ރޯދަ އަށް ހުއްޓަަސް ފޮފާނާ އަށް މެޗު ކުޅެން ފުރުސަތު ދޭނެ

Apr 27, 2021, 8:39 AM
ލެސްޓާގެ ޑިފެންޑަރު ފޮފާނާ.

ލެސްޓާގެ ޑިފެންޑަރު ފޮފާނާ.

ލެސްޓާ (އޭޕްރީލް 27) - ލެސްޓާ ސިޓީ އަށް ކުޅެމުން އަންނަ ފްރާންސްގެ ޒުވާން ޑިފެންޑަރު ވެސްލީ ފޮފާނާ ރޯދަަ އަށް ހުއްޓަަސް އޭނާ އަށް މެޗުތަކުން ފުރުސަތު ދޭން ފަސްނުޖެހޭނެ ކަމަށް ލެސްޓާގެ ކޯޗު ބްރެންޑަން ރޮޖާސް ބުނެފި އެވެ.

ފްރާންސްގެ މާސޭ އަށް އުފަން އުމުރުން 20 އަހަރުގެ ފޮފާނާ އަކީ މުސްލިމެކެވެ. މި ސީޒަނުގައި ލެސްޓާ އަށް ބަދަލުވުމަށް ފަހު މޮޅު ކުޅުމެއް ދައްކަމުން އަންނަ ފޮފާނާ އަށް ދާދި ފަހުން މީހުންގެ ސަމާލުކަން ހުއްޓުނީ މި މަހު 18 ވަނަ ދުވަހު އެފްއޭ ކަޕް ސެމީ ފައިނަލުގައި ސައުތެމްޓަނާ ދެކޮޅަށް ލެސްޓާ ކުޅެން އޮތް މެޗު ފެށުމުގެ 15 މިނިޓް ކުރިން ރޯދަ ވިއްލައި އެ މެޗުގައި އެއްކޮށް ކުޅުމުންނެވެ.

އޭގެ ފަހުން މި މަހުގެ 23 ވަނަ ދުވަހު އިނގިރޭސި ޕްރިމިއާ ލީގުގައި ވެސްޓް ބްރޮމް އަތުން 3-0 އިން ލެސްޓާ މޮޅުވި މެޗުގެ ފުރަތަމަ ހާފަށް ފަހު ރޯދަ އަށް ހުރުމުން ފޮފާނާ ވަނީ ފުރަތަމަ ހާފަށް ފަހު ބަދަލުކޮށްފަ އެވެ. ރޭ ލެސްޓާ އިން ފަހަތުން އަރައި ކްރިސްޓަލް ޕެލަސް ބަލިކުރިއިރު އެ މެޗުގެ 34 ވަނަ މިނިޓްގައި ފޮފާނާ ވަނީ ދަނޑުމަތީގައި ހުރެފައި ރޯދަ ވިއްލައިފަ އެވެ. އެ ވަގުތު ކޮޅު ނަގާފައިވާ ވީޑިއޯ އެއް ސޯޝަލް މީޑިއާގައި ދައުރުވަމުން އަންނައިރު، ގިނަ ބަޔެއް އަންނަނީ ދީނީ ކަންކަމަށް ފޮފާނާ ދޭ ސަމާލުކަމަށްޓަކައި އޭނާ އަށް ތައުރީފުކޮށްފަ އެވެ.

Advertisement

މެޗަށް ފަހު ފޮފާނާ ވަނީ މެޗުގެ މެދުތެރެއިން އޭނާ ރޯދަ ވިއްލަން ވަގުތު ދޭން ކްރިސްޓަލް ޕެލަސް އާއި ޕްރިމިއާ ލީގުން ފުރުސަތެއް ދިނީތީވެ އެކަމަށް ވަރަށް ބޮޑަށް ޝުކުރު އަދާކޮށްފަ އެވެ.

"މިއީ ފުޓްބޯޅަ އަކީ އެންމެ ފުރިހަމަ ކުޅިވަރަށް ވާ ސަބަބަކީ" ފޮފާނާ ބުންޏެވެ.

ލެސްޓާގެ ކޯޗު ރޮޖާސް ވެސް ވަނީ ފޮފާނާ އަށް ތައުރީފުކޮށްފަ އެވެ.

"އޭނަގެ ހާލަތު ރަނގަޅު. އެއީ އަދި ޒުވާނެއް. އަހަރެން ބޭނުންވި ބެންޗުގައި އޭނަ އަށް ކާނެ އެއްޗެއް ބަހައްޓަން ވެސް. އެކަމަކު އޭނަ ބޭނުންވީ ރޯދަ ވިއްލައިގެން ވެސް މެޗު ކުޅެން. އަހަރެން ޒުވާން ކުޅުންތެރިއެއްގެ އެ ފަދަ ކޮމިޓްމަންޓަކަށް ބުރޫއަރާނެ ފަދަ ކަމެއް ކުރަން ނެތިން. ރޯދަ އަށް ހުއްޓަސް ފޮފާނާ ޕްރެކްޓިހާއި މެޗުތަކުގައި ކުޅުމުން ސާބިތުކޮށްދޭނަމަ މައްސަލައެއް ނެތް،" ރޮޖާސް ބުންޏެވެ.

"އަހަރެންގެ ކެރިއަރުގައި ރޯދަ ހިފައިގެން މެޗުތައް ކުޅެފައިވާ ކުޅުންތެރިންނާއި ރޯދަ އަށް ހުރެ ކުޅެން ބޭނުންވި ކުޅުންތެރިންނަށް ކޯޗުކަން ކޮށްދީފިން. މިއީ މައްސަލައެއް ދިމާވާނެ ކަމެއް ނޫން. މީގެ ބޭނުންވަނީ ކެވޭ ވަގުތުގައި ރަނގަޅަށް ކެއުން،"

ސެއިން އެޓިއެން ޔޫތު ސިސްޓަމުގެ ތެރެއިން އައިސް ސީނިއާ ޓީމަށް ވެސް ކުޅުނު ފޮފާނާ ގެންނަން އެންމެ ފުރަތަމަ ޝައުގުވެރިކަން ފާޅުކުރީ ވެސްޓް ހޭމް ޔުނައިޓެޑުންނެވެ. ލެސްޓާ އިން ފޮފާނާގެ ސޮއި ހޯދީ 36.5 މިލިއަން ޕައުންޑްގެ ފީ އެއް ދެއްކުމަށް ފަހު އެވެ. މި ސީޒަނުގައި އެއް ފެންވަރެއްގައި ރަނގަޅު ކުޅުމެއް ދައްކަމުން އަންނަ ކުޅުންތެރިންގެ ތެރޭގައި ފޮފާނާ ހިމެނެ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox