ނިހާދުއަށް ރައްދު ދީ ޕީއެންސީން ބުނީ ޓޫރިޒަމަށް ގެއްލުން ލިބޭ ފަދަ ކަމެއް ސިޔާސީ ޕާޓީއަކުން ނުކުރާނެ ކަމަށް

ރިޔާސީ ކެމްޕޭނު ނިންމާލުމަށް ޕީއެންސީން މިދިޔަ އަހަރު ބޭއްވި ހިނގާލުމުގެ ތެރެއިން : އެ ޕާޓީން ބުނީ  ޓޫރިޒަމަށް ގެއްލުން ލިބޭފަދަ ކަމެއް އެމްޑީޕީން ނުކުރާނެ ކަމަށް --- ފޮޓޯ: އަދަދު

ރިޔާސީ ކެމްޕޭނު ނިންމާލުމަށް ޕީއެންސީން މިދިޔަ އަހަރު ބޭއްވި ހިނގާލުމުގެ ތެރެއިން : އެ ޕާޓީން ބުނީ ޓޫރިޒަމަށް ގެއްލުން ލިބޭފަދަ ކަމެއް އެމްޑީޕީން ނުކުރާނެ ކަމަށް --- ފޮޓޯ: އަދަދު

"ޓޫރިޒަމް ފުނޑާލަން" އިދިކޮޅު އެމްޑީޕީން ޓެރަރިސްޓު ހަމަލާއެއް ދޭން އުޅޭ ކަމަށް ޓޫރިޒަމް މިނިސްޓްރީގެ ސްޓޭޓް މިނިސްޓަރު މުހައްމަދު ނިހާދު ވިދާޅުވުމާ ދެކޮޅަށް ސަރުކާރު ހިންގާ ޕީއެންސީ އިން ބަޔާނެއް ނެރެ، ރާއްޖޭގައި ރަޖިސްޓްރީކޮށްގެން ހިންގާ ސިޔާސީ ޕާޓީއަކުން އެފަދަ ކަމެއް ނުކުރާނެ ކަމަށް ބުނެފި އެވެ.

ޕީއެންސީން ބޭއްވި ހަރުގެ ޖަލްސާގައި ނިހާދު ވިދާޅުވީ އެމްޑީޕީއިން ޓެރަރިސްޓް ހަމަލާއެއް ދޭން އުޅެނީ ރާއްޖެއަށް އަންނަ ބުރާސްފަތި ދުވަހުގެ ނިޔަލަށް ދެ މިލިއަން ފަތުރުވެރިން ޒިޔާރަތް ކުރާތީ، އެކަމަށް ސަރުކާރުން ކުރަމުންދާ މަސައްކަތް ހުއްޓުވުމަށް ކަމަށެވެ. މި ވާހަކަތަކާ ގުޅިގެން ނިހާދު ވަނީ މަގާމުން ސަސްޕެންޑޮކޮށްފަ އެވެ.

މިކަމާ ގުޅިގެން ޕީއެންސީން ނެރުނު ބަޔާނެއްގައި ބުނީ، ރާއްޖޭގައި ރަޖިސްޓްރީ ވެގެން ހިންގާ ސިޔާސީ ޕާޓީތަކާއި މަދަނީ ޖަމިއްޔާތަކުން މަސައްކަތްކުރާނީ ގާނޫނީ އިމުގެ ތެރެއިން ކަމަށާއި އެ އިމުން ބޭރުވާ ހާލަތްތަކުގައި އެ ފަރާތްތަކާމެދު ފިޔަވަޅު އެޅޭނެކަމާމެދު ޝައްކުނުކުރާ ކަމަށެވެ.

"މި ޕާޓީން ދެކޭގޮތުގައި ރާއްޖޭގައި ރަޖިސްޓްރީވެގެން ހިންގާ ސިޔާސީ ޕާޓީއަކުން އަދި މަދަނީ ޖަމިއްޔާއަކުން ދިވެހިރާއްޖޭގެ ފަތުރުވެރިކަމަށް އަދި ޖުމްލަކޮށް ދިވެހި އިގުތިސޯދަށް ފޫނުބެއްދޭވަރުގެ ގެއްލުމެއް ލިބިދާނެ ނުރައްކާތެރި އަމަލެއް ނުހިންގާނެ،" ޕީއެންސީގެ ބަޔާނުގައިވެ އެވެ.

އޭގެއިތުރުން، ފަތުރުވެރިކަމަށް ގެއްލުވާނެ ބައިނަލްއަގުވާމީ މުޖުތަމައުގައި ރާއްޖޭގެ އަގު ވެއްޓޭނެ ފަދަ ކަންކަމުން ދައުލަތުގެ މުއައްސަސާތަކާއި ސިޔާސީ ޕާޓީތަކާއި މަދަނީ ޖަމިއްޔާތަކާއި ވަކިވަކި ފަރުދުން ވެސް ދުރުވުމަށް ވެރިކަން ކުރާ ޕާޓީން ވަނީ ގޮވާލާފަ އެވެ.

ރޭގެ ޖަލްސާގައި ޓެރަރިސްޓު ހަމަލާއެއްގެ ގޮތުގައި ނިހާދު ފާހަގަކުރެއްވީ އެމްޑީޕީއަށް ނިސްބަތްވާ ކެންދޫ ދާއިރާގެ މެންބަރު މައުރޫފު ޒާކިރު އިސްވެ ހުންނަވާ ޓީމުގެ އޮފިޝަލުން ރިސޯޓަކަށް 'އަރަން' އުޅޭ ވާހަކަ އެވެ. އެކަން ޕީއެންސީގެ ބަޔާނުގައި ވެސް ފާހަގަކޮށްފައިވެ އެވެ.

މަޝްހޫރު ބްރޭންޑެއްގެ ރިސޯޓެއްގެ މުވައްޒަފުންނާ ބައްދަލުކުރަން ޓީމުން ނިންމާ އެކަން ރިސޯޓަށް އެންގިކަން މައުރޫފުވެސް ވަނީ މި ނޫހަށް ކަށަވަރުކޮށްދީފަ އެވެ. ނަމަވެސް އެ ރިސޯޓުން ވަނީ ޓީމުގެ އޮފިޝަލުންނަށް އެ ފަރާތުގެ ޕްރޮޕަޓީއަށް ނޭރޭނެ ކަމަށް ބުނެފަ އެވެ.

ރިސޯޓުގެ އެންގުމާ ގުޅިގެން، ޓީމުން ގެންދަނީ ގަދަކަމުން އެ ރިސޯޓަށް އަރާ މުވައްޒަފުންނާ ބައްދަލުކުރަން ކަމަށާއި އެކަން ކުރާއިރު ރިސޯޓު ކައިރި މަސް ދޯނިތަކެއްގައި މުޒާހަރާ ކުރަން ރާވާފައިވާ ކަމަށް ވެސް ސަރުކާރުގެ އޮފިޝަލަކު މިއަދު މި ނޫހާ ވާހަކަ ދައްކަވަމުން ވިދާޅުވި އެވެ. ނަމަވެސް, މައުރޫފު ވަނީ އެއީ ކަނޑައެޅިގެން ދޮގެއް ކަމަށް ވިދާޅުވެފަ އެވެ.

މައުރޫފު ވިދާޅުވި ގޮތުގައި އެ ރިސޯޓުގައި ތިބި މުވައްޒަފުންނަކީ ޓީމުގެ މެންބަރުންތަކެކެވެ. ޓީމަކީ އިންޑަސްޓްރިއަލް ރިލޭޝަންސް ގާނޫނުގެ ދަށުން ރަޖިސްޓްރީ ވެގެން ހިންގާ ޔޫނިއަނެއް ކަމަށާއި ޔޫނިއަނުގެ މެންބަރުންނާއި ވެރިންނަށް ބައްދަލުކުރުމުގެ ފުރުސަތު ގާނޫނުން ލިބިދޭ ކަން އޭނާ ފާހަގަކުރި އެވެ.

ޕީއެންސީން މިފަދަ ބަޔާނެއް ނެރެފައިވާއިރު، މި އަހަރު ކުރީކޮޅު ސަރުކާރުގެ ތިން ނައިބު ވަޒީރަކު އިންޑިއާގެ ބޮޑުވަޒީރު ނަރެންދުރަ މޯދީއަށް ފުރައްސާރަކުރި މައްސަލާގައި ފަތުރުވެރިކަމަށް ލޮޅުންއެރި އެވެ. އޭގެތެރެއިން ދެ ނައިބުންނަކީ ޕީއެންސީގެ މެންބަރުންނެވެ. އެ ހާދިސާއާ ގުޅިގެން ޕާޓީން ބަޔާނެއް ނެރެފައި ނުވެ އެވެ.

މި ހާދިސާއަށްފަހު އިންޑިއާއިން ރާއްޖެ އަންނަ ޓޫރިސްޓުން މަދުވެ، މިދިޔަ އަހަރު އެންމެ ގިނައިން ރާއްޖެއަށް ޓޫރިސްޓުން އައި އިންޑިއާ މިހާރު އޮތީ އެ ލިސްޓުގެ ހަ ވަނައިގަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox