ވެލެންސިއާ ބަލިކޮށް ބުރުން މަގާމު ވަރުގަދަކޮށް ކުރިއަށް

Jan 11, 2026, 1:42 PM
ބުރުގެ ނާއިމް ލަނޑު ޖެހުމަށް ފަހު.--- ފޮޓޯ: އަދަދު ސްޕޯޓްސް / އިމޭޖަސް.އެމްވީ

ބުރުގެ ނާއިމް ލަނޑު ޖެހުމަށް ފަހު.--- ފޮޓޯ: އަދަދު ސްޕޯޓްސް / އިމޭޖަސް.އެމްވީ

ދިރާގު ދިވެހި ޕްރިމިއާ ލީގުގައި މިއަދު ހަވީރު ކްލަބް ވެލެންސިއާ އަތުން 4-1 އިން މޮޅުވެ، ބުރު ސްޕޯޓްސް ކްލަބުން ލީގުގެ ގަދަ ހަތަރެއްގައި ނިންމާލުމަށްޓަަކައި ބޮޑު ފިޔަވަޅެއް ކުރިއަށް އަޅައިފި އެވެ.

މިއަދުގެ މޮޅާ އެކު، ބުރުން ވަނީ ތިން ވަނަ އަށް ޖެހިލައިފަ އެވެ. އެއީ، 14 މެޗުން 26 ޕޮއިންޓް ހޯދައިގެންނެވެ. ތިން ވަނައިގައި އޮތް ނިއު ރޭޑިއަންޓް ސްޕޯޓްސް ކްލަބުން މިރޭ ޓީސީ ސްޕޯޓްސް ކްލަބް އަތުން މޮޅުވެއްޖެނަމަ، އަލުން ތިން ވަނަ އަށް އެރޭނެ އެވެ. ނިއު އަށް މި ވަގުތު ވަނީ 14 މެޗުން 24 ޕޮއިންޓް ލިބިފަ އެވެ.

ގަލޮޅު ދަނޑުގައި މިއަދު ހަވީރު ކުޅުނު މެޗުގައި، ވެލެންސިއާ އިން 27 ވަނަ މިނިޓްގައި ލީޑުނަަގައިފަ އެވެ. މިއީ، ހާފުގެ މެދެއްހާ ހިސާބުން ވެލެންސިއާ އަށް ލިބުނު ޖެހުމަކުން އީތަން އިބްރާހިމް ޒަކީ ނެގި ހުރަހަކުން، ހަސަން ނަވާޒް ބޮލުން ޖެހި ގޯލުންނެވެ.

ވެލެންސިއާ އިން ލީޑުނެގިތާ ތިން މިނިޓް ތެރޭ ބުރުން ވަނީ އެއްވަރުކޮށްފަ އެވެ. މެޗުގެ 30 ވަނަ މިނިޓްގައި ޕެނަލްޓީ އަކުން މި ލަނޑު ޖެހީ މުހައްމަދު ނާއިމް އެވެ. މިއީ، އޭރިއާތެރެއިން އުުރުގުއޭ މިޑްފީލްޑަރު މަޓިއަސް އަޕެލްޓް ބޯޅައިގައި އަތްލުމުން ދިން ޕެނަލްޓީ އެކެވެ. އޭގެ ހަ މިނިޓް ފަހުން، ވެލެންސިއާގެ ކީޕަރު، އަހުމަދު ލިޒްފާން އަތުގައި ޖެހިފައި ވެއްޓުނު ބޯޅައެއް ގޯލަށް ފޮނުވާލައިގެން، ސެނެގާލްގެ މިޑްފީލްޑަރު، ޑިއަވަންޑޫ ޑިއާނޭ ވަނީ ބުރަށް ލީޑުނަގައިދީފަ އެވެ.

ބުރުން ދެ ވަނަ ހާފުގައި ކުޅުން ފަށައިގެން 15 މިނިޓް ތެރޭ ތިން ވަނަ ލަނޑު ޖެހި އެވެ. އެ ޓީމަށް މި ލަނޑު ޖަހައިދިނީ އޭރިއާތެރެއިން ލިބުނު ފުރުސަތަކުން ސްޕެއިންގެ ބާސެލޯނާގެ-ބީ ޓީމަށް މީގެ ކުރިން ކުޅެފައިވާ، ޑިއާނޭ، އޭރިއާތެރެއިން ލިބުނު ބޯޅައެއް ގޯލުގެ ތިރީ ކަނަށް އަމާޒުކޮށްލައިގެންނެވެ.

ބަދަލަކަށް ކުޅެން އަރައި، މެޗުގެ 75 ވަނަ މިނިޓްގައި ބުރުގެ ހަތަރު ވަނަ ލަނޑު ޖެހީ އަބްދުﷲ ޔާމީން (ޔާނު) އެވެ. ހާފުގެ މެދެއްހާ ހިސާބުން ޔާނު ފޮނުވާލި ބޯޅަ ގޯލުގެ މަތީ ކަނަށް އަމާޒުވިއިރު، ވެލެންސިއާގެ ކީޕަރު، ލިޒްފާން އަށް އެ ބޯޅަ ހުއްޓުވަން މާ ބޮޑު ކަމެއް ނުކުރެވުނެވެ.

މި މެޗުން ބަލިވެ، ވެލެންސިއާ އޮތީ 14 މެޗުން އަށް ޕޮއިންޓާ އެކު، 10 ޓީމު ވާދަކުރާ ލީގުގެ ނުވަ ވަނައިގަ އެވެ.

ކޮމެންޓް

ފަހުގެ ޚަބަރު

ނެޓްބޯޅަ ކޮމްޕްލެކްސް އިން ކުޅިވަރުގެ ދުރުރާސްތާ ޕްލޭނަށް ފައިދާ

ސަރުކާރުގެ ކުޅިވަރުގެ ދުރުރާސްތާ ޕްލޭންގެ ދަށުން ހުޅުމާލޭގައި ބިނާކުރާ ނެޓްބޯޅަ ކޮމްޕްލެކްސްގެ ބިންގާ އަޅައިފި. މި ކޮމްޕްލެކްސްގައި ފަސް ޕިޗު ހިމެނޭއިރު، މިއީ ނެޓްބޯޅައިގެ އިތުރުން އެހެނިހެން އިންޑޯ ކުޅިވަރުތަކާއި ބައިނަލްއަގުވާމީ މުބާރާތްތައް ބޭއްވޭނެހެން ފަރުމާކުރެވިފައިވާ ތަނެއް.

އެފްއޭއެމް ވިމެންސް ލީގު: މާޒިޔާ އާއި ނިއު ފެށީ ބޮޑު މޮޅަކުން

އެފްއޭއެމް ވިމެންސް ލީގުގެ ފުރަތަމަ މެޗުތަކުން މާޒިޔާ އާއި ނިއު ރޭޑިއަންޓް ބޮޑު ތަފާތަކުން މޮޅުވެއްޖެ. މާޒިޔާއިން އެމްއެސް މޭޓްސް އަތުން 8-0 އިން މޮޅުވިއިރު، ނިއު ރޭޑިއަންޓުން ވަނީ ދަ ގްރާންޑޭ އަތުން 15-0 އިން ކުރިހޯދާފައެވެ. ހަތަރު ޓީމު ވާދަކުރާ މި މުބާރާތުގެ ދެވަނަ މެޗުތައް ކުޅުމަށް ހަމަޖެހިފައިވަނީ އަންނަ ބުދަ ދުވަހު.

ޖޭޖޭ ސްޕޯޓްސް ކްލަބުން ކޮޅުނބު ފުޓްސަލް ކަޕް ތަށި ދިފާއުކޮށްފި

ސްރީ ލަންކާގައި ބޭއްވި ކޮޅުނބު ފުޓްސަލް ކަޕްގެ ފައިނަލުގައި ލާސްޓް ވޯނިން އެފްސީ 3-0 އިން ބަލިކޮށް، ޖޭޖޭ ސްޕޯޓްސް ކްލަބުން މުބާރާތުގެ ތަށި ދިފާއުކޮށްފި. މި މުބާރާތުގައި ކުޅުނު ހުރިހާ މެޗަކުން ޖޭޖޭ މޮޅުވެފައިވާއިރު، މުބާރާތުގެ އެންމެ މޮޅު ފަސް ކުޅުންތެރިންގެ ތެރޭގައި އެ ޓީމުގެ ތިން ކުޅުންތެރިއަކު ހިމެނޭ

އިޓަލީ ކަޓުވާލައި ބެލްޖިއަމުން ނޭޝަންސް ލީގު ކުއާޓާ އަށް

ޔުއެފާ ނޭޝަންސް ލީގުގައި ރޭ ކުޅުނު މެޗުން 4-1 ގެ ބޮޑު ތަފާތަކުން އިޓަލީ ބަލިކޮށް، ބެލްޖިއަމުން މުބާރާތުގެ ކުއާޓާ ފައިނަލުން ޖާގަ ހޯދައިފި. އިޓަލީން ފުރަތަމަ ލަނޑު ޖަހައި ކުރިހޯދާފައިވަނިކޮށް، ބެލްޖިއަމުން ފަހަތުން އަރައި ފަސް ލަނޑު ޖެހިއިރު، މި ނަތީޖާއާއެކު އިޓަލީ ވަނީ މުބާރާތުން ކަޓާފައި

އިންގްލެންޑް އަތްދަށުވެ ސްޕެއިންގެ ބަލިނުވުމުގެ ރެކޯޑް ނިމިއްޖެ

ޔުއެފާ ނޭޝަންސް ލީގުގައި ރޭ އިންގްލެންޑް އަތުން 3-2 އިން ބަލިވެ، ސްޕެއިން މެޗަކުން ބަލިނުވެ ދަމަހައްޓަމުން އައި 43 މެޗުގެ ރެކޯޑް ނިމުމަކަށް އަތުވެއްޖެ. މި މެޗުގައި އިންގްލެންޑުން ތިން ލަނޑުގެ ލީޑެއް ނަގާފައިވަނިކޮށް، ސްޕެއިނުން ދެ ލަނޑު ޖެހި ނަމަވެސް މެޗުން މޮޅުވެވޭ ގޮތެއް ނުވި

އުންމީދަކީ 18 މަސް ދުވަސް ތެރޭ ފުޓްސަލް އެރީނާ ނިންމުން: ރާފިއު

ހުޅުމާލޭގައި ބިނާކުރާ ފުޓްސަލް އެރީނާގެ މަސައްކަތް 18 މަސްދުވަހުގެ ތެރޭގައި ނިންމުމަކީ އުންމީދެއް ކަމަށް ސްޕޯޓްސް މިނިސްޓަރު އަބްދުﷲ ރާފިއު (ރާއްޕެ) ވިދާޅުވެއްޖެ. ލިއޯ ޓްރޭޑިންއާ ހަވާލުކޮށްގެން ކުރިއަށްގެންދާ މި މަޝްރޫއަކީ ފުޓްސަލް ކުޅުންތެރިންނަށް ބޭނުންވާ އިންޑޯ ވަސީލަތްތައް ގާއިމުކުރުމަށް ފެށި މުހިންމު މަސައްކަތެއް

ނެޝަނަލް ފުޓްސަލް އެރީނާގެ އަމަލީ މަސައްކަތް ފަށައިފި

ހުޅުމާލޭގެ ތިންވަނަ ފިޔަވަހީގައި ބައިނަލްއަގުވާމީ ފެންވަރުގެ ނެޝަނަލް ފުޓްސަލް އެރީނާ އެޅުމުގެ އަމަލީ މަސައްކަތް ލިއޯ ޓްރޭޑިންއާ ހަވާލުކޮށްގެން ވަނީ ފަށާފައި. ދެ އަހަރު ދުވަހުގެ ތެރޭގައި ނިންމުމަށް ހަމަޖެހިފައިވާ މި މަލްޓި-ލެވެލް އެރީނާގައި ފަސް ކޯޓާއި، ކުޅުންތެރިންނަށް ބޭނުންވާ ޒަމާނީ ވަސީލަތްތައް ގާއިމުކުރަން ވަނީ ހަމަޖެހިފައި.

Newsletter

Get the latest news delivered straight to your inbox