ރޮޖާސް، ސައުދީ ލީގުގެ އަލް ގަދްސިއާއާ ހަވާލުވަނީ

Dec 16, 2025, 4:20 AM
ރޮޖާސް، ސައުދީ ލީގުގެ އަލް ގަދްސިއާއާ ހަވާލުވަނީ

ރިޔާދު، ސައުދީ އަރަބިއްޔާ (ޑިސެމްބަރު 16) - ސައުދީ ޕްރޮފެޝަނަލް ލީގު (ޕްރޯ ލީގު)ގެ ކްލަބް އަލް ގަދްސިއާއާ ހަވާލުވުމަށް، އަޔަލެންޑްގެ ކޯޗު، ބްރެންޑަން ރޮޖާސްއާ އެކު އެ ކްލަބުން އެއްބަސްވުމަކަށް އަތުވެފައިވާ ކަމަށް ރިޕޯޓްތައް ބުނެފި އެވެ.

ކުރިން ލެސްޓާ ސިޓީ އާއި ލިވަޕޫލަށް ކޯޗުކޮށްދިން ރޮޖާސް، މިދިޔަ އޮކްޓޫބަރު މަހު ސްކޮޓްލެންޑްގެ ސެލްޓިކްގެ ކޯޗުކަން ދޫކޮށްލި ފަހުން ހުރީ ޓީމަކާ ހަވާލުނުވެ އެވެ. އެ މުއްދަތުގައި އިނގިރޭސި ޕްރިމިއާ ލީގުގެ ދެ ކްލަބެއްގެ އޮފާ ލިބުމުން ވެސް ރޮޖާސް ވަނީ ދޫކޮށްލައިފަ އެވެ.

ސައުދީ ލީގުގެ ފަސް ވަނައިގައި އޮތް އަލް ގަދްސިއާ އިން ދާދި ފަހުން ވަަނީ އެ ޓީމުގެ ކޯޗަކަށް ހުރި މިޗެލް މަގާމުން ދުރުކޮށްފަ އެވެ. ރިޕޯޓްތައް ބުނާގޮތުން، މިޗެލް، ވަކިކުރީ ރޮޖާސްއާ އެކު އަނގަބަހުން އެއްބަސްވުމަކަށް އަތުވުމަށް ފަހު އެވެ.

ރޮޖާސް، ސެލްޓިކާ ދެ ވަނަ ފަހަރަށް ހަވާލުވެ، އެ ޓީމުން ވަކިވީ، ކްލަބްގެ ބޯޑު މެމްބަރުންނާ ޖެހުނު މަައްސަލަތަަކަކަށް ފަހު އެވެ.

އެންމެ ފުރަތަމަ ސެލްޓިކްގެ ކޯޗުކަމާ ހަވާލުވެ، ރޮޖާސް ވަނީ 2018-2019 ވަނަ އަހަރުގެ ސީޒަންގެ މެދުތެރެއިން ސެލްޓިކްގެ ކޯޗުކަން ދޫކޮށް، ލެސްޓާ ސިޓީގެ ކޯޗުކަމާ ހަވާލުވެފަ އެވެ. އެކަމާ ގުޅިގެން ސެލްޓިކްގެ ސަޕޯޓަރުން ރޮޖާސްއާ މެދު ހިތްހަަމަނުޖެހުނެވެ. ލެސްޓާގެ ކޯޗުކަމުން ވަކިކުރުމުން، ރޮޖާސް އަލުން ސެލްޓިކަށް ދިޔައީ، 2023 ވަނަ އަހަރުގެ ޖޫން މަހުގައި، ތިން އަހަރުގެ ކޮންޓްރެކްޓެއްގަ އެވެ.

ތިން އަހަރުގެ ކޮންޓްރެކްޓް އެއްކޮށް ސެލްޓިކްގައި ފުރިހަމަކުރާނެ ކަމަށް ބުނި، ރޮޖާސް، އެ ޓީމު ދޫކޮށްލަން ޖެހުނީ، ކްލަބްގެ މެޖޯރިޓީ ހިއްސާދާރު، ޑާމޮޓް ޑެސްމޯންޑްއާ އުފެދުނު ހިޔާލުތަފާތުވުންތަކެއްގެ ތެރެއިން، މައްސަލަ ހޫނުވެގެން ގޮހެވެ.

ސެލްޓިކުން ރޮޖާސް ވަކިވިކަން އިއުލާނުކުރިތާ 15 މިނިޓް ފަހުން، ޑެސްމޯންޑް، އާންމުކުރި ބަޔާނެއްގައި ބުނެފައިވަނީ، ރޮޖާސް، ބަހާއި އަމަލު ދިމާވެފައިނުވާ ކަމަށާއި ކްލަބްގެ މެދުގައި މައްސަލަތައް ގޮސްވާތީ އޭނާ މަގާމުން ވަކިވާން ޖެހުނީ ކަމަށެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox