ސަރުކާރަށް އަހަރެއް ވާތީ ޝޯ ބާއްވަން "ދޭދަރު" ފިލްމުގެ ޕްރިމިއާއަށް ހުރަސް އަޅައި އޮލިމްޕަސް އަތުލައިފި

މަރާމާތައްފަހު އޮލިމްޕަސް ހުޅުވި ރޭގެ ފޮޓޯއެއް: ސަރުކާރަށް އަހަރެއް ވާތީ ޝޯ ބާއްވަން "ދޭދަރު" ފިލްމުގެ ޕްރިމިއާ އަށް ހުރަސް އަޅާ އޮލިމްޕަސް އަތުލަން ވަނީ ނިންމާފަ --- ފޮޓޯ: އަދަދު

މަރާމާތައްފަހު އޮލިމްޕަސް ހުޅުވި ރޭގެ ފޮޓޯއެއް: ސަރުކާރަށް އަހަރެއް ވާތީ ޝޯ ބާއްވަން "ދޭދަރު" ފިލްމުގެ ޕްރިމިއާ އަށް ހުރަސް އަޅާ އޮލިމްޕަސް އަތުލަން ވަނީ ނިންމާފަ --- ފޮޓޯ: އަދަދު

ރައީސް ޑރ. މުހައްމަދު މުއިއްޒުގެ ސަރުކާރަށް އަހަރެއް ފުރުމާ ގުޅިގެން ޝޯތަކެއް ބޭއްވުމުގެ ބޭނުމަށް، އަހަރެއް ކުރިން އޮލިމްޕަސް ބޭނުންކުރަން ހަދާފައިވާ ބުކިން ކެންސަލްކޮށް "ދޭދަރު" ފިލްމުގެ ޕްރިމިއާ އަށް ހުރަސް އަޅައިފި އެވެ.

ދޭދަރު ފިލްމު އުފެއްދި ކަޒްމިކް އިންޓަނޭޝަނަލް އިން ނެރުނު ބަޔާނެއްގައި ބުނީ، ނޮވެމްބަރު 20، ގައި އޮލިމްޕަހުގެ ފިލްމު ޕްރިމިއާ ކުރުމަށް އެ ފަރާތުން ހެދި ބުކިން ކެންސަލް ކުރިކަން ނޭޝަނަލް ސެންޓާ ފޯ ދި އާޓްސް (އެންސީއޭ) އިން އެންގީ ސަރުކާރު ބަންދު ދުވަހެއް ކަމުގައި އޮތް މިދިޔަ އާދިއްތަ ދުވަހު ކަމަށެވެ.

ފިލްމު ޕްރިމިއާ ކުރުމަށް ބުކިން ހެދީ މީގެ އަހަރެއް ކުރިން ކަމަށާއި އެ ބުކިން މީގެ ހަތަރު މަސް ކުރިން ފައިސާ ދެއްކި ކަމަށްވެސް ކަޒްމިކް ގެ ބަޔާނުގައި ބުންޏެވެ. އަދި، ބުކިން ކެންސަލް ކުރީ އެކަމާ ގުޅޭގޮތުން އެއްވެސް މަޝްވަރާއެއް ނުކޮށް އެންގުމަކާވެސް ނުލާ ކަމަށާއި މިކަން ކުރީ ސަރުކާރުގެ ބޭނުމަށް އެ ދުވަހު އޮލިމްޕަސް ބޭނުންވާތީ ކަމަށް އެންސީއޭ އިން ބުނެފައިވާ ކަމަށްވެސް ބަޔާނުގައިވެ އެވެ.

"މިއީ ދިވެހި ފިލްމީ ފަންނާނުންގެ ހައްގުތައް ގެއްލިގެންދާ ފަދަ އަމަލެއް. އަޅުގަނޑުމެން މިކަން ހަރުކަށި އިބާރާތުން ކުށްވެރިކުރަން. ފިލްމީ ދާއިރާގެ ތަރައްގީއަށް މަސައްކަތްކުރާ ފަރާތްތަކުގެ ހައްގު ހިމާޔަތްކޮށް، މިފަދަ ކަންކަން ތަކުރާރުވިޔަ ނުދިނުމަށް ކަމާބެހާ ފަރާތްތަކުން އަވަސް ފިޔަވަޅުތަކެއް އަޅަން ގޮވާލަން" ބަޔާނުގައި ލިޔެފައިވެ އެވެ.

އެންސީއޭ އިން މިހާރު އިއުލާނުކޮށްފައިވާ ގޮތުން ސަރުކާރަށް އަހަރެއް ވެގެން ބާއްވާ ސިލްސިލާ ޝޯތައް އޮންނާނީ ނޮވެމްބަރު 17، 18 އަދި 19 ގަ އެވެ. ނަމަވެސް އެ ޝޯތައް 18، 19، އަދި 20 އަށް ބަދަލުކުރަން ނިންމާފައިވާ ކަމަށްވެ އެވެ.

މިކަމާ ގުޅިގެން އެ ފަރާތައް ބޮޑެތި ގެއްލުންތަކެއް ވެފައިވާ ކަމަށާއި ޕްރިމިއާ ކުރާ ތާރީހު އިއުލާނުކޮށް ޕޯސްޓަރުތަކާއި ބިލްބޯޑުތައް ޕްރިންޓުކޮށް ހަރުކޮށް އެ ރެޔަށް ގިނަ ބަޔަކަށް ދައުވަތު ދީފައިވާނެ ކަމަށްވެސް ދޭދަރު ފިލްމުގެ ފަރާތުން ބުންޏެވެ.

މައްސަލަ ހައްލުކުރަން ޔޫތު މިނިސްޓަރު އިބްރާހިމް ވަހީދު (އަސްވާޑު) އާ ބައްދަލުކޮށް މަޝްވަރާކުރަން އުޅުމުން ވަޒީރު އެންގީ ޑެޕިއުޓީ މިނިސްޓަރަކާ ވާހަކަދެއްކުމަށް ކަމަށާއި ނައިބު ވަޒީރުވެސް މި މައްސަލަ ހައްލުކުރުމަށް އެއްބާރުލުން ދީފައި ނުވާކަންވެސް ކަޒްމިކް އިން ނެރުނު ބަޔާނުގައިވެ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox