ހާމަނާއީ އަވަހާރަކޮށްލުމުން އެކަން ކުށްވެރިކުރަން މުއިއްޒު އިންކާރު ކުރައްވައިފި

މިއަދު ބޭއްވި ނޫސްވެރިންގެ ބައްދަލުވުމުގައި މުއިއްޒު ވާހަކަދައްކަވަނީ -- ފޮޓޯ: ރައީސް އޮފީސް

މިއަދު ބޭއްވި ނޫސްވެރިންގެ ބައްދަލުވުމުގައި މުއިއްޒު ވާހަކަދައްކަވަނީ -- ފޮޓޯ: ރައީސް އޮފީސް

އެމެރިކާ އާއި އިޒްރޭލުން ގުޅިގެން އިސްވެ އިރާނަށް ދިން ހަމަލާތަކުގައި އެ ގައުމުގެ ރޫހާނީ ލީޑަރު، އާޔަތުالله ހާމަނާއީ އަވަހާރަކޮށްލުމުން އެކަން ކުށްވެރިކުރަން ރައީސް މުހައްމަދު މުއިއްޒު އިންކާރު ކުރައްވައިފި އެވެ.

މިއަދު އޮތް ނޫސްވެރިންގެ ބައްދަލުވުމުގައި ނޫސްވެރިން ވަނީ ހާމަނާއީ އަވަހާރިކޮށްލި މައްސަލައިގައި ދިވެހި ސަރުކާރު ހިމޭނުން އޮތީ ކީއްވެތޯ އާއި އެކަން ކުށްވެރި ނުކުރައްވާނެތޯ ތަކުރާރުކޮށް ސުވާލުކޮށްފަ އެވެ. ނަމަވެސް އެ ސުވާލުތަކަށް ޖަވާބުދެއްވުމަށް އިންކާރު ކުރައްވައި އެމަނިކުފާނު ވާހަކަދެއްކެވީ މުޅީން އެހެން މައުލޫއެއްގަ އެވެ.

"މި ހަނގުރާމައިގައި ހަމަ މަރުވާ ކޮންމެ މުސްލިމަކީ އަޅުގަނޑުމެންނަށް ލިބިގެންދާ ވަރަށް ބޮޑު ސުވާލެއް،" ހާމަނާއީ އަވަހާރަވުމަކީ ހިތާމައެއްތޯ ސުވާލު ކުރުމުން އެކަމަށް ސީދާ ޖަވާބެއް ދެއްވުމަށް އިންކާރުކޮށް މުއިއްޒު ވިދާޅުވި އެވެ.

ހާމަނާއީ އަވަހާރަކޮށްލުމުން ދިވެހި ސަރުކާރުން ތައުޒިޔާ ނުކިޔަނީ ކީއްވެތޯ ނޫސްވެރިން ސުވާލުކުރުމުން މުއިއްޒު ވިދާޅުވީ އެކަމާ ގުޅިގެން ތައުޒިޔާ މެސެޖެއް ނުފޮއްނުވާނެކަމަށް ވިދާޅުނުވާ ކަމަށެވެ. އެއަށްފަހު ވިދާޅުވީ މެދުއިރުމަތީގެ އެހެން އަރަބި ގައުމުތަކާއެކު ދިވެހި ސަރުކާރުން މަސައްކަތް ކުރާ ކަމަށެވެ.

"އަޅުގަނޑު ނުދަންނަވަން ތައުޒިއްޔާގެ މެސެޖެއް ނުފޮނުއްވާނަމެކޭ، އަޅުގަނޑު ދެންނެވީ އަރަބި އިސްލާމީ ގައުމުތަކާ އެކީގައޭ މި ސަރުކާރުން މަސައްކަތް ކުރަމުން މި ދަނީ، އަރަަބި އިސްލާމީ ގައުމުތައް އެއް ބްލޮކެއް ގޮތުގައި އެއް ޔުނިޓެއްގެ ގޮތުގައި މި ކަމުގައި މަސައްކަތް ކުރަމުން ދަނީ، އެހެންވީމާ އެ ޔުނިޓީ އަޅުގަނޑުމެން ހިފަހައްޓާނަން، ތައުޒިއްޔާގެ މެސެޖު ނުފޮނުވާނަމެކޭ އަޅުގަނޑު ނުދަންނަވަން،" މުއިއްޒު ވިދާޅުވި އެވެ.

އެއަށްފަހު އެހެން ނޫސްވެރިއަކު ވަނީ ސާފު ބަހުން ހާމަނާއީ އަވަހާރަކޮށްލުން ކުށްވެރިކުރަން ކެރިވަޑައިގަންނަވާނެތޯ އެމަނިކުފާނާ ސުވާލު ކުރައްވައިފަ އެވެ. އެ ސުވާލުގެ ޖަވާބުގައި މުއިއްޒު ވިދާޅުވީ އެކަން ކުރަން ކެރިވަޑައިގަންނަވާނޭ ކަމަށެވެ. އެހެންނަމަވެސް، އެކަން ކުށްވެރި ކުރެވޭނީ އަރަބި އިސްލާމީ ގައުމުތަކާ މަޝްވަރާ ކުރުމަށްފަހު ކަމަށް މުއިއްޒު ވިދާޅުވި އެވެ.

"އަޅުގަނޑުމެންގެ ތެރޭގައި މަޝްވަރާކުރުމަށްފަހު އަޅުގަނޑުމެން އެއަށް ގޮތެއް ނިންމާނީ، އަރަބި އިސްލާމީ ގައުމުތައް އެއް ބްލޮކެއްގެ ގޮތުގައި މަސައްކަތް ކުރަމުން ދަނީ،" މުއިއްޒު ވިދާޅުވި އެވެ.

މުއިއްޒު އެހެން ވިދާޅުވިއިރު، ދިވެހިރާއްޖެއާ ސިޔާސީ ގުޅުން އޮންނަ ގައުމުތަކުގެ އިސްވެރިން އަވަހާރަވުމުން އަމަލު ކުރާނެ ގޮތުގެ ގަވާއިދެއް އެކުލަވާލައިފައި އޮވެ އެވެ. އެ ގަވާއިދުގައި އޮންނަނީ އިސްލާމީ ގައުމެއްގެ އެންމެ މަތީ ވެރިޔާ އަވަހާރަވެެއްޖެ ނަމަ، އެއް ދުވަސް ސަރުކާރު ބަންދުކޮށް، ގައުމީ ދިދަ ތިން ދުވަހަށް ބައިދަނޑިއަށް ތިރިކުރުމަށެވެ. އެ ގަވާއިދުގައި އޮންނަަ ގޮތުން އެގޮތަށް އަމަލު ކުރަން އަންގަން ޖެހޭނީ ރައީސް އޮފީހުންނެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox