މިސް ޔުނިވާސްގައި ރާއްޖެ ތަމްސީލު ކުރާ ޝައިނާއަށް ފުރައްސާރަކޮށް ޒަމްޒަމް ބުނީ ޝައިނާއަށް ހައްގީ ނަރަކަ ކަމަށް

ޒަމްޒަމް ފާރިޝް އާއި  މަރިޔަމް ޝައިނާ

ޒަމްޒަމް ފާރިޝް އާއި މަރިޔަމް ޝައިނާ

މިސް ޔުނިވާސް ރީތީގެ މުބާރާތުގައި ފުރަތަމަ ފަހަރަށް ރާއްޖެ ތަމުސީލު ކުރާ މަރިޔަމް ޝައިނާއަށް ފުރައްސާރަކޮށް، އޭނާއަށް އެންމެ ހައްގީ ނަރަކަ ކަމަށް، އާންމުންނަށް ދީނީ ނަސޭހަތް ދިނުމުގެ މަސައްކަތް ކުރާ ޒަމްޒަމް ފާރިޝް ބުނެފި އެވެ.

އަރަބިއްޔާ ސްކޫލުގެ ޓީޗަރެއްގެ ގޮތުގައި ވެސް މަސައްކަތް ކުރި ޒަމްޒަމް އޭނާގެ ފޭސްބުކްގައި ކުރި ޕޯސްޓެއްގައި ވަނީ ވަރަށް ބޮޑަށް ޝައިނާ، 21، އަށް ފުރައްސާރަކޮށްފަ އެވެ. އަދި ޝައިނާއަކީ ކާފަރެއް ކަމަށް ދޭހަވާ އިބާރާތުން އޭނާ ވަނީ އެ ޕޯސްޓުގައި ވާހަކަ ދައްކައިފަ އެވެ.

"އަންހެނުން އަރުވައިގެން އޮރިޔާންވާ މުބާރާތަށް ކިޔަންވީ މިސް ޔުނިވާސްއެއް ނޫން. އެއަށް ކިޔަންވީ މިސް ޖަހަންނަމަ. އެއަށް އަރައި ބަރަހަނާވާ އަންހެނުންނަކީ ދުނިޔެވީ މަދު ފައިސާ ކޮޅަކަށްޓަކައި މުޅި ދުނިޔޭގައި އޮރިޔާން އާންމު ކުރަން އުޅޭ ފާސިދު ފާޖިރުންތަކެއް. އެފަދަ މީހުންނަށް އެންމެ އައުލާކަން ބޮޑީ ޖަހަންނަމަ،" ޒަމްޒަމް ބުންޏެވެ.

ޒަމްޒަމް ފޭސްބުކްގައި ކޮށްފައިވާ ޕޯސްޓް
ޒަމްޒަމް ފޭސްބުކްގައި ކޮށްފައިވާ ޕޯސްޓް

ޒަމްޒަމް ފޭސްބުކްގައި ކޮށްފައިވާ ޕޯސްޓް

އޭނާ އެހެން ބުނި ނަމަވެސް މިސް ޔުނިވާސް ރީތީގެ މުބާރާތަކީ ބަރަހަނާ ދައްކާ މުބާރާތެއް ނޫނެވެ. އެއީ 1952 ވަނަ އަހަރުން ފެށިގެން ބާއްވަމުން އަންނަ ރީތީގެ މުބާރާތެކެވެ. އެ މުބާރާތުގައި ބުރުގާ އަޅައިގެން ބައެއް މީހުން ބައިވެރިވެފައި އެބަހުއްޓެވެ. މިފަހަރުގެ މުބާރާތުގައި ވެސް ބައެއް ބައިވެރިން ބުރުގާ އަޅާނެ އެވެ.

ޒަމްޒަމްގެ އިތުރުން ވެސް ބައެއް އެހެން މީހުން ވެސް ވަނީ މިސް ޔުނިވާސް މުބާރާތަށް ފާޑުކިޔައިފަ އެވެ. އެކަމަކު އެ މުބާރާތުގައި ބައިވެރިވާ އަންހެނުންނަށް ހައްގީ ނަރަކަ ކަމަށް ބުނެ އެ މޭރުމުން އެހެން މީހަކު ފާޑެއް ނުކިޔަ އެވެ.

މި އަހަރުގެ މިސް ޔުނިވާސް ބާއްވަނީ މެކްސިކޯގަ އެވެ. މިއީ 73 ވަނަ މިސް ޔުނިވާސް މުބާރާތެވެ. އެ މުބާރާތުގައި މަދުވެގެން 126 މީހުން ބައިވެރިވާނެ އެވެ. މިސް ޔުނިވާސްގެ މަގާމަށް މީހަކު ހޮވާނީ ނޮވެމްބަރު 16، ގަ އެވެ.

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox