ޕާކިސްތާނުގެ މަނަވަރު އައުމާއެކު އަނެއްކާވެސް އިންޑިއާ އަސްކަރިއްޔާގެ ޖާސޫސީ އުޅަނދެއް ރާއްޖެ ކައިރިއަށް

 އިންޑިއާގެ އަސްކަރިއްޔާގެ P-81 Neptune މަރުކާގެ ބޯޓެއް ތެރޭ އެ ގައުމުގެ ސިފައިންތަކެއް ---

އިންޑިއާގެ އަސްކަރިއްޔާގެ P-81 Neptune މަރުކާގެ ބޯޓެއް ތެރޭ އެ ގައުމުގެ ސިފައިންތަކެއް ---

ޕާކިސްތާނުގެ އަސްކަރީ މަނަވަރެއް ރާއްޖޭގައި އޮއްވާ، އެ ގައުމާ އަސްކަރީ ގޮތުން އެންމެ ވާދަވެރި އިންޑިއާއިން ޖާސޫސްކުރުމަށް ބޭނުންކުރާ ވައިގެ އުޅަނދެއް ރާއްޖެ ކައިރިން ދުއްވައިފި އެވެ.

ޕާކިސްތާނު އަސްކަރިއްޔާގެ "ޕީއެންއެސް ސައިފް" މާލޭގައި ބަނދަރުކުރީ މިދިޔަ ބުރާސްފަތި ދުވަހު އެވެ. އެ ދުވަހު މަނަވަރު މާލެ ކައިރިން ފެނުނު ނަމަވެސް މިހާރު އެ މަނަވަރު އޮތް ސަރަހައްދެއް ކަށަވަރެއް ނޫނެވެ. އެ މަނަވަރު ފުރައިގެން ދިޔަކަން ކަށަވަރުވެފައެއް ނުވެ އެވެ.

އެ މަނަވަރު ރާއްޖޭގައި އޮއްވާ މިއަދު، ރާއްޖެ ސަރަހައްދުގެ އިރުމަތިން ދުއްވާފައިވަނީ އިންޑިއާގެ އަސްކަރިއްޔާގެ P-81 Neptune މަރުކާގެ އުޅަނދެކެވެ. މި އުޅަނދުގެ ރަޖިސްޓްރޭޝަން ނަމްބަރަކީ IN330 އެވެ. އެ އުޅަނދު ރާއްޖެ ކައިރިން ދުއްވީ 18،000 ފޫޓު މަތިންނެވެ. އެންމެ ކައިރިވީ މާލެ އަތޮޅާ އެވެ.

އިންޑިއާ އަސްކަރިއްޔާގެ ޖާސޫސީ ބޯޓު ރާއްޖެ ކައިރިން ދުއްވި ގޮތް ---
އިންޑިއާ އަސްކަރިއްޔާގެ ޖާސޫސީ ބޯޓު ރާއްޖެ ކައިރިން ދުއްވި ގޮތް ---

އިންޑިއާ އަސްކަރިއްޔާގެ ޖާސޫސީ ބޯޓު ރާއްޖެ ކައިރިން ދުއްވި ގޮތް ---

ވައިގެ އުޅަނދުތައް ޓްރެކްކުރާ ސައިޓުތަކުންނާއި އެހެން މަސްދަރުތަކުން މި ނޫހުގެ ޓީމުން ހޯދި މައުލޫމާތު ތަކުން އެނގޭ ގޮތުގައި މި އުޅަނދު ރާއްޖެ ކައިރިއަށް ދަތުރުކޮށްފައިވަނީ ގޯއާ ގައި ހުންނަ އިންޑިއާގެ އަސްކަރީ މަރުކަޒު، އައި.އެން.އެސް ހަންސާ އިން ފުރައިގެންނެވެ.

އައި.އެން.އެސް ހަންސާ އަކީ ރާއްޖެ ހިމެނޭ އިންޑިއާ ކަނޑުގެ ހުޅަނގު ސަރަހައްދާއި އަރަބި ކަނޑު އަދި އިންޑިއާގެ ހުޅަނގު އައްސޭރީގައި ޖާސޫސް ކުރުމަށް އަދި އަސްކަރީ އޮޕަރޭޝަންތައް ކުރިއަށް ގެންދިއުމަށް ބޭނުންކުރާ ޕޮސައިޑަން މަރުކާގެ ބޯޓުތައް މަރުކަޒުކޮށް ބަހައްޓާ ތަނެވެ.

އިންޑިއާ އަސްކަރިއްޔާގެ މި އުޅަނދަކީ ސަބްމެރިންތަކާ ދެކޮޅަށް ބޭނުންކުރުމަށާއި، ސާވޭލެންސް އަދި ޖާސޫސް ކުރުމަށް ބޮއިން އިން އިންޑިއާގެ އަސްކަރިއްޔާއަށް ހާއްސަކޮށް ޑިޒައިން ކޮށްފައިވާ އުޅަނދެކެވެ. ސަބްމެރިން އަދި ކަނޑު އުޅަނދުތަކާ ދެކޮޅަށް ބޮމުގެ ހަމަލާ ދިނުމާއި ބޮން އުފުލުމުގެ ގާބިލުކަން ވެސް މި އުޅަނދަށް ލިބިގެންވެ އެވެ.

މި އަހަރުގެ ކުރީކޮޅު ވެސް ހަމަ މިފަދަ ހާދިސާއެއް ހިނގާފައިވެ އެވެ. މާޗު މަހު ޕާކިސްތާނު އަސްކަރިއްޔާގެ މަނަވަރު "ޕީއެންއެސް އަސްލަތު" ރާއްޖެ އައިސް ދިވެހި ސިފައިންނާއެކު ތަމްރީނުތަކެއް ކުރިއަށް ގެންދިޔަ ދުވަސްތަކުގައި އިންޑިއާ އަސްކަރިއްޔާގެ މި މަރުކާގެ ބޯޓަކުން ރާއްޖެ ކަރިއިން، އަދި ރާއްޖޭގެ ސަރަހައްދުގެ މަތިން ދުއްވި އެވެ.

އެފަހަރު ރާއްޖެ މަތިން ދުއްވީ P-81 Neptune މަރުކާގެ ރަޖިސްޓްރޭޝަން ނަމްބަރު IN329 ބޯޓެވެ. އެ ބޯޓު ވެސް ރާއްޖެ ކައިރިއަށް ދަތުރުކުރީ އައި.އެން.އެސް ހަންސާ އިން ފުރައިގެންނެވެ.

މިފަހަރު ރާއްޖެ އައި މަނަވަރު ރާއްޖެ އައުމާއި ގުޅޭގޮތުން މިހާތަނަށް ދިވެހި ސިފައިން އަދި ދިވެހި ސަރުކާރުން ވެސް ބަހެއް ބުނެފައެއް ނުވެ އެވެ. ޕާކިސްތާނުގެ ސަރުކާރާއި އެ ގައުމުގެ އަސްކަރިއްޔާގެ ނޭވީ އިންވެސް މި އުޅަނދު ރާއްޖެ އައި ސަބަބެއް މިހާތަނަށް ހާމަކޮށްފައެއް ނުވެ އެވެ.

ޕާކިސްތާނާއި ރާއްޖެއާ ދެމެދު އަސްކަރީ ގުޅުން ބަދަހި ކުރުމުގެ މަސައްކަތްތަކެއް ރައީސް މުހައްމަދު މުއިއްޒުގެ ސަރުކާރުން ދަނީ ކުރަމުންނެވެ. އެ މަސައްކަތުގެ ތެރެއިން އެ ގައުމުގެ އަސްކަރިއްޔާގެ އެންމެ އިސް އެއް ޖެނެރަލް އަދި އެ ގައުމުގެ އަސްކަރިއްޔާގެ ޖޮއިންޓް ޗީފްސް އޮފް ސްޓާފް ކޮމިޓީގެ ޗެއާމަން، ޖެނެރަލް ޒާހިރު ސަމްޝާދު މިރްޒާ މިދިޔަ މަހު ރާއްޖެ ވަޑައިގެންނެވި އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox