޮތުން ކަމަށެވެ.

އެގޮތުން، ބިލްގެ މަސައްކަތުގެ ޓައިމްލައިނެއް ކިޔައިދެއްވަމުން އިމްތިޔާޒު ވިދާޅުވީ އެންމެ ފުރަތަމަ ބަންޑާރަ ނައިބުގެ އޮފީހުން ފޮނުވީ ބިލްގެ އަސްލު ވާޝަނެއް ނޫންކަން އެންގި ކަމަށެވެ. ބިލްގެ މަސައްކަތް ކޮމިޓީން ވަރަށް ބާރަށް ކުރަމުން ދަނިކޮށް ފޮނުވާފައި އޮތް ބިލަކީ އަސްލު އެއްޗެއް ނޫންކަން ބަންޑާރަ ނައިބުން އެންގުމުން ބިލްގެ މަސައްކަތްތައް ހުއްޓާލައި، ރަނގަޅު ބިލް ފޮނުވުމަށް ކޮމިޓީން ފުރުސަތު ދިން ކަމަށެވެ.

ދެން ބިލް ފޮނުވަމުން ދިޔައީ ބާބުތައް ވަކިވަކިން ކަމާއި އެ ބާބުތަކަށް ހިޔާލު ހޯދުމުގެ މަސައްކަތް ކޮމިޓީން ކުރަމުން ދިޔައިރު އޮކްޓޯބަރު މަހުގެ ތެރޭގައި ބިލް އެއްކޮށް ފޮނުވާނެ ކަމުގެ ޔަގީންކަން ބަންޑާރަ ނައިބު އޮފީހުން ދީފައި އޮތް ކަމަށް އިމްތިޔާޒު ވިދާޅުވި އެވެ. ނަމަވެސް، އެ މުއްދަތަށް ވެސް ބިލް އެއްކޮށް ފޮނުވާފައިނުވާ ކަމަށެވެ.

"އެކަމާ ކޮމިޓީން ވަރަށް ބޮޑަށް ކަންބޮޑުވި، އެއް ދުވަހެއްގެ ރަސްމީ ނިންމުމަކުން ކޮމިޓީން ނިންމެވީ ބިލްގެ މަސައްކަތް ކުރެވޭކަށް ނެތޭ ރަނގަޅު ވާޝަން ނުފޮނުވުމުގެ ސަބަބުން، އެހެންވެ ބިލް ދިރާސާ ކުރެވެން ނެތް ކަމަށް ނިންމައި މައްސަލަ ބޭރުކުރަން ކޮމިޓީން ނިންމި،" އިމްތިޔާޒު ވިދާޅުވި އެވެ.

"އެހެންނަމަވެސް، ފަހުން ވިސްނުނީ ކޮމިޓީން ނިންމިއެއް ކަމަކު މަޖިލީހުގެ ތަޅުމުގައި ބަހުސެއް ފެށޭނޭ ސަރުކާރު އެމްބަރެސްމެންޓަކަށް ގޮސްދާނެ ކަމަށްޓަކައި އަޅުގަނޑުމެން އެހެންވެ ބިލް ބޭރުކޮށްލުމުގެ މަސައްކަތް އެ ހިސާބަށް ނުގެންދިޔައީ،"

އިމްތިޔާޒު ވިދާޅުވި ގޮތުގައި އަނެއްކާވެސް ކޮމިޓީން ބިލްގެ މަސައްކަތް ކުރިއަށް ގެންދެވޭތޯ މަސައްކަތް ފެށުމުން ބަންޑާރަ ނައިބުގެ އޮފީހުން ނޮވެމްބަރު މަހުގެ ތެރޭގައި ބަޖެޓް މަސައްކަތް ކުރަމުން ދިޔަ ދުވަސްވަރު ބިލް އެއްކޮށް ފޮނުވި ކަމަށެވެ. ބަންޑާރަ ނައިބު އަމަލު ކުރެއްވި ގޮތުން އެއް އަހަރު ބޭކާރުވެގެން ދިޔަކަން އޭނާ ފާހަގަ ކުރައްވަމުން ވިދާޅުވީ، މިހާރު މަދަނީ އިޖުރާއަތުގެ ބިލް މަސައްކަތް ބާރަށް ކުރަމުންދާ ކަމަށާއި އެއީ މުހިންމު އަދި ބޮޑު ބިލަކަށްވާތީ ވޯކްޝޮޕެއްގެ ގޮތުގައި އެއާމެދު ހިޔާލު ހޯދައި ދިރާސާ ކުރުމަށް ނިންމާފައިވާ ކަމަށެވެ.

"މިހެން ކަން ހިނގާފައިވަނިކޮށް ރައީސް އޮފީހުގެ ލީގަލް ކައުންސިލް އެފަދައިން ވާހަކަ ދެއްކުން އަޅުގަނޑުމެން ބަލައެއްނުގަންނަން،" އިމްތިޔާޒު ވިދާޅުވި އެވެ.

ނޫސްވެރިންގެ ބައްދަލުވުމުގައި އިމްތިޔާޒު: ބަންޑާރަ ނައިބު އަމަލު ކުރި ގޮތް ގޯސް ކުރެއްވި - ފޮޓޯ: މަޖިލިސް
ނޫސްވެރިންގެ ބައްދަލުވުމުގައި އިމްތިޔާޒު: ބަންޑާރަ ނައިބު އަމަލު ކުރި ގޮތް ގޯސް ކުރެއްވި - ފޮޓޯ: މަޖިލިސް

ނޫސްވެރިންގެ ބައްދަލުވުމުގައި އިމްތިޔާޒު: ބަންޑާރަ ނައިބު އަމަލު ކުރި ގޮތް ގޯސް ކުރެއްވި - ފޮޓޯ: މަޖިލިސް

ލީގަލް ކައުންސިލާމެދު ނުރުހުން

އިމްތިޔާޒު ވަނީ އަހުމަދު އަފީފު ދެއްކެވި ވާހަކަތައް ވަރަށް ބޮޑަށް ކުށްވެރި ކުރައްވަމުން އޭނާގެ ނަޒާހަތްތެރިކަމާމެދު ވެސް ސުވާލު އުފައްދަވާފަ އެވެ. އެގޮތުން، އަހުމަދު އަފީފު، ޖުޑިޝަރީ ކޮމިޓީގެ ބޮލުގައި އިލްޒާމުތަކެއް އެޅުއްވީ މަންދު ކޮލެޖުގެ މައްސަލާގައި ކަމާއި އެ މައްސަލާގައި އޭނާގެ ވަރަށް ބޮޑު މަސްލަހަތެއް އެބަ އޮތް ކަމަށެވެ.

އަހުމަދު އަފީފަކީ، މަންދު ކޮލެޖް ހިންގައި މާލޭ ހައި ކުންފުނި ތަމްސީލް ކުރެއްވި ވަކީލެވެ. އަދި ބަދަލު ދިނުމަށް ރައީސް އޮފީހުގައި ހެދި ސްޓެލްމެންޓް ކޮމިޓީގައި ވެސް އަފީފު އިންނަވާއިރު އޭނާއަކީ މަންދު ކޮލެޖްގެ ވެރިޔާ އިބްރާހިމް އިސްމާއިލްގެ ޅިއަނެކެވެ.

"އެހެންވެ އަޅުގަނޑުމެންނަށް މި ސުވާލު އުފެދެނީ އެ ނޫސްވެރިންގެ ބައްދަލުވުމުގައި އެހެން ބައެއްގެ ބޮލުގައި އިލްޒާމް އެޅުވުމަށް އެހާ ޝައުގިވެރިކަމެއް ގެންގުޅުއްވީ ކީއްވެތޯ،" އިމްތިޔާޒު ސުވާލު އުފެއްދެވި އެވެ.

"އެހެންވެ އިންޓެގްރިޓީއާމެދު އެބަ ސުވާލު އުފައްދަން އެ ބޭފުޅާއާމެދު،"

މަންދު ކޮލެޖްގައި އަހުމަދު އަފީފްގެ މަސްލަހަތު އޮތްއިރު، އެކަމަށް ރޭ އޭނާ އަމިއްލައަށް ވެސް އެއްބަސްވަމުން ވިދާޅުވި ގޮތުގައި މަންދު ކޮލެޖާ ގުޅޭ އެއްވެސް މުއާމަލާތެއްގައި އޭނާ ބައިވެރިވެފައި ނޯންނާނެ ކަމަށެވެ.

"އެހެންވެ މަންދު ކޮލެޖާ ގުޅޭ ސުވާލުތަކަށް ޖަވާބުދިނުމަށް އަޅުގަނޑު އުޒުރުވެރި މިވަނީ،" އަހުމަދު އަފީފު ވިދާޅުވި އެވެ.

ރޭގެ ނޫސްވެރިންގެ ބައްދަލުވުމުގައި މަންދު ކޮލެޖާ ގުޅޭ ގޮތުން އަފީފު އެއްވެސް ވާހަކައެއް ނުދެއްކި ނަމަވެސް، ބަދަލު ދިނުމަށް ސަރުކާރުން އަމަލު ކުރާ ގޮތް ދިފާއު ކުރެއްވި އެވެ. އެގޮތުން، ކޯޓުތަކުގެ ތިން މަރުހަލާ ނިމުމުގެ ކުރިން ބަދަލު ދޭން ބަންޑާރަ ނައިބު ނިންމާފައިވާ ނިންމުމަކީ ރަނގަޅު ނިންމުމެއް ކަމަށް އޭނާ ފާހަގަ ކުރެއްވި އެވެ.

މަންދު ކޮލެޖަށް 15 މިލިއަން ރުފިޔާގެ ބަދަލެއް ދިނުމަށް ދައުލަތުން އެއްބަސްވެފައިވަނީ ސިވިލް ކޯޓުގައި ޝަރީއަތުގެ މަރުހަލާއަށް ދިޔުމުގެ ކުރިން، ޑިސްޕިއުޓް މަރުހަލާގަ އެވެ.

އެހެންވެ، މަންދު ކޮލެޖަށް ބަދަލު ދިނުމުގެ މައްސަލާގައި ޖުޑިޝަރީ ކޮމިޓީގެ މުގައްރިރު އެކި ފަހަރު މަތިން ކަންބޮޑުވުން ފާޅު ކުރައްވާފައިވެ އެވެ.

އިމްތިޔާޒު ވިދާޅުވީ ބަދަލު ނަގައިދިނުމަށް ސަރުކާރުން ބޭނުންވާ ފަރާތްތަކަށް ވަރަށް ފަސޭހައިން ބަދަލު ދެމުންދާ މަންޒަރު ފެންނަމުންދާ ކަމަށާއި ނަމަވެސް، ބައެއް ފަރާތްތަކާމެދު ތަފާތުކުރުން ގެންގުޅޭކަން ފާހަގަ ކުރެއްވޭ ކަމަށެވެ.

ބަންޑާރަ ނައިބުގެ މަސައްކަތް ލަސް

އިމްތިޔާޒު ވިދާޅުވި ގޮތުގައި އިންސާފު ގާއިމްކޮށް ދިނުމަށް ސަރުކާރާއި އެމްޑީޕީން ވެފައިވާ ވައުދުތައް ފުއްދުމަށްޓަކައި ގިނަ ގާނޫނުތަކެއް ވުޖޫދަށް ގެންނަން ޖެހޭއިރު ބަންޑާރަ ނައިބު އެގޮތުގެ މަތިން ބިލްތައް ފޮނުވަމުން ނުދާ ކަމަށެވެ.

ނޫސްވެރިންގެ ބައްދަލުވުމުގައި އިމްތިޔާޒު: ބަންޑާރަ ނައިބު އަމަލު ކުރި ގޮތް ގޯސް ކުރެއްވި - ފޮޓޯ: މަޖިލިސް
ނޫސްވެރިންގެ ބައްދަލުވުމުގައި އިމްތިޔާޒު: ބަންޑާރަ ނައިބު އަމަލު ކުރި ގޮތް ގޯސް ކުރެއްވި - ފޮޓޯ: މަޖިލިސް

ނޫސްވެރިންގެ ބައްދަލުވުމުގައި އިމްތިޔާޒު: ބަންޑާރަ ނައިބު އަމަލު ކުރި ގޮތް ގޯސް ކުރެއްވި - ފޮޓޯ: މަޖިލިސް

އެގޮތުން، މި އަހަރު ފޮނުވާނެ ކަމަށް ބަންޑާރަ ނައިބުން އިއުލާން ކޮށްފައިވާ 33 ބިލްގެ ތެރެއިން ނިމިދިޔަ ދައުރަށް ފޮނުވުނީ އެންމެ ހަތް ބިލް ކަމަށާއި އޭގެ ތެރޭގައި ވެސް ވަނީ ކުދިކުދި އިސްލާހުތައް ހިމެނޭ ބިލްތައް ކަމަށެވެ.

މުހިންމު ބިލްތައް ފޮނުވުން ވަރަށް ބޮޑަށް ލަސްވެފައިވާ ކަމުގެ ކަންބޮޑުވުން އިމްތިޔާޒު ފާޅުކުރެއްވި އެވެ.

އެގޮތުން، ކޯޓުތަކުގެ ގާނޫނާއި ފަނޑިޔާރުންގެ ގާނޫނަށް އިސްލާހު ގެނައުމުގެ ބިލާއި ގާނޫނީ އެހީތެރިކަން ފޯރުކޮށްދިނުމުގެ ބިލްގެ އިތުރުން، ޖިނާއީ އަދުލުގެ ނިޒާމަށް މުހިންމުވެފައިވާ ހެއްކާ ބެހޭ ގާނޫނުގެ ބިލް މިހާތަނަށް ވެސް ފޮނުވާފައިނުވާކަން އިމްތިޔާޒު ފާހަގަ ކުރެއްވި އެވެ.

އެގޮތަށް ބިލްތައް ލަސްވުމުން، މަޖިލީހުން ބިލްތައް އަމިއްލައަށް އެކުލަވާލުމުގެ މަސައްކަތް ކުރަން ގަސްދުކުރުމުން އެކަމާ ވެސް ސަރުކާރުން ހިތްހަމަނުޖެހުން ފާޅުކުރިކަން އިމްތިޔާޒު ފާހަގަ ކުރެއްވި އެވެ.

އޭގެއިތުރަށް، ދެން އިމްތިޔާޒު ފާހަގަ ކުރެއްވީ ޖުޑިޝަރީ ކޮމިޓީން ސަރުކާރަށް ދޭ ލަފާތަކާ އެއްގޮތަށް އަމަލު ކުރަމުން ނުދާ ކަމުގެ ކަންބޮޑުވުމެވެ.

އެގޮތުން އޭނާ ވިދާޅުވި ގޮތުގައި، ހައްޔަރުކޮށްފައި ތިބޭ މީހުންގެ ސިޓީތައް ކޮމިޓީއަށް ވަރަށް ގިނައިން ލިބެމުންދާ ކަމަށާއި އެހެންވެ ކްލެމެންސީ ލިބުމުގައި ހުރި ހުރަސްތަކާ ގުޅޭ ގޮތުން ބޮޑު ދިރާސާއެއްކޮށް ރިޕޯޓެއް އެކުލަވާލި ކަމަށެވެ.

"ކްލެމެންސީއަށް އެދި ޖަވާބު ސަރުކާރުން ނުލިބޭ ކަމުގެ ޝަކުވާ ވަރަށް ބޮޑަށް ކޮމިޓީއަށް ލިބުނު، ކޮމިޓީން އެކުލަވާލި ރިޕޯޓުން ފާހަގަވި މި ކަންކަން ލަސްވާ އެއް ސަބަބުގެ ގޮތުގައި ގާނޫނުގައި ހުރި މައްސަލަތައް، އެހެންވެ ގާނޫނުގައި ހުރި އެފަދަ މައްސަލަތައް ހައްލުކުރަން ބިލެއްގެ ސިފަގައި މަޖިލީހަށް ފޮނުވުމަށް ބަންޑާރަ ނައިބަށް ދެންނެވިން،" އިމްތިޔާޒު ވިދާޅުވި އެވެ.

"މިއަދާ ހަމައަށް އެއިން އެއްވެސް އިޖާބައެއް ނެތްކަން އަޅުގަނޑުމެން ހިތާމައާއެކު މި ފާހަގަ ކުރަނީ،"

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox