ޖިނާއީ އަދުލުގެ ނިޒާމަށް ސަރުކާރުން ނުފޫޒު ފޯރުވާތީ ލޫކަސްގެ ފަރާތުން ކަންބޮޑުވުން ފާޅުކޮށްފި

May 25, 2026, 10:31 PM
ލޫކަސް، ރައީސް މުހައްމަދު ނަޝީދާއެކު: އޭނާގެ ވަކީލު ވިދާޅުވީ ފަނޑިޔާރުން ގޮތް ނިންމަވަނީ ހީވާ ކަންތައްތަކެއްގެ މައްޗަށް ބިނާކޮށް ކަމަށް -- ފޮޓޯ: ލޫކަސް

ލޫކަސް، ރައީސް މުހައްމަދު ނަޝީދާއެކު: އޭނާގެ ވަކީލު ވިދާޅުވީ ފަނޑިޔާރުން ގޮތް ނިންމަވަނީ ހީވާ ކަންތައްތަކެއްގެ މައްޗަށް ބިނާކޮށް ކަމަށް -- ފޮޓޯ: ލޫކަސް

ޖިނާއީ އަދުލުގެ ނިޒާމުގެ ހުރިހާ މަރުހަލާއަކަށް ސަރުކާރުން ވަރަށް ބޮޑަށް ނުފޫޒު ފޯރުވާތީ، އިންސާނީ ހައްގުތަކަށް މަސައްކަތް ކުރާ ޝަމްއޫން ޖަލީލް (ލޫކަސް) ގެ ފަރާތުން ކަންބޮޑުވުން ފާޅުކޮށްފި އެވެ. 

ލޫކަސްގެ ފަރާތުން މިއަދު ބޭއްވި ނޫސްވެރިންގެ ބައްދަލުވުމެއްގައި ވާހަކަ ދައްކަވަމުން އޭނާގެ ވަކީލު އިމްތިޔާޒް ފަހުމީ (އިންތި) ވިދާޅުވީ، ފުލުހުންނާއި ފަނޑިޔާރުން މިހާރު މަސައްކަތް ކުރަމުންދަނީ ވަކި ފަރާތަކަށް ޖެހި، ގާނޫނުއަސާސީ އާއި ގާނޫނާ ހިލާފަށް ކަމަށެވެ. 

"ފަނޑިޔާރުކަން ކުރައްވަން ތިއްބަވާ ބޭބޭފުޅުން ވެސް ރިއާޔަތް ކުރެއްވުމުގައި ވެސް އިންސާނިއްޔަ ބުއްދީގެ މިންގަނޑަށް ވެސް ބައްލަވާ ނުލައްވާ ތަނުގައި ގާނޫނުގައި ސާފުކޮށް ލިޔެފައި ހުރި ކަންތައްތަކަށް ވެސް ބައްލަވައިގެނެއް ނޫން ކަންކަން ކުރައްވަނީ އެބަ އަޅުގަނޑުމެންނަށް ދަންނަވަންޖެހޭ، ވަރަށް ހިތާމަ ކުރި ކަމެއް،" އިންތި ވިދާޅުވި އެވެ. 

އިންތި ވިދާޅުވީ، ފަނޑިޔާރުން މަސައްކަތް ކުރައްވާ ގޮތުގެ ސަބަބުން ޖިނާއީ އަދުލުގެ ނިޒާމަށް ރައްޔިތުންގެ އިތުބާރު ގެއްލެމުންދާ ކަމަށެވެ. 

"ފަނޑިޔާރު ހީފުޅުވާ ކަމަކަށް ރިއާޔަތް ކުރައްވާ، އެއްވެސް ހެއްކަކަށް ރިއާޔަތް ނުކުރައްވާ މި ނިންމަވާ ނިންމެވުންތަކަކަކީ އަޅުގަނޑުމެންގެ މި ރާއްޖޭގެ އަދުލުގެ ނިޒާމާމެދުގައި ހަމަ ގައިމު ވެސް ރައްޔިތުންގެ ކުރިމަތީގައި އިތުބާރު އުފެދުމުގެ ބަދަލުގައި އިތުރަށް އިތުބާރު ގެއްލެމުންދާނެ ކަންކަން. މިކަންކަން ހުއްޓާލުމަށް އަޅުގަނޑު ފަނޑިޔާރުންނަށް ވެސް އަދި ޖިނާއީ އަދުލުގެ ނިޒާމުގައި ތިއްބަވާ ހުރިހާ ބޭފުޅުންނަށް އިލްތިމާސް ކުރަން ބޭނުން،" އޭނާ ވިދާޅުވި އެވެ. 

ލޫކަސް ހައްޔަރު ކުރުމުގައި ފުލުހުން އަމަލު ކުރި ގޮތުގެ ކަންބޮޑުވުން ވެސް މިއަދު އިންތި ފާޅުކުރެއްވި އެވެ. އޭނާ ހައްޔަރު ކުރީ މުޒާހަރާގެ ތެރެއިން ނަމަވެސް ހައްޔަރު ކުރި ވަގުތު އޭނާ ހުރީ ޕޭވްމަންޓު މަތީ، އެއް ފަރާތެއްގައި ކަން އިންތި ފާހަގަ ކުރެއްވި އެވެ. 

ހައްޔަރު ކުރިއިރު، ލޫކަސްއަށް ކުރި ތުހުމަތާއި ފަހުން ކުރި ތުހުމަތުތައް ތަފާތު ކަމަށް ވެސް އޭނާގެ ވަކީލު ފާހަގަ ކުރެއްވި އެވެ. ފަހުން އޭނާއަށް ކުރި ތުހުމަތުތަކުގެ ތެރޭގައި، ފުލުހެއްގެ ގައިގައި އަތްލައި މާރާމާރީ ހިންގުން ހިމެނޭ ކަމަށް ވަކީލު ވިދާޅުވި އެވެ. 

"ފުލުހުން މިކަންކަން ކުރުމުގައި ފުލުހުންގެ ތަހުގީގު ހިންގަން ތިބޭ ބޭފުޅުންގެ އިހްތިޔާރުގައިވާ ކަމެއް ނޫނޭ. އަންނަ ފޯން ކޯލަކުން، ސަރުކާރުގެ ވެރިން، ސަރުކާރުގެ ވުޒާރާތައް ހިންގަވަން ތިއްބެވި ބޭފުޅުން ނޫނީވިއްޔާ ރައީސް އޮފީހުން އަންނަ ފޯން ކޯލަކުން، އެ ކޯލެއްގެ އަލީގައި ލިޔަން މަޖުބޫރުވެގެން ލިޔެވޭ ގޮތްތައް ލިޔެވޭ ފަހުން ދެން އެއްކަލަ ފެބްރިކޭޓްކޮށްގެން ކަމެއް ކުރަންވީމާ އޭގެ ހަގީގަތްތައް އޮންނާނީ އޮޅިފަ،" އިންތި ވިދާޅުވި އެވެ. 

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox