ފަނޑިޔާރުން ސަސްޕެންޑުކުރީ ރައީސް މުއިއްޒުގެ ބާރު ގޮސްދާނެކަމުގެ ބިރަށް

Mar 8, 2025, 6:21 AM
ފަނޑިޔާރުން ސަސްޕެންޑުކުރީ ރައީސް މުއިއްޒުގެ ބާރު ގޮސްދާނެކަމުގެ ބިރަށް

ސުޕްރީމް ކޯޓުގެ ތިން ފަނޑިޔާރުން ކުއްލިއަކަށް ސަސްޕެންޑުކުރީ، ސިޔާސީ ޕާޓީތަކަށް ރައްޔިތުންގެ މަޖިލީހުގެ މެންބަރުންގެ ގޮނޑި ގެއްލުވާލެވިދާނެ ގޮތަށް ގާނޫނުއަސާސީގެ 73 ވަނަ މާއްދާ އަށް ގެނައި ބަދަލު ބާތިލު ކުރަން ހުށަހެޅި މައްސަލައިގައި ސަރުކާރުން ބޭނުންވާ ގޮތަށް ހުކުމް ނައިސް، ރައީސް ޑރ. މުހައްމަދު މުއިއްޒުގެ ސިޔާސީ ބާރު ގޮސްދާނެ ކަމުގެ ބިރަށް ކަމަށް، އިތުބާރު ކުރެވޭ ބައެއް މަސްދަރުތަކުން ބުނެފި އެވެ.

އަދަދު ނޫހާ ވާހަކަ ދެއްކި ބައެއް މީހުން ބުނީ ރައީސް މުއިއްޒު ފުރަތަމަ ގަބޫލު ކުރައްވައިގެން ހުންނެވީ ގާނޫނުއަސާސީގެ 73 ވަނަ މާއްދާ އަށް ގެނައި ބަދަލު ބާތިލުކުރަން ރައްޔިތުންގެ ކެންދޫ ދާއިރާގެ ކުރީގެ މެންބަރު އަލީ ހުސައިން ހުށަހެޅުއްވި މައްސަލަ ސުޕްރީމް ކޯޓުން ބަލައި ވެސް ނުގަންނާނެ ކަމަށެވެ.

"އެ ޔަގީންކަން ބަންޑާރަ ނައިބު ވެސް ދިޔައީ ދެމުން. ނަމަވެސް ގާނޫނުއަސާސީ އަށް ގެންނަ ބަދަލު ބެލޭނެ ކަމަށް ސުޕްރީމް ކޯޓުން ނިންމުމުން އެ މައްސަލަ ކާމިޔާބު ވެދާނެ ކަމަށް ގަބޫލު ނުކުރެވުނު ސަރުކާރަށް. އެއީ މިހާރު މި ކުރުމަތިވެފައިވާ މައްސަލަތަކުގެ ފެށުމަކީ،" މި ނޫހާ ވާހަކަ ދެއްކި ސަރުކާރުގެ މަސްދަރަކުން ބުންޏެވެ.

އެ މައްސަލަ ބަލަމުން ދަނިކޮށް ސުޕްރީމް ކޯޓުގެ ފަނޑިޔާރުންގެ އަދަދު ހަތަކުން ފަހަކަށް މަދުކުރަން، ޕީއެންސީއަށް ނިސްބަތްވާ ހޮޅުދޫ ދާއިރާގެ މެންބަރު އަބްދުއްސައްތާރު މުހައްމަދު ބިލް ހުށަހެޅި އެވެ. އެ ބިލަށް ތާއިދު ކުރަން ޕީއެންސީގެ ލީޑަޝިޕުން ޕާޓީގެ މެންބަރުންނަށް މަޖުބޫރު ކުރުވި އެވެ. އެހެންވެ، ހިތަދޫމެދު ދާއިރާގެ މެންބަރު އަހުމަދު އަޒާނު ވިޔަވައި ތަޅުމުގައި ތިއްބެވި ޕީއެންސީގެ ހުރިހާ މެންބަރުން ވޯޓު ދެއްވި އެވެ.

ފަނޑިޔާރުން މަދުކުރާ ބިލް ފާސްކުރަން ފެބްރުއަރީ 26، 2025 އަށް ތާވަލްކުރިއިރު، އެ ދުވަހު 11:00 އަށް ސުޕްރީމް ކޯޓުގައި ތާވަލުކޮށްފައި އޮތީ، ރައްޔިތުންގެ މަޖިލީހުގެ މެންބަރުންގެ ގޮނޑި ގެއްލުވާމުގެ ބާރު ސިޔާސީ ޕާޓިތަކަށް ދީ, ގާނޫނު އަސާސީއަށް ގެނައި ބަދަލުގެ މައްސަލަ ސުޕްރީމް ކޯޓުގައި ބަލަމުން ދަނިކޮށް, އެއްވެސް މެންބަރެއްގެ ގޮނޑި ނުގެއްލުވައިލެވޭނެ ކަމަށް ވަގުތީ އަމުރެއް ނެރެދޭން އެދިފައި އޮތް މައްސަލައިގެ އަޑުއެހުމެވެ.

ކުއްލިއަކަށް ސައްތާރުގެ ބިލު އެ ދުވަހު ފާސްކޮށްލީ، އާންމު އުސޫލުން މަޖިލީހުގައި ވޯޓު ނަގާ ގަޑީގެ ކުރިންނެވެ. އަދި ފަނޑިޔާރުންނާމެދު އުފެއްދި ޖިނާއީ ތުހުމަތާ ގުޅިގެން އޭސީސީން މައްސަލައެއް ބަލަން ފެށި ކަމަށް ބުނެ ޖޭއެސްސީއަށް އެންގުމުން، ފަނޑިޔާރު ހުސްނުއްސުއޫދު އާއި، ފަނޑިޔާރު އަޒްމިރާލްދާ ޒާހިރު އަދި މަހާޒު އަލީ ޒާހިރު އެ ދުވަހުގެ 11:00 ގެ ކުރިން ސަސްޕެންޑުކޮށް، ތާވަލުކޮށްފައި އޮތް މައްސަލަ ހުއްޓުވި އެވެ.

އެހެންވެ، ރައްޔިތުންގެ މަޖިލީހުގެ މެންބަރުންގެ ގޮނޑި ގެއްލުވާމުގެ ބާރު ސިޔާސީ ޕާޓިތަކަށް ދީ, ގާނޫނު އަސާސީއަށް ގެނައި ބަދަލުގެ މައްސަލަ ސުޕްރީމް ކޯޓުގައި ބަލަމުން ދަނިކޮށް, އެއްވެސް މެންބަރެއްގެ ގޮނޑި ނުގެއްލުވާލެވޭނެ ކަމަށް ވަގުތީ އަމުރެއް ނެރެދޭން އެދިފައި އޮތް މައްސަލައި އަޑުއެހުން ކެންސަލް ކުރަންޖެހުނެވެ.

ސުޕްރީމް ކޯޓުގެ ތިން ފަނޑިޔާރުން ސަސްޕެންޑު ކުރިއިރު ރައީސް މުއިއްޒު އާއި ބަންޑާރަ ނައިބު އަހުމަދު އުޝާމް ސުޕްރީމް ކޯޓުގެ ފަނޑިޔާރުންނަށް ބިރު ދައްކައި، ނުފޫޒު ފޯރުވަމުން ދިޔަ ކަމަށް އިސްތިއުފާގެ ސިޓީގައި ސުއޫދު ވިދާޅުވެފައިވެ އެވެ.

"ސަރުކާރުގެ ބައެއް ވެރިން ގަބޫލު ކުރެއްވީ އެ ބޭފުޅުންގެ ވެރިކަން ދޫވެގެން ދާނެ ކަމަށް. އެހެންވެ ކުރެވުނު ހުރިހާ ކަމެއް ކުރީ،" އަދަދު ނޫހަށް މައުލޫމާތު ދިން މީހަކު ބުންޏެވެ.

ރައީސް މުއިއްޒު ސުޕްރީމް ކޯޓުގެ ފަނޑިޔާރުންނަށް ބިރު ދައްކައި، އެ ކޯޓަށް ނުފޫޒު ފޯރުވަމުން ގެންދަވާ ކަމަށް ތުހުމަތު ކުރެވޭ މައްސަލަ ތަހުގީގު ކުރަން އިދިކޮޅު މޯލްޑިވިއަން ޑިމޮކްރެޓިކް ޕާޓީން ވަނީ ގޮވާލައިފަ އެވެ. ނަމަވެސް އެ މައްސަލައެއް ތަހުގީގެއް ނުކުރެ އެވެ.

ރިޔާސީ އިންތިހާބުގެ ކެމްޕޭނުގެ ކޮންމެ ތަގުރީރެއްގައި ރައީސް މުއިއްޒު ވިދާޅުވަމުން ގެންދެވީ ޖަލު ބަންދުގައި އޭރު ހުންނެވި ކުރީގެ ރައީސް އަބްދުﷲ ޔާމީނަށް ކޮށްފައިވާ ކަމަށް އެ ބޭފުޅުން އޭރު ގަބޫލުކަމުންދިޔަ ނުހައްގު ހުކުމުގެ ވާހަކަ އެވެ.

"ސުޕްރީމް ކޯޓަށް ވެސް ވަރަށް ބޮޑަށް ފާޑުވިދާޅުވަމުން ގެންދެވި މިހާރު ވެރިކަމުގައި ތިއްބެވި ބޭފުޅުން. ނަމަވެސް ވެރިކަމަށް ވަޑައިގެން، 14 މަސް ނިމިގެން ދިޔައިރު ވެސް ސުޕްރީމު ކޯޓުގެ ފަނޑިޔާރުންގެ މައްސަލައެއް އެ ބޭފުޅުންނަކަށް ނެތް. ނަމަވެސް ރައީސް މުއިއްޒު އަށް ޕީއެންސީގެ ކޮންޓްރޯލް، ރައްޔިތުންގެ މަޖިލީހުގެ ކޮންޓްރޯލް ގެއްލިގެން ގޮސްދާނެ ކަމުގެ ބިރަށް ފަނޑިޔާރުން އެންމެ ފަހުން ވަކިކުރުމުގެ މަސައްކަތް ފެށީ،" މި ނޫހާ ވާހަކަ ދެއްކި މަސްދަރަކުން ބުންޏެވެ.

ފަނޑިޔާރުންގެ މައްޗަށް ކުއްލިއަކަށް އެޅި ފިޔަވަޅާ ގުޅިގެން ގިނަ ބަޔަކު ސަރުކާރަށް އަދި އޭސީސީ އާއި ޖޭއެސްސީ އަށް ފާޑުކިޔަމުންދާއިރު، ސަސްޕެންޑު ކުރި ފަނޑިޔާރަށް ނުކުރަނީ ޖިނާއީ ކޮން ތުހުމަތެއްކަން އޭސީސީން ބުނެފައެއް ނުވެ އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox