މަޖިލީހުގެ ކުރީގެ މެންބަރު ހައިތަމް ލަންކާގައި ދުއްވާ ކާރު ގޮއްވާލައިފި

28 އޮގަސްޓު 2024 - 14:13 0

ލީވާން އަލީ ނާސިރު

ލ

ހައިތަމް ލަންކާގައި ދުއްވާ ކާރު: ކާރު ވަނީ މިއަދުގެ ވަގުތެއްގައި ގޮއްވާލާފައި


މަޖިލީހުގެ ކުރީގެ މެންބަރު ހައިތަމް ލަންކާގައި ދުއްވާ ކާރު ގޮއްވާލައިފި

28 އޮގަސްޓު 2024 - 14:13 0

މައްޗަންގޮޅި ދެކުނު ދާއިރާގެ ކުރީގެ މެންބަރު އަހުމަދު ހައިތަމް ސްރީލަންކާގައި ދުއްވާ ކާރު ބަޔަކު ގޮއްވާލައިފި އެވެ.

ހައިތަމް "އަދަދު" އަށް ވިދާޅުވީ އެ ކާރު ގޮއްވާލީ ކުރިން ހިނގި އެކްސިޑެންޓަކާ ގުޅިގެން މަރާމާތު ކުރަން ލާފައި އޮއްވާ މިއަދު ކަމަށެވެ.

"މީގެ ތިން ވަރަކަށް ހަފްތާ ކުރިން ވީ އެކްސިޑެންޓަކާ ގުޅިގެން ކާރު ހަދަން ގަރާޖަކަށް ލާފައި މި އައީ މާލެއަށް. މިއަދު ލަންކާ ކޮޅުން ގުޅާފައި ބުނީ ގަރާޖުގައި އޮއްވާ އޭތި ގޮއްވާލި ވާހަކަ،" ހައިތަމް ވިދާޅުވި އެވެ.

ލަންކާގައި މިހާރު ދިރިއުޅެމުން އަންނަ ހައިތަމް ވިދާޅުވީ ކާރު ގޮއްވާލީ މަރާމާތަށްފަހު ނިންމާ، އޭތި ބަލާ އަންނަން އިއްޔެ ގަރާޖުން އަންގާފައި ވަނިކޮށް ކަމަށެވެ.

ކާރު އެކްސިޑެންޓުވި މައްސަލަ ލަންކާ ފުލުހުންނަށް ރިޕޯޓުކޮށްގެން އެ މައްސަލަ ބަލަމުންދާކަން ފާހަގަކުރައްވަމުން ހައިތަމް ވިދާޅުވީ ކާރު ގޮއްވާލި މައްސަލަ ވެސް ލަންކާ ފުލުހުން ބަލަމުންދާ ކަމަށެވެ.

އޭގެއިތުރުން ދައުރު ނިމެން އުޅެނިކޮށް އެކި ކަހަލަ އިންޒާރުތައް އައުމާ ގުޅިގެން ރާއްޖޭގެ ފުލުހުންނަށް ހުށަހެޅި އެއްވެސް މައްސަލައެއް ވެސް މިހާތަނަށް ބަލާފައި ނުވާ ކަމަށް ހައިތަމް ވިދާޅުވި އެވެ.