ޓީޓީ އަމްޕަޔަރު ޔާމީން އަށް ބްލޫ ބެޖް: ރާއްޖެ އަށް ކާމިޔާބެއް!

ފިލިޕީންސްގައި ދާދި ފަހުން ކުރިއަށްދިޔަ ޓީޓީ ޔޫތު ކޮންޓެންޑާ މުބާރާތުގެ މެޗެއްގެ ތެރެއިން، އަމްޕަޔަރު ޔާމީން.--- ފޮޓޯ: ފިލިޕީންސް ޓީޓީ ފެޑެރޭޝަން

ފިލިޕީންސްގައި ދާދި ފަހުން ކުރިއަށްދިޔަ ޓީޓީ ޔޫތު ކޮންޓެންޑާ މުބާރާތުގެ މެޗެއްގެ ތެރެއިން، އަމްޕަޔަރު ޔާމީން.--- ފޮޓޯ: ފިލިޕީންސް ޓީޓީ ފެޑެރޭޝަން

ޓޭބަލް ޓެނިސް (ޓީޓީ) އަމްޕަޔަރު، މުހައްމަދު ޔާމީން އިންޓަނޭޝަނަލް ޓޭބަލް ޓެނިސް ފެޑެރޭޝަން (އައިޓީޓީއެފް) އިން ދޭ ބްލޫ ބެޖް ހާސިލްކޮށްފި އެވެ.

ސ. ފޭދޫ އަށް އުފަން ޔާމީން އަކީ ބްލޫ ބެޖް ހޯދި ރާއްޖޭގެ ފުރަތަމަ އަމްޕަަޔަރެވެ.

ދެކުނު އޭޝިއާ ސަރަހައްދަށް ބަލާއިރު، މި ބެޖް ހާސިލްކުރި އަމްޕަޔަރުން މީގެ ކުރީގައި ތިބީ އިންޑިއާގައި އެކަންޏެވެ. އެކަމަކު، ޔާމީން މި ބެޖް ހާސިލްކުރުމާ އެކު، އޭނާ މި ހޯދައިދިނީ ރާއްޖެ އަށް ވެސް ކާމިޔާބެކެވެ.

Advertisement

އައިޓީޓީއެފް އިން ބެޖް ދިނުމުގައި ޓޭބަލް ޓެނިސް އަމްޕަޔަރުން ގިންތި ކޮށްފައިވަނީ ތިން ލެވަލަކަށެވެ. އެ ގޮތުން، ފުރަތަމަ ވައިޓް ބެޖް ދިނުމަށް ފަހު، ދެން އިން ލެވަލަކީ، ބްލޫ ބެޖް އެވެ.

ދެން، އެންމެ މަތީ ފަންތި އަށް ގޯލްޑް ބެޖް ދެ އެވެ. ގޯލްޑް ބެޖް ތައާރަފްކޮށްފައިވަނީ މިދިޔަ އަހަރު އެވެ.

އަމިއްލަ ރަށުގައި ޓީޓީގެ ކުޅުނުއިރު ވެސް އަމްޕަޔަރުކަން ކުރުމުގައި އުޅެފައިވާ، ޔާމީން، މަތީ ތައުލީމު ހާސިލްކުރަން މާލެ ބަދަލުވުމަށް ފަހު، ޓޭބަލް ޓެނިސް އެސޯސިއޭޝަން އޮފް މޯލްޑިވްސް (ޓީޓީއޭއެމް)އާ ގުޅިގެން ގިނަ މަސައްކަތްތަކެއްގައި އުޅުނެވެ.

އޭގެ ތެރެއިން، އަމްޕަޔަރުކަން ކުރަން ރަސްމީކޮށް މަސައްކަތް ފެށުނީ، 2008 ވަނަ އަހަރު ބޭއްވި ބޭސިކް އަމްޕަޔަރު ކޯހާ ހަމައިންނެވެ. އެ ގޮތުން، 2016އާ ހަމައަށް ސަޓިފައިޑް އަމްޕަޔަރެއްގެ ގޮތުގައި ހުރުމަށް ފަހު، އެ އަހަރު ވައިޓް ބެޖް ހޯދި އެވެ.

ޔާމީން، ބްލޫ ބެޖާ ހަމައަށް ދާން ކުރި މަސައްކަތް ވެސް ނުހަނު ގިނަ އެވެ.

"ވައިޓް ބެޖް އަހަރެމެން ކޮމްޕްލީޓް ކުރީ 2016 ގައި. ކޮމްޕްލީޓްކޮށްފައި، ބްލޫ ބެޖަށް ދާން އިންނަނީ އެޑްވާންސް އަމްޕަޔަރު ޓްރެއިނިން އެއް ކޮމްޕްލީޓްކޮށްފައި. އެޑްވާންސް ރޫލް އެގްޒަމިނޭޝަން އެއް ޕާސްކުރަން މި ޖެހެނީ، އަހަރެން މި ދެ ބައި މި ނިންމީ 2023 ވަނަ އަހަރު ސައުތު ކޮރެއާގައި،" ޔާމީން، "އަދަދު" އަށް ކިޔައިދިނެވެ.

ޔާމީން ބުނީ ރޫލްސް އެގްޒަމިނޭޝަނުން ފާސްވުމަށް ފަހު ދެން ކުރިއަށްދަނީ އިވެލުއޭޝަންތަކެއް ކަމަށެވެ. އެ ގޮތުން، އިލެލުއޭޓަރުންތަކެއް އެސަސްމެންޓްތަކެއް ހަދާފައި ފާސްވެގެން އެ މީހުން ބަލައިގަންނަ މިންގަނޑެއްގެ ތެރެއިން، ހަތަރު މީޓު ހަމަކުރަން ޖެހޭ ކަމަށެވެ.

"ދެން، މިދިޔަ އަހަރު އޭޝިއަން ގޭމްސް އިން ދެ މީޓު، ދެ މި ފަހަރު، (ފިލިޕީންސްގެ) ޕެޓްރޯ ޕްރިންސެސާގައި މި އޮތް ޔޫތު ކޮންޓެންޑާ މުބާރާތަށް އައި ދެ އިވެލުއޭޓަރު އަތުން ދެ މީޓް ލިބުނީމަ، ހަތަރު މީޓު ހަމަވީމަ، އޮފިޝިއަލީ ބްލޫ ބެޖަކަށް މި ބަދަލުވީ،" ހިތްހަމަޖެހިފައި ހުރެ ޔާމީން ބުންޏެވެ.

"އިވެލުއޭޝަންގައި ވަރަށް ކުޑަ ޕީރިއަޑެއް މި ދިމާވީ، ވަރަށް ލަކީކޮށް ދިމާވީ (ނަސީބު ރަނގަޅުކޮށް ދިމާވީ)، އެއީ އެސޯސިއޭޝަނުން އެހާ ބޮޑަށް އެހީތެރިވީމަ. ގޯލްޑް ބެޖް ވަރަށް މަދު ދުުނިޔޭގައި. އަލަށް އިންޓްރޮޑިއުސްކޮށްގެން އުޅޭ އެއްޗެއް ވީމަ، ސައުތު އޭޝިއާގައި ބްލޫ ބެޖެއް ލިބުނު ދެ ވަނަ ގައުމު ރާއްޖެ މިއީ. އިންޑިއާގައި ދެން ބްލޫ ބެޖް އުޅޭނެ."

ކަސްޓަމްސްގައި އިސް ވަޒީފާއެއްގެ ޒިންމާ އަދާކުރަމުން އަންނަ ޔާމީން ވަނީ މަލްޓި ސްޕޯޓްސް ގިނަ ގޭމްސްތަކެއްގައި ވެސް ޓީޓީ އިވެންޓްތަކުގައި އަމްޕަޔަރުކަން ކޮށްފަ އެވެ. އެ ގޮތުން، އިންޑިއަން އޯޝަން އައިލެންޑް ގޭމްސް (އައިއޯއައިޖީ) އާއި އިސްލާމިކް ސޮލިޑާރިޓީ ގޭމްސްގައި ޓީޓީގެ ވަރުގަަދަ މެޗުތަކުގައި އިންސާފުކޮށްފައިވެ އެވެ.

ޔާމީން، އަމްޕަޔަރުކަން ކޮށްފައިވާ ބައިނަލްއަގުވާމީ އެހެނިހެން މުބާރާތްތަކަށް ބަލާއިރު، 2017 ވަނަ އަހަރު ސްރީ ލަންކާގައި ބޭއްވި ސައުތު އޭޝިއަން ޖޫނިއާ އެންޑް ކެޑޭޓް ޗެމްޕިއަންޝިޕާއި އޭގެ އެއް އަހަރު ފަހުން ރާއްޖޭގައި ބޭއްވި ސައުތު އޭޝިއާ ޖޫނިއާ މުބާރާތާއި ގަތަރުގައި 2021 ވަނަ އަހަރު ބޭއްވި އޭޝިއަން ޓޭބަލް ޓެނިސް ޗެމްޕިއަންޝިޕް ހިމެނެ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox