ރެއާލާއި ބާސެލޯނާ ބޭނުންވާ ގޮތެއް ނުހެދޭނެ: ލަލީގާ ރައީސް

Apr 24, 2021, 10:12 AM
ލަލީގާގެ ރައީސް ހަވިއޭ ޓެބާސް.-- ފޮޓޯ: އޭއެފްޕީ

ލަލީގާގެ ރައީސް ހަވިއޭ ޓެބާސް.-- ފޮޓޯ: އޭއެފްޕީ

މެޑްރިޑް (އޭޕްރީލް 24) - ޔޫރަޕިއަން ސުޕަ ލީގުން ރަސްމީކޮށް ވަކިނުވާން ރެއާލް މެޑްރިޑާއި ބާސެލޯނާ އިން ނިންމާފައިވާއިރު، އެ ވިސްނުމުގައި ތިބެގެން އެ ދެ ޓީމުން ބޭނުންވާ ގޮތަށް ކަންކަން ނުވާނެ ކަމަށް ވިދާޅުވެ، ލަލީގާގެ ރައީސް ހަވިއޭ ޓެބާސް އިންޒާރެއް ދެއްވައިފި އެވެ.

ޔުއެފާ އާއި ފީފާގެ އިތުރުން ސަޕޯޓަރުންގެ ޕްރެޝަރާ ހެދި ސުޕަ ލީގު މި ވަގުތަށް އޮތީ ސަސްޕެންޑްކޮށްފަ އެވެ. މިދިޔަ ހަފްތާގެ ހަތްދިހަ ދެ ގަޑިއިރަށް ފުޓްބޯޅަ ދުނިޔޭގެ ސަމާލުކަން ހުއްޓުނު ސުޕަ ލީގުގެ ފައުންޑަ ކްލަބްތަކުގެ ތެރޭގައި އޮތް 12 ކްލަބްގެ ތެރެއިން މިހާރު އެ ލީގުން ވަކިނުވެ އޮތީ ރެއާލާއި ބާސެލޯނާގެ އިތުރުން ޔުވެންޓަސް އެވެ. ލީގުން ވަކިވި ޓީމުތަކަކީ އިންގްލެންޑްގެ މެންޗެސްޓާ ޔުނައިޓެޑް، މެންޗެސްޓާ ސިޓީ، ލިވަޕޫލް، އާސެނަލް، ޗެލްސީ އަދި ޓޮޓެންހަމްގެ އިތުރުން އިޓަލީގެ އޭސީ މިލާން އަދި އިންޓަ މިލާނާއި ސްޕެއިންގެ އެތުލެޓިކޯ މެޑްރިޑް އެވެ.

ސްޕެއިނުގެ ބައެއް މީޑިއާ ރިޕޯޓްތައް ބުނާގޮތުން ބާސެލޯނާގެ ކުރީގެ ރައީސް ޖޯސެފް މާރިއާ ބާޓޮމެއު އާއި ރެއާލްގެ ރައީސް އަދި ސުޕަ ލީގުގެ ޗެއާމަން ފްލޮރެންޓީނޯ ޕެރޭޒް، ސުޕަ ލީގުގެ އެއްބަސްވުން ހަދާފައިވަނީ ބާސެލޯނާ އާއި ރެެއާލް އަށް ވަކިވަކިން ސުޕަ ލީގުން ވަކިނުވެވޭ ގޮތަށެވެ.

ސްޕެއިނުގެ ޓީވީ އަކަށް ދިން އިންޓަވިއުއެއްގައި ޓެބާސް ވިދާޅުވީ ބާސެލޯނާގެ ރައީސް ޖޮއާން ލަޕޯޓާ އާއި ޕެރޭޒްގެ ކިބައިން މިހާރު ފެންނަނީ އޭނާ އުއްމީދުކުރި ކަހަލަ ކަންތައްތަކެއް ނޫން ކަމަށެވެ.

"ޕެރޭޒް އާއި ލަޕޯޓާގެ ފަރާތުން މި ފެންނަ ކަންތައްތަކުން ހައިރާންވޭ. އަހަންނަށް ޔަގީންވޭ މިހާރު އިނގިރޭސި ހަ ކްލަބާއި ޖަރުމަނުން ސުޕަ ލީގުގައި ނޯންނާނެކަން. އަހަރެމެން މި ބުނަނީ މިއީ ރަނގަޅު ގޮތެއް ނޫނޭ. ތެދެއް. އަހަރެމެން ބަދަލުތަކެއް ބޭނުންވޭ. އެކަަމަކު ވަކިވެގެން ވާނެ ފައިދާއެއް ވެސް ނެތް،" ޓެބާސް ވިދާޅުވި އެވެ.

"އެތުލެޓިކޯ އިން ސުޕަލީގުން ވަކިވާން ނިންމި ނިންމުމަށް މަރުހަބާ ކިޔަން. އެ މީހުން މިހާރު އެ ތިބީ ލަލީގާގެ ބޮޑު ފަޅީގައި. ދެން އަހަރެމެން އެބަޖެހޭ މީގެ ރެއާލާއި ބާސެލޯނާ ވެސް މި ކޮޅަށް ގެންނަން. ސުޕަ ލީގުގައި ކުޅެމުން ލަލީގާގައި ނުކުޅެވޭނެ. ބާސެލޯނާ އާއި ރެއާލް ބޭނުންވިޔަސް އެ ގޮތެއް ނުވާނެ،" ޓެބާސް ވިދާޅުވި އެވެ.

ސްޕެއިނުގެ ބައެއް މީޑިއާ ރިޕޯޓްތައް ބުނާގޮތުން ބާސެލޯނާ އާއި ރެއާލް ސުޕަ ލިގުން ވަކިނުވެ އޮތް އެއް ސަބަބަކީ އެ ލީގުގައި ބައިވެރިވާއިރު، ލިބޭ ސްޓާޓިން ކެޕިޓަލް މެދުވެރިކޮށް އެ ދެ ކްލަބްގެ މި ވަގުތު ދައްކަން ޖެހޭ ދަރަނިން ސަލާމަތްވާން ފުރުސަތު އޮތުމުންނެވެ.

ސުޕަ ލީގު އެންމެ ފުރަތަމަ އިއުލާނުކުރިއިރު އޮތް 12 ކްލަބާ ދެކޮޅަށް ފިޔަވަޅު އަޅަން ޔުއެފާ އިން ވަނީ ނިންމައިފަ އެވެ. އެކަމަކު އެ ފިޔަވަޅުތަކުގެ ތެރެއިން މި ފަހަރުގެ މުބާރާތެއްގެ ތެރެއިން ޓީމަކަށް އަދަބެއް ނުދޭން ޔުއެފާގެ ޑިސިޕްލިނަރީ ކޮމިޓީން ނިންމާފައިވާ ކަމަށް ރިޕޯޓްތައް ބުނެ އެވެ. މާނަ އަކީ މި ވަގުތު ޗެމްޕިއަންސް ލީގާއި ޔޫރޮޕާ ލީގުގެ ސެމީ ފައިނަލުގައި އޮތް ޓީމެއް ސުޕަ ލީގުގެ ފައުންޑާ މެމްބަރުން ތެރޭގައި ހިމެނުނު ކަމުގައި ވިޔަސް މި ސީޒަނުގެ މުބާރާތުން ވަކިނުކުރާނެ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox