ޝިފާ އާއި އަކްރަމްގެ ބަހުގެ ހަމަލަތަކުން މާލެ ރައީސްގެ ގޮނޑި "ހޫނުވެއްޖެ"!

ޝިފާ އާއި އަކްރަމް: މާލެ ދާއިރާއަށް ދެ ބޭފުޅުން ކުރިމަތިލައްވައި މާލެ ދާއިރާ ރައީސްގެ ވާދަވެރިކަން ވަނީ ބޮޑުވެފައި.

ޝިފާ އާއި އަކްރަމް: މާލެ ދާއިރާއަށް ދެ ބޭފުޅުން ކުރިމަތިލައްވައި މާލެ ދާއިރާ ރައީސްގެ ވާދަވެރިކަން ވަނީ ބޮޑުވެފައި.

އެމްޑީޕީގެ ގައުމީ މަޖިލިސް އިންތިހާބުގައި މާލެ ދާއިރާގެ ރައީސަކަށް މާލޭގެ މޭޔަރު ޝިފާ މުހައްމަދާއި މާލެ ދާއިރާގެ ރައީސަކަށް މިހާރު ވެސް ހުންނެވި އަކްރަމް ކަމާލުއްދީން ކުރިމަތިލައްވަން ނިންމަވައި ވާދަވެރިކަން ބޮޑުވެ، ބަހުގެ ހަމަލާތައް އަމާޒުވެއްޖެ އެވެ.

އިންތިހާބުގައި ޝިފާ ވާދަކުރައްވަން ނިންމެވުމާ އެކު އެމްޑީޕީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ހިމެނިވަޑައިގަންނަވާ ގޮތަށް އެމަނިކުފާނުގެ އަރިސް ބޭފުޅުން ޝިފާއަށް ތާއީދު އޮތް ކަން ސޯޝަލްމީޑިއާގައި ހާމަކުރެއްވި އެވެ. އޭގެތެރޭގައި، ޕާލަމެންޓްރީ ގްރޫޕްގެ ލީޑަރު އަލީ އާޒިމާއި މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީ ފަދަ ބޭފުޅުން ހިމެނިވަޑައިގަންނަވަ އެވެ.

އެތެރޭގެ އިންތިހާބުގައި ލީޑަޝިޕުން ވަކި ބޭފުޅަކަށް ތާއީދުއޮތް ކަން ފާޅުގައި ހާމަކުރުމަކީ އިންސާފުން އެއްކިބާވުން ކަމުގެ ކަންބޮޑުވުން ބައެއް އާއްމު މެމްބަރުން ފާޅުކުރަމުން ދަނިކޮށް، މާލެ ދާއިރާގެ ގޮނޑި ކަށަވަރު ކުރައްވަން އަކްރަމް ނުކުންނެވުމުން ފެށުނީ މުޅިން އެހެން ބަހުސެކެވެ.

އަކްރަމަށް ތުހުމަތު އަމާޒުވީ، މާލެ ދާއިރާގެ ރައީސްކަމުގައި ހުންނަވައިގެން ލޯކަލް ކައުންސިލް އިންތިހާބުގެ މެޖޯރިޓީ ފުރަތަމަ ފަހަރަށް އެމްޑީޕީއަށް ގެއްލުމުގެ ޒިންމާ އޭނާ ވެސް ނަންގަވަން ޖެހިވަޑައިގަންނަވާނެ ކަމަށެވެ. އެކަމަކު އަކްރަމް ވިދާޅުވަނީ އޭނާ ކެމްޕޭނުން "އެކަހެރިކޮށް، ފުރުސަތު ނުދިން" ކަމަށެވެ.

ނިމިދިޔަ އިންތިހާބާ ހަމައަށް، މާލޭގެ ސިޓީ ކައުންސިލްގެ ސާފު އަގުލަބިއްޔަތު އޮތީ އެމްޑީޕީއަށެވެ. އެކަމަކު މި އިންތިހާބުގައި އެމްޑީޕީގެ މެމްބަރުން ލީޑަޝިޕަށް ދިން ވަރުގަދަ މެސެޖަކުން މާލޭގެ މޭޔަރުގެ ގޮނޑިއާ އެކު އަގުލަބިއްޔަތު ދިނީ ޕީޕީއެމަށެވެ.

މި މާޔޫސްކަމުން އަރައިނުގަނެވި ޕާޓީ ތެރޭގައި ބަހުގެ އަރައިރުންތަކެއް ދަނިކޮށް ފެށުނު ގައުމީ މަޖިލީހުގެ އިންތިހާބުގައި މާލެ ދާއިރާގެ ރައީސްގެ ގޮނޑި ޕާޓީއަށް ވަރަށް މުހިއްމެވެ. އެއް ކަމަކަމަށް، މާލެ ދާއިރާގެ ރައީސަކީ، ޝަކުވާތައް ބޮނޑިކޮށްގެން ހިތްހަމަނުޖެހިފައި ތިބި އެ ދާއިރާގެ މެމްބަރުންނާއި ޕާޓީއާ އާއި ސަރުކާރާ ގުޅުން ބަދަހިކޮށްދެވޭނެ މީހަކަށް ވުމެވެ.

އެ ބަދަލުގައި އަކްރަމް "ފެއިލްވެވަޑައިގެންފައިވާ" ކަމަށް ޝިފާ ވިދާޅުވުމުން އަކްރަމް ދައްކަވަނީ ޕާޓީގެ ލީޑަޝިޕްގެ މައްސަލަތަކެވެ. އަދި ވަކި ބަޔަކު ހޮވަން ޕާޓީގެ ރައީސް މުހައްމަދު ނަޝީދު މަސައްކަތްކުރައްވާ ކަމުގެ ތުހުމަތާ އެކު ހިތްހަމަނުޖެހުންފާޅުކުރެއްވި އެވެ.

ޝިފާ ދެކެވަޑައިގަންނަވާ ގޮތުގައި މާލެ ދާއިރާ ބަދަލުވާން ޖެހޭ

ޝިފާ "އަދަދު"އަށް ވިދާޅުވީ އެމްޑީޕީގެ އޮނިގަނޑު ރޭވިފައި އޮންނަ ގޮތުން އިންތިހާބުތަކުގައި ޕާޓީއަށް ކާމިޔާބީ ހޯދައިދޭން ދާއިރާ ރައީސުންގެ ވެސް ޒިންމާއެއް އޮންނަ ކަމަށެވެ. ދާއިރާގެ ކަންބޮޑުވުންތައް ޕާޓީގެ ލީޑަޝިޕާ ހަމައަށް ގެންގޮސް ހައްލު ހޯދައިދިނުމާއި ގުޅުން ބަދަހިކޮށް ބޭއްވުމަކީ އެ ރައީސެއްގެ ވަރަށް ބޮޑު ޒިންމާއަކަށްވާ އިރު މި އިންތިހާބުގައި އެކަން ނުފެނުނު ކަމަށް ވިދާޅުވި އެވެ.

"މާލެ ގެއްލުމުގައި ހަގީގަތުގައި ދާއިރާ ރައީސްގެ ވެސް ޒިންމާ ނެތެކޭ ނުދެންނެވޭނެ، އެއީ ދާއިރާގެ މަސްއޫލިއްޔަތުތަކެއް ދީފައި ހުންނާތީ،" ނުސީދާކޮށް އަކްރަމަށް ރައްދު ދެއްވަމުން ޝިފާ ވިދާޅުވި އެވެ.

ޝިފާ ވިދާޅުވި ގޮތުގައި އޭނާ މަސައްކަތްކުރަމުން އަންނަނީ ފެށުނީއްސުރެން ވެސް އެމްޑީޕީގެ ކަންކަމުގައި ނުކުމެ ގްރާސްރޫޓާ އެކުގަ އެވެ. މި އިންތިހާބުގައި ޕާޓީއަށް މާލެ ގެއްލުނު ފިލާވަޅުން ގެންނަން ޖެހޭ ބަދަލުތަކެއް އެބަހުރި ކަމަށާއި މުހިއްމު އެއް ކަމަކީ ޕާޓީއަށް އިހްލާސްތެރި މީހުންނަށް ޖާގަ ދިނުން ކަމަށް ވިދާޅުވި އެވެ.

ޕާޓީގައި އުޅޭތާ އެއް އަހަރުވީ މީހުންނަށް މަގާމްތަކަށް ކުރިމަތިލެވޭ ގޮތަށް އޮތުން ފަދަ ގައުމީ ހިންގާ ކޮމިޓީން ރޭ ގެނައި ބަދަލުތަކާ މެދު ޝިފާ ވަރަށް ބޮޑަށް ހިތްހަމަޖެހިވަޑައިގަންނަވަ އެވެ. އޭނާ ވިދާޅުވީ އިންތިހާބުތަކާ ދިމާކޮށް، ޕާޓީއާ ގުޅޭ މީހުންނަށް އޮތް ފުރުސަތު ބަންދުވެ، ޕާޓީގެ މެމްބަރުންނަށް ޖާގަ ކަށަވަރުވެގެންދާނެ އެވެ.

އޭނާ ގަބޫލުކުރައްވާ ގޮތުގައި ރައްޔިތުންނާއި އެމްޑީޕީގެ މެމްބަރުންނާ ގުޅިގެން ނުކުމެ ޕާޓީގެ ގުޅުން ބަދަހިކުރެވޭނީ އިހްލާސްތެރި ފަރާތްތަކަށެވެ.

އަކްރަމްގެ ހިތްހަމަނުޖެހުން: ބޭނުންވަނީ ވަކި ބަޔަކު ހޮވަން

މާލެ ދާއިރާ އެމްޑީޕީއަށް ގެއްލުމުގައި އޭނާގެ ޒިންމާއެއް އޮތް ކަމަށް ކުރާ ތުހުމަތުތަކުން އަކްރަމް ދިފާއުވެވަޑައިގެން ދެއްކެވީ އެމްޑީޕީގެ ލީޑަޝިޕްގައި ހުރި މައްސަލަތަކެވެ.

އޭނާ ވިދާޅުވީ ކައުންސިލް އިންތިހާބުގެ ކެމްޕޭންގައި އޭނާ ހުންނެވީ ވަރަށް ބޮޑަށް އެކަހެރިކޮށްފައި ކަމަށެވެ. އަމަލީ ގޮތުން އުޅުއްވުމުގެ ފުރުސަތަށް އެދިވަޑައިގަތުމުން އެކަމަށް އިއުތިރާޒް ކުރައްވައި އެމްޑީޕީގެ ރައީސް މުހައްމަދު ނަޝީދު އެ ފުރުސަތު ނުދެއްވީ ކަމުގެ ތުހުމަތު ކުރެއްވި އެވެ.

ކައުންސިލް އިންތިހާބުގެ ކެމްޕޭން ކުރިއަށް ގެންދިޔައީ އެމްޑީޕީގެ އެހެން އިންތިހާބުތަކާ ހިލާފަށް ކަމަށާއި އާއްމު މެމްބަރުންނާ ހަމައަށް މެސެޖް ފޯރުކޯށްނުދެވޭ ކަމަށް އަކްރަމް ވިދާޅުވި އެވެ.

އަކްރަމް ދެން ކުރެއްވީ އެމްޑީޕީގެ ގައުމީ މަޖިލީހުގެ އިންތިހާބުގައި ވަކި މެމްބަރުންތަކެއް ހޮވަން ނަޝީދު މަސައްކަތް ކުރައްވަމުން ގެންދަވާ ކަމުގެ ތުހުމަތެވެ. އެމްޑީޕީގެ ގައުމީ މަޖިލީހުން އިންތިހާބަށް ޝަރުތުތައް ކަނޑައެޅިއިރު ވެސް ވަކި ބަޔަކަށް ކުރިމަތިލެވޭ ގޮތަށް އަދި އަނެއް ބަޔަކު ކަޓުވާލެވޭ ގޮތަށް ގަރާރު ހުށަހަޅާފައިވާ ކަމުގެ ކަންބޮޑުވުން އަކްރަމް ފާޅުކުރެއްވި އެވެ.

އެމްޑީޕީގެ ގައުމީ ހިންގާ ކޮމިޓީން ރޭ ފާސްކުރި ގަރާރުގައި އެމްއެމްޕީއާރުސީގެ ހިޔާނާތް ހިމެނިއިރު ކޮރަޕްޝަންގެ ތުހުމަތު ކުރެވި މައްސަލަ އޭސީސީއަށް ފޮނުވާފައިވާ މީހުންނަށް ވާދަ ކުރެވެންވީ ކީއްވެތޯ އަކްރަމް ސުވާލު އުފެއްދެވި އެވެ. އަކްރަމް އެ އިޝާރާތް ކުރެއްވީ އޭސީސީން ތަހުގީގުކުރި ޝިފާއަށް ތުހުމަތުކުރި ހިޔާނާތުގެ މައްސަލައަށެވެ. އެ މައްސަލައިގައި ދައުވާނުކުރަން ނިންމައި ޕީޖީން ވަނީ މައްސަލަ އަނބުރާ އޭސީސީއަށް ފޮނުވާލައިފަ އެވެ.

އެމްއެމްޕީއާރުސީ ހިޔާނާތާ ގުޅިގެން އޭސީސީން ނެރުނު ރިޕޯޓުގައި އެސްއޯއެފްގެ އެކައުންޓުން އަކްރަމްގެ އެކައުންޓަށް 30،000 ޑޮލަރު ޖަމާކޮށްފައިވާކަން އޭސީސީގެ ތަހުގީގީ ރިޕޯޓުން އެނގެ އެވެ. އެކަމުގައި ކޮރަޕްޝަނެއް ނެތް ކަމަށް އޭސީސީން އޮތީ ނިންމައިފަ އެވެ.

އަކްރަމް މިއަދު ވެސް ވިދާޅުވީ އެއީ ހިންގެވި ޑޮލަރުގެ މުއާމަލާތުގެ ފައިސާ ކަމަށެވެ.

އަކްރަމް ވިދާޅުވި ގޮތުގައި ނަޝީދުގެ ވިސްނުންފުޅަކީ ބަރުލަމާނީއަށް ތާއީދުނުކުރާ މީހެއް ނަމަ އިންތިހާބުން ފުރުސަތު ގެއްލުވާލުމެވެ. އެކަމަކު އަޅުގަނޑު ނަޝީދަށް ދަންނަވާލަން ބޭނުން ވަނީ "ބޭހާއި ނުކުޅޭތި ބަޑި، ނޭނގި ހުއްޓައި އަނދައިދާނެ، ގޭމަކޮޔާ ފިހިދާނެ" ކަމަށް އަކްރަމް ވިދާޅުވި އެވެ.

އޭނާ ވިދާޅުވީ ނަޝީދުގެ ބަރުލަމާނީ ވިސްނުންފުޅަށް ތާއީދެއް ނުކުރައްވާނެ ކަމަށެވެ. ރައީސް އިބްރާހިމް މުހައްމަދު ސޯލިހްގެ ސިޔާސަތުތައް އެތައް ގުނައެއް ރަނގަޅު ކަމަށާއި ގައުމުގެ ހަމަޖެހުމަށް އެމަނިކުފާނުގެ ދެ ވަނަ ދައުރެއް މި ގައުމަށް މުހިއްމު ކަމަށް އަކްރަމް ވިދާޅުވި އެވެ.

އެއީ، އަކްރަމް ވިދާޅުވި ގޮތުގައި، އެންމެ ގޮވައިގެން އުޅެން އެނގިވަޑައިގަންނަވާތީއާ ހަސަދަވެރިކަމާއި ނަފްރަތު ކުރިއަށް ނުނެރުއްވާތީ އެވެ.

އިންތިހާބުގައި، ނަޝީދު ޝިފާއަށް ތާއީދު ކުރެއްވުމާއި އަކްރަމަށް ރައީސް ސޯލިހާ އެކުގައި ހުންނެވިކަން ހާމަކުރުމުން އެ ގޮނޑީގެ ވާދަވެރިކަން އޮތް މިންވަރު އެނގެ އެވެ. އެއާއެކު މި ގޮނޑި ގޮސް ފިތެނީ ވަރުގަދަވަމުން އަންނަ ބަރުލަމާނީ ކޯޅުމުގެ ތެރޭގައި ކަން ސާފެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox