އަދަދު ނޫހުގެ ސީއީއޯ ފިޔާޒް އާއި ނޫސްވެރިޔާ ޝަހުޒާން އަށް މަރުގެ އިންޒާރު ދީފި

އަދަދު ނޫހުގެ ސީއީއޯ ފިޔާޒް އަދި ނޫސްވެރިޔާ ޝަހުޒާން: މަރުގެ އިންޒާރު ދިން މައްސަލަ ފުލުސް އޮފީހަށް ހުށަހަޅަން ވަނީ ނިންމާފައި -- ފޮޓޯ: އަދަދު ފައިލް

އަދަދު ނޫހުގެ ސީއީއޯ ފިޔާޒް އަދި ނޫސްވެރިޔާ ޝަހުޒާން: މަރުގެ އިންޒާރު ދިން މައްސަލަ ފުލުސް އޮފީހަށް ހުށަހަޅަން ވަނީ ނިންމާފައި -- ފޮޓޯ: އަދަދު ފައިލް

ރައީސް އޮފީހުގެ މުވައްޒަފަކާއެކު ރައީސް މުހައްމަދު މުއިއްޒު ކައިވެނިން ބޭރުން ގުޅުމެއް ބޭއްވި ކަމަށް އޭނާ ބުނި ވާހަކަ ގެނެސްދިނުމުން އަދަދު ނޫހުގެ ސީއީއޯ ހުސެއިން ފިޔާޒް މޫސާ އާއި ނޫސްވެރިޔާ މުހައްމަދު ޝަހުޒާނަށް މީހަކު މަރުގެ އިންޒާރެއް ދީފި އެވެ.

ފިޔާޒް އާއި ޝަހުޒާނަށް މަރުގެ އިންޒާރު ދިނީ މި ނޫހުގެ ހަބަރަކަށް ވެބްސައިޓުގައި ކޮމެންޓެއް ކުރި މީހެކެވެ. އެ ހަބަރަކީ، "ރައީސް އޮފީހުގެ މުވައްޒަފަކާއެކު ރައީސް މުއިއްޒު ކައިވެނިން ބޭރުން ގުޅުމެއް ހިންގި ކަމުގެ ތުހުމަތު އަމާޒުވެއްޖެ" މި ސުރުހީގެ ދަށުން މި ނޫހުން ޝާއިއު ކުރި ހަބަރެވެ.

"ފިޔާޒް އާއި ޝަހްޒާން ވިސްނައިގެން އުޅޭތި. 2 ބޅވެސް. ކަލޭމެންގެ ފުރާނަ ބޭނުމިއްޔާ މަގުމައްޗަށް ނުނިކުންނާތި،" އެ ކޮމެންޓު ކުރި ފަރާތުން ބުނެފައިވެ އެވެ.

މި ނޫހުގެ ނޫސްވެރިއެއްގެ އިތުރުން ޝަހުޒާންއަކީ މޯލްޑިވްސް ޖާނަލިސްޓްސް އެސޯސިއޭޝަނުގެ ނައިބު ރައީސް އެވެ.

ނޫސްކިޔާ މީހުންގެ ޒާތީ މައުލޫމާތު ރައްކާތެރި ކުރުމަށްޓަކައި، ވެބްސައިޓުގައި ކޮމެންޓު ކުރާ ފަރާތްތަކުގެ މައުލޫމާތެއް މި ނޫހަކުން ނުބަލަހައްޓަ އެވެ. އެހެންވެ، ފިޔާޒް އާއި ޝަހުޒާނަށް މަރުގެ އިންޒާރުދީ ކޮމެންޓު ކުރި މީހެއް މި ނޫހަކަށް ނޭނގެ އެވެ.

އަދަދުގެ ސީއީއޯ އަދި ނޫސްވެރިޔަކަށް މަރުގެ އިންޒާރު ދިން ކޮމެންޓު (ހުތުރު އެއްޗެހި ކިޔާފައި ހުރި ބައި ފުސްކޮށްފައި)
އަދަދުގެ ސީއީއޯ އަދި ނޫސްވެރިޔަކަށް މަރުގެ އިންޒާރު ދިން ކޮމެންޓު (ހުތުރު އެއްޗެހި ކިޔާފައި ހުރި ބައި ފުސްކޮށްފައި)

އަދަދުގެ ސީއީއޯ އަދި ނޫސްވެރިޔަކަށް މަރުގެ އިންޒާރު ދިން ކޮމެންޓު (ހުތުރު އެއްޗެހި ކިޔާފައި ހުރި ބައި ފުސްކޮށްފައި)

އަދަދު ގެ ސީއީއޯ ފިޔާޒް ވިދާޅުވީ، އޭނާ އަދި ޝަހުޒާނަށް މަރުގެ އިންޒާރު ދިން މައްސަލަ ފުލުހުންނަށް ހުށަހަޅަން ނިންމާފައިވާ ކަމަށެވެ. އަދި ނޫސްވެރިކަމުގެ ތެރެއިން ކުރާ މަސައްކަތެއްގެ ސަބަބުން މަރުގެ އިންޒާރު ލިބޭތީ ކަންބޮޑުވެވަޑައިގަންނަވާ ކަމަށް ވެސް ފިޔާޒް ވިދާޅުވި އެވެ.

"މި މައްސަލަ ތަހުގީގުކޮށް، ނޫސްވެރިންނަށް ރައްކާތެރިކަމާއެކު މަސައްކަތް ކުރެވޭނެ މާހައުލެއް ގާއިމް ކުރަން ކަމާ ގުޅުން ހުރި އިދާރާތަކަށް އަޅުގަނޑު ގޮވާލަން،" ފިޔާޒް ވިދާޅުވި އެވެ.

މީގެ ފަސް އަހަރު ކުރިން އޭޕްރީލް 4، 2021، ގައި މި ނޫސް ޝާއިއު ކުރަން ފެށި ފަހުން ވަރަށް ގިނަ އިންޒާރުތައް ވަނީ ލިބިފަ އެވެ. އެގޮތުން ކުރީގެ ރައީސް މުހައްމަދު ނަޝީދަށް އަމާޒުކޮށް ބޮމުގެ ހަމަލާއެއް ދިން ދުވަސްވަރު ލިޔުނު ހަބަރުތަކާއި ރިޔާސީ އިންތިހާބުގެ ކެމްޕެއިން ތެރޭގައި ލިޔުނު ހަބަރުތަކާ ގުޅިގެން އިންޒާރު ލިބިފައިވެ އެވެ.

ކޮމެންޓް

ފަހުގެ ޚަބަރު

ޝާހިދު ހައްޔަރުކޮށްފައި ވަނީ ކުއްޖާގެ ބަހެއް ނެތި: ވަކީލުން

ވަކީލުންގެ ބަޔާނުގައި މި މައްސަލަ ތަހުގީގު ކުރަނީ އާންމު އުސޫލުތަކާ ހިލާފަށް ކަމަށާއި، މިއީ ސިޔާސީ މަގްސަދެއްގައި ހިންގާ ކަމެއްގެ ގޮތުގައި ތުހުމަތުކޮށް ކަންބޮޑުވުން ފާޅުކޮށްފައިވެއެވެ.

ކެރެޓު އަގުބޮޑުވި މައްސަލަ ހައްލުކުރެވިއްޖެ: ސައީދު

ބާޒާރުގައި ކެރެޓުގެ އަގު އުފުލުނީ ސަޕްލައި ކުރުމުގައި ދިމާވި މައްސަލައަކުން ކަމަށާއި، މިހާރު އެކަން ހައްލުކުރެވިފައިވާ ކަމަށް އިކޮނޮމިކް މިނިސްޓަރު މުހައްމަދު ސައީދު ވިދާޅުވެއްޖެއެވެ. މިނިސްޓަރު ވިދާޅުވީ މުދާ ކްލިއާ ކުރެވިފައިވާތީ މާދަމާއިން ފެށިގެން ބާޒާރުގައި ކެރެޓުގެ އަގު ހެޔޮވާނެ ކަމަށް އުއްމީދުކުރައްވާ ކަމަށެވެ.

އަސްކޮއިގެ މައްޗަށް ދައުވާކުރަން ފޮނުވައިފި

އުމްރާއަށް ގެންގޮސްދޭނެ ކަމަށް ބުނެ 109 މީހެއްގެ އަތުން 2.6 މިލިއަނަށް ވުރެ ގިނަ ރުފިޔާ ނަގައި، އެ ފައިސާއަށް ޚިޔާނާތްތެރިވި މައްސަލައިގައި އަސްކޮއެ ޓްރެވަލްސްގެ މައްޗަށް ދައުވާކުރަން ޕީޖީ އޮފީހަށް ފޮނުވައިފިއެވެ. މި މައްސަލައާ ގުޅިގެން އިސްލާމިކް މިނިސްޓްރީން ވަނީ އެ ކުންފުންޏަށް ދީފައިވާ އުމްރާގެ ހުއްދަ މުއްދަތެއް ނެތް ގޮތަށް ހިފަހައްޓާފައެވެ.

ރިއަލް އެސްޓޭޓް ބިލަށް ހިޔާލު ހުށަހެޅުމުގެ ފުރުސަތު ޕާޓީތަކަށް

މި ބިލާ މެދު ކަންބޮޑުވުން ހުރި ފަރާތްތަކުން އަންނަ މަހުގެ 2 ވަނަ ދުވަހުގެ ކުރިން ޚިޔާލު ހުށަހެޅުމަށް އެދިފައިވާއިރު، އިދިކޮޅު ފަރާތްތަކުން ދަނީ މި މަޝްރޫއާ މެދު ރައްޔިތުންގެ ފެންނަނުފެންނަ ވޯޓެއް ނެގުމަށް ގޮވާލަމުންނެވެ.

އެމްޑީޕީން ކުރާ މުޒާހަރާއަށް އެއްބާރުލުން ދޭން ގޮވާލައިފި

ރަސްމާލެ މަޝްރޫއާ ދެކޮޅަށް "ގައުމީ ހަރަކާތުން" ބާއްވާ ބޮޑު އެއްވުން އަންނަ މަހުގެ 3 ވަނަ ދުވަހުގެ ރެއަށް އަވަސްކޮށް، އެމްޑީޕީން ހުކުރު ދުވަހު ބާއްވާ މުޒާހަރާގައި ބައިވެރިވުމަށް އިމްރާން އަބްދުﷲ ގޮވާލައްވައިފިއެވެ.

ޝާހިދު ހައްޔަރުކުރި އަމުރު ހައި ކޯޓުން ދަމަހައްޓައިފި

ޝާހިދުގެ ފަރާތުން މި އަމުރު އިސްތިއުނާފު ކުރި ނަމަވެސް، ހައިކޯޓުން ނިންމީ ދަށު ކޯޓުގެ ނިންމުމަށް ބަދަލު ގެންނަންޖެހޭ ގާނޫނީ ސަބަބެއް ނެތް ކަމަށެވެ. ޝާހިދު ވަނީ އޭނާގެ މައްޗަށް ކުރެވޭ މި ތުހުމަތުތައް ދޮގުކުރައްވައި، މިއީ ސިޔާސީ ގޮތުން ހިންގާ އަމަލެއް ކަމަށް ވިދާޅުވެފައެވެ.

ރަސްމާލެ ބިލަށް ހިޔާލު ހުށަހެޅުމުގެ ފުރުސަތު ޕާޓީތަކަށް

މި ފުރުސަތު އަންނަ ޑިސެމްބަރު މަހުގެ 2 ވަނަ ދުވަހާ ހަމައަށް އޮންނާނެ ކަމަށާއި، ކަމާގުޅޭ މިނިސްޓްރީތަކާއި އިދާރާތައް ކޮމިޓީއަށް ހާޒިރުކޮށްގެން ލަފާ ހޯދުމަށް ވެސް ވަނީ ނިންމާފައެވެ.

Newsletter

Get the latest news delivered straight to your inbox