މެންބަރު ހައިތަމް އެމްޑީޕީން ވަކިވެވަޑައިގެންފި

މައްޗަންގޯޅި ދެކުނު ދާއިރާގެ މެންބަރު އަހުމަދު ހައިތަމް; އޭނާ ވަނީ މިއަދު އެމްޑީޕީން ވަކިވެފައި -- ފޮޓޯ: މަޖިލިސް

މައްޗަންގޯޅި ދެކުނު ދާއިރާގެ މެންބަރު އަހުމަދު ހައިތަމް; އޭނާ ވަނީ މިއަދު އެމްޑީޕީން ވަކިވެފައި -- ފޮޓޯ: މަޖިލިސް

ރިޔާސީ އިންތިހާބުގެ ދެވަނަ ބުރު ބޯމަތިވެފައި ވަނިކޮށް, މައްޗަންގޯޅި ދެކުނު ދާއިރާގެ މެންބަރު އަހުމަދު ހައިތަމް އެމްޑީޕީން ވަކިވެވަޑައިގެންފި އެވެ.

މެންބަރު ހައިތަމް އެމްޑީޕީން ވަކިވެވަޑައިގެންނެވީ އޭނާއަށް ގަބޫލުކުރެއްވޭ އުސޫލުތައް އެޕާޓީގައި މިހާރު ނެތް ކަމަށް ވިދާޅުބވަމުންނެވެ.

އެމްޑީޕީން ވަކިވެވަޑައިގެން އެޕާޓީގެ ޗެއާޕާސަން ފައްޔާޒް އިސްމާއީލަށް ފޮނުއްވި ސިޓީގައި ހައިތަމް ވިދާޅުވީ ޕާޓީއާ ގުޅިވަޑައިގެންނެވީ "އިންސާފުގެ ދަތުރުގެ ބައިވެރިއެއް"ގެ ގޮތުގައި ކަމަށެވެ. އެޕާޓީގައި ހޭދަކުރެއްވި މުއްދަތުގައި ރައްޔިތުންގެ ހައްގުތައް ހޯއްދަވައިދެއްވަން ރައްޔިތުންގެ މަޖިލީހުގެ ތެރެއިން ވެސް އެތައް މަސައްކަތްތަކެއް ކުރައްވާފައި ވާނެ ކަމަށް ވެސް އޭނާ ވިދާޅުވި އެވެ.

ހައްލު ހޯދަން ރައްުޔިތުންގެ މަޖިލީހުގެ ތެރެއިން މަސައްކަތް ކުރެއްވި ހަތަރު މައްސަލައެއް ސިޓީގައި އޭނާ ފާހަގަކުރެއްވި އެވެ. އެއީ:

  1. ރާއްޖޭގައި ގަވައިދާ ހިލާފަށް އުޅޭ ބިދޭސީންގެ މައްސަލަ
  2. ކޮވިޑް-19 ގެ ބަލިމަޑުކަމުގައި ވެންޓިލޭޓަރުތަކެއް ގެންނަން ފައިސާ ދެއްކުމަށް ފަހު ވެންޓިލޭޓަރުތައް ނުލިބުނު މައްސަލަ.
  3. ނެޝަނަލް ޑްރަގް އެޖެންސީ އިސްލާހުކުރުމުގެ މައްސަލަ
  4. ރާއްޖޭގައި ސިއްހީ ފަރުވާ ލަސްވުމުގެ މައްސަލަ

ސިޓީގައި ހައިތަމް ތުހުމަތުކުރެއްވި ގޮތުގައި އެ މައްސަލަތައް ހައްލުުކުރަން އެމްޑީޕީގެ ލީޑަޝިޕްގެ އެއްބާރުލުން އެކަށީގެންވާ ގޮތަކަށް އޭނާއަށް ލިބިވަޑައެއް ނުގަންނަވަ އެވެ.

"...،މި މައްސަލަތަކަކީ ސީދާ ދިވެހިރައްޔިތުންގެ ހައްގުތަކާ ގުޅިފައިވާ މުހިއްމު ކަންތައްތަކަށް ވީހިނދު، އަދި ވެރިކަންކުރާ މައިޕާޓީ ކަމުގައި ދިވެހިރައްޔިތުންގެ ޑިމޮކްރެޓިކް ޕާޓީ ވީ ހިނދު މިކަންކަމަށް ރަނގަޅު އަހަންމިއްޔަތުކަމެއް ދެވި އެކަށީގެންވާ ހައްލެއް ހޯދައިދިނުމަށް އަަޅުގަނޑަށް ޕާޓީގެ ލީޑާޝިޕްގެ ފަރާތުން އެމްމެ ފުރިހަމަ އެއްބާރުލުމެއް ލިބިފައިނުވާކަން ހިތާމައާ އެކު ފާހަގަކުރަމެވެ،" ސިޓީގައި ހައިތަމް ވިދާޅުވި އެވެ.

ރިޔާސީ އިންތިހާބާ ދިމާކޮށް, އެމްޑީޕީއަށް ނިސްބަތްވާ ދެ މަޖިލިސް މެންބަރު ވަނީ އެ ޕާޓީން ވަކިވެފަ އެވެ. ދެން އެ ޕާޓީން ވަކިވީ, ފޮނަދޫ ދާއިރާގެ މެންބަރު މޫސާ ސިރާޖެވެ. އޭނާ ވަނީ އިދިކޮޅު ޕީޕީއެމާ ގުޅިވަޑައިގެންފަ އެވެ.

މީގެ އިތުރުން މި އަހަރު މޭ މަސް ތެރޭގައި އެމްޑީޕީއަށް ނިސްބަތްވާ 13 މެންބަރުން ވަނީ އެ ޕާޓީން ވަކިވެ, ދަ ޑިމޮކްރެޓްސްގެ ނަމުގައި އާ ޕާޓީއެއް އުފައްދާފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox