ފަހު ވަގުތު އީގަލްސް ބަލިކޮށް ބުރު ތިން ވަނަ އަށް

Dec 20, 2025, 1:17 PM
ބުުރުގެ އުސާމާ (ވ) އާއި ނާއިމް ލަނޑު ޖެހުމަށް ފަހު އުފާފާޅުކުރަނީ.--- ފޮޓޯ: ރާއިފް ޔޫސުފް / އަދަދު ސްޕޯޓްސް

ބުުރުގެ އުސާމާ (ވ) އާއި ނާއިމް ލަނޑު ޖެހުމަށް ފަހު އުފާފާޅުކުރަނީ.--- ފޮޓޯ: ރާއިފް ޔޫސުފް / އަދަދު ސްޕޯޓްސް

ދިރާގު ދިވެހި ޕްރިމިއާ ލީގުގައި ފަހު ވަގުތު ކްލަބް އީގަލްސް 3-2 އިން ބަލިކޮށް ބުރު ސްޕޯޓްސް ކްލަބުން ލީގުގެ ތިން ވަނަ އަށް ޖެހިލައިފި އެވެ.

ބުރުން ތިން ވަނަ އަށް ޖެހިލީ ނިއު ރޭޑިއަންޓް ސްޕޯޓްސް ކްލަބް ފަހަތަށް ޖައްސާލައިފަ އެވެ. ބުރު އަށް 11 މެޗުން 20 ޕޮއިންޓް ހޯދިއިރު، ކުރިން ތިން ވަނައިގައި އޮތް ނިއު އަށް ވެސް 11 މެޗުން 20 ޕޮއިންޓް ލިބިފައިވެ އެވެ. އެހެން ނަމަވެސް ލަނޑުގެ ތަފާތަށް ބަލާއިރު، ބުރު އަށް ވަނީ ނިއު އަށް ވުރެން ކުރި ލިބިފަ އެވެ.

ގަލޮޅު ދަނޑުގައި މިއަދު ހަވީރު ކުޅުނު މެޗުގެ ފުރަތަމަ ހާފުގައި އީގަލްސް އާއި ބުރަށް ވެސް ލަނޑު ޖަހަން ލިބުނު ފުރުސަތުތަކުގައި ގޯލެއް ޖެހޭގޮތެއްނުވި އެވެ. އެ ގޮތުން، އީގަލްސްގެ ޔޫސުފް ސިދާމް (ސިއްކޮ) ނެގި ހުރަހަކަށް އަރައި، އީގަލްސްގެ އިބްރާހިމް މަހުދީ (ފޭދޫ އިއްބެ) އަށް ރަނގަޅަށް ފޮނުވާލެވޭގޮތެއްނުވި އެވެ.

ފުރަތަމަ ހާފުގައި ބުރުގެ މުހައްމަދު ނާއިމް، ހިލޭ ޖެހުމަކުން ފޮނުވާލި ބޯޅައެއް ދަނޑިކައިރިން ބޭރަށް ދިޔައިރު، އޭރިއާބޭރުން ފޮނުވާލި ބޯޅައެއް އީގަލްސްގެ ކީޕަރު، މުހައްމަދު އަޝްވާން ވަނީ މަތަކޮށްފަ އެވެ.

އީގަލްސް އިން ވަނީ ދެ ވަނަ ހާފު ފެށިގެން ފަސް ވަނަ މިނިޓްގައި ލަނޑު ޖަހައިފަ އެވެ. މެޗުގެ 51 ވަނަ މިނިޓްގައި އޭރިއާތެރެއިން ލިބުނު ފުރުސަތެއްގައި ފޭދޫ އިއްބެ ވަނީ ގޯލުގެ ދުރު ކަނަށް ބޯޅަ ފޮނުވާލައިފަ އެވެ.

ބުރުން އެއްވަރުކުރީ މެޗުގެ 83 ވަނަ މިނިޓްގައި ނާއިމް ޖެހި ގޯލުންނެވެ. އެ ޓީމުގެ، ބްރެޒިލް ފޯވާޑް، ހަޑްސަން ޑިއާޒް، ދިން ބޯޅައެއް ކޮންޓްރޯލް ކުރުމަށް ފަހު، ނާއިމް ވަނީ ގޯލުގެ ކަނަށް ބޯޅަ އަމާޒުކޮށްލައިފަ އެވެ. އޭގެ ތިން މިނިޓް ފަހުން، ބުރުން ނަތީޖާ އަނބުރާލީ އިބްރާހިމް އުސާމާ ހަސަން މަޖީދު ޖެހި ގޯލުންނެވެ. ހާފުގެ މެދެއްހާ ހިސާބުން ބުރުގެ އަހުމަދު އަބްދުﷲ (ލިލީ) ޖެހި ޝޮޓެއް، ކީޕަރު އަޝްވާން އަތުގައި ޖެހިފައި، ހުރަސްދަނޑީގައި ޖެހިފައި ރީބައުންސަށް ނުކުތް ވަގުތު، ރަނގަޅު ތަނަށް އަރައި، އުސާމާ ވަނީ ގޯލަށް ބޯޅަ ފޮނުވާލައިފަ އެވެ.

އިތުރު ވަގުތުގެ ފުރަތަަމަ މިިނިޓްގައި، ނާއިމް ވަނީ ބުރުގެ ތިން ވަނަ ލަނޑު ޖަހައިފަ އެވެ. މިއީ، ހަޑްސަން ދިން ބޯޅައެއް ހިފައިގެން އޭރިއާތެރެއަށް ވަދެ، ނާއިމް ޖެހި ގޯލެކެވެ. އޭގެ ފަހުން، އީގަލްސް އިން ވަނީ ލަނޑެއް ޖަހައިފަ އެވެ. މި ލަނޑު ޖެހީ، ޝަމްވީލް ގާސިމް (ބޮންޑާ) އެވެ. މިއީ، މި ފަހަރުގެ ޓްރާންސްފާގައި އީގަލްސްއާ ގުޅުމަށް ފަހު، ތަޖުރިބާކާރު މިޑްފީލްޑަރު، ބޮންޑާ ޖެހި ފުރަތަމަ ގޯލެވެެ. އޭނާ ބޮލުން ފޮނުވާލި ބޯޅަ ގޯލަށް ވަނީ، ބުރުގެ ކީޕަރު، ހަސަން އަލީފް ބޯމަތިން ގޮހެވެ.

ލީގުގެ ފުރަތަމަ ބުރުގައި ވެސް އީގަލްސް އިން ވަނީ ބުރު ކައިރިން ލީޑެއްނަގައިފަ އެވެ. އެ މެޗު ނިމުނީ 2-2 އިން އެއްވަރުވެގެންނެވެ. މި ފަހަރު، ބުރު އަތުން އީގަލްސް ބަލިވިއިރު، ދެ ވަނަ ބުރުގައި ފުރަތަމަ ދެ މެޗުން އީގަލްސް މި ވަނީ ބަލިވެފަ އެެވެ. ލީގުގެ ހަ ވަނައިގައި އޮތް އީގަލްސް އަށް ވަނީ 11 މެޗުން 13 ޕޮއިންޓް ލިބިފަ އެވެ.

ދިވެހި ޕްރިމިއާ ލީގުގެ މެޗުތައް ދެން ފަށާނީ އަންނަ ބުރާސްފަތި ދުވަހު އެވެ.

ކޮމެންޓް

ފަހުގެ ޚަބަރު

ނެޓްބޯޅަ ކޮމްޕްލެކްސް އިން ކުޅިވަރުގެ ދުރުރާސްތާ ޕްލޭނަށް ފައިދާ

ސަރުކާރުގެ ކުޅިވަރުގެ ދުރުރާސްތާ ޕްލޭންގެ ދަށުން ހުޅުމާލޭގައި ބިނާކުރާ ނެޓްބޯޅަ ކޮމްޕްލެކްސްގެ ބިންގާ އަޅައިފި. މި ކޮމްޕްލެކްސްގައި ފަސް ޕިޗު ހިމެނޭއިރު، މިއީ ނެޓްބޯޅައިގެ އިތުރުން އެހެނިހެން އިންޑޯ ކުޅިވަރުތަކާއި ބައިނަލްއަގުވާމީ މުބާރާތްތައް ބޭއްވޭނެހެން ފަރުމާކުރެވިފައިވާ ތަނެއް.

އެފްއޭއެމް ވިމެންސް ލީގު: މާޒިޔާ އާއި ނިއު ފެށީ ބޮޑު މޮޅަކުން

އެފްއޭއެމް ވިމެންސް ލީގުގެ ފުރަތަމަ މެޗުތަކުން މާޒިޔާ އާއި ނިއު ރޭޑިއަންޓް ބޮޑު ތަފާތަކުން މޮޅުވެއްޖެ. މާޒިޔާއިން އެމްއެސް މޭޓްސް އަތުން 8-0 އިން މޮޅުވިއިރު، ނިއު ރޭޑިއަންޓުން ވަނީ ދަ ގްރާންޑޭ އަތުން 15-0 އިން ކުރިހޯދާފައެވެ. ހަތަރު ޓީމު ވާދަކުރާ މި މުބާރާތުގެ ދެވަނަ މެޗުތައް ކުޅުމަށް ހަމަޖެހިފައިވަނީ އަންނަ ބުދަ ދުވަހު.

ޖޭޖޭ ސްޕޯޓްސް ކްލަބުން ކޮޅުނބު ފުޓްސަލް ކަޕް ތަށި ދިފާއުކޮށްފި

ސްރީ ލަންކާގައި ބޭއްވި ކޮޅުނބު ފުޓްސަލް ކަޕްގެ ފައިނަލުގައި ލާސްޓް ވޯނިން އެފްސީ 3-0 އިން ބަލިކޮށް، ޖޭޖޭ ސްޕޯޓްސް ކްލަބުން މުބާރާތުގެ ތަށި ދިފާއުކޮށްފި. މި މުބާރާތުގައި ކުޅުނު ހުރިހާ މެޗަކުން ޖޭޖޭ މޮޅުވެފައިވާއިރު، މުބާރާތުގެ އެންމެ މޮޅު ފަސް ކުޅުންތެރިންގެ ތެރޭގައި އެ ޓީމުގެ ތިން ކުޅުންތެރިއަކު ހިމެނޭ

އިޓަލީ ކަޓުވާލައި ބެލްޖިއަމުން ނޭޝަންސް ލީގު ކުއާޓާ އަށް

ޔުއެފާ ނޭޝަންސް ލީގުގައި ރޭ ކުޅުނު މެޗުން 4-1 ގެ ބޮޑު ތަފާތަކުން އިޓަލީ ބަލިކޮށް، ބެލްޖިއަމުން މުބާރާތުގެ ކުއާޓާ ފައިނަލުން ޖާގަ ހޯދައިފި. އިޓަލީން ފުރަތަމަ ލަނޑު ޖަހައި ކުރިހޯދާފައިވަނިކޮށް، ބެލްޖިއަމުން ފަހަތުން އަރައި ފަސް ލަނޑު ޖެހިއިރު، މި ނަތީޖާއާއެކު އިޓަލީ ވަނީ މުބާރާތުން ކަޓާފައި

އިންގްލެންޑް އަތްދަށުވެ ސްޕެއިންގެ ބަލިނުވުމުގެ ރެކޯޑް ނިމިއްޖެ

ޔުއެފާ ނޭޝަންސް ލީގުގައި ރޭ އިންގްލެންޑް އަތުން 3-2 އިން ބަލިވެ، ސްޕެއިން މެޗަކުން ބަލިނުވެ ދަމަހައްޓަމުން އައި 43 މެޗުގެ ރެކޯޑް ނިމުމަކަށް އަތުވެއްޖެ. މި މެޗުގައި އިންގްލެންޑުން ތިން ލަނޑުގެ ލީޑެއް ނަގާފައިވަނިކޮށް، ސްޕެއިނުން ދެ ލަނޑު ޖެހި ނަމަވެސް މެޗުން މޮޅުވެވޭ ގޮތެއް ނުވި

އުންމީދަކީ 18 މަސް ދުވަސް ތެރޭ ފުޓްސަލް އެރީނާ ނިންމުން: ރާފިއު

ހުޅުމާލޭގައި ބިނާކުރާ ފުޓްސަލް އެރީނާގެ މަސައްކަތް 18 މަސްދުވަހުގެ ތެރޭގައި ނިންމުމަކީ އުންމީދެއް ކަމަށް ސްޕޯޓްސް މިނިސްޓަރު އަބްދުﷲ ރާފިއު (ރާއްޕެ) ވިދާޅުވެއްޖެ. ލިއޯ ޓްރޭޑިންއާ ހަވާލުކޮށްގެން ކުރިއަށްގެންދާ މި މަޝްރޫއަކީ ފުޓްސަލް ކުޅުންތެރިންނަށް ބޭނުންވާ އިންޑޯ ވަސީލަތްތައް ގާއިމުކުރުމަށް ފެށި މުހިންމު މަސައްކަތެއް

ނެޝަނަލް ފުޓްސަލް އެރީނާގެ އަމަލީ މަސައްކަތް ފަށައިފި

ހުޅުމާލޭގެ ތިންވަނަ ފިޔަވަހީގައި ބައިނަލްއަގުވާމީ ފެންވަރުގެ ނެޝަނަލް ފުޓްސަލް އެރީނާ އެޅުމުގެ އަމަލީ މަސައްކަތް ލިއޯ ޓްރޭޑިންއާ ހަވާލުކޮށްގެން ވަނީ ފަށާފައި. ދެ އަހަރު ދުވަހުގެ ތެރޭގައި ނިންމުމަށް ހަމަޖެހިފައިވާ މި މަލްޓި-ލެވެލް އެރީނާގައި ފަސް ކޯޓާއި، ކުޅުންތެރިންނަށް ބޭނުންވާ ޒަމާނީ ވަސީލަތްތައް ގާއިމުކުރަން ވަނީ ހަމަޖެހިފައި.

Newsletter

Get the latest news delivered straight to your inbox