ރުއްތަކަށް ޖެހޭ ބަލިތައް ނައްތާލުމަށް ޗައިނާއާއެކު ވި އެއްބަސްވުން ވެސް ސަރުކާރުން ސިއްރުކޮށްފި

ލާމު އަތޮޅުގެ ރުށްފަލެއް : ރުއްތަކަށް ޖެހޭ ބަލިތައް ނައްތާލުމަށް ޗައިނާއާއެކު ވި އެއްބަސްވުންވެސް ސަރުކާރުން ސިއްރުކޮށްފި - ފޮޓޯ: އަދަދު

ލާމު އަތޮޅުގެ ރުށްފަލެއް : ރުއްތަކަށް ޖެހޭ ބަލިތައް ނައްތާލުމަށް ޗައިނާއާއެކު ވި އެއްބަސްވުންވެސް ސަރުކާރުން ސިއްރުކޮށްފި - ފޮޓޯ: އަދަދު

ރާއްޖޭގެ ރުއްތަކަށް ޖެހޭ ބަލިތައް ނައްތައިލަށް އެކުގައި މަސައްކަތް ކުރަން ޗައިނާއާއެކު ވި އެއްބަސްވުން ވެސް ދިވެހި ސަރުކާރުން ސިއްރުކޮށްފި އެވެ.

މި އެއްބަސްވުމަކީ ރައީސުލްޖުމްހޫރިއްޔާ ޑރ. މުހައްމަދު މުއިއްޒު އާއި ސަރުކާރުގެ އިސް ވަފުދެއް މިދިޔަ މަހުގެ ޗައިނާއަށް ކުރެއްވި ރަސްމީ ދަތުރުގައި، އެ ގައުމާއެކު ސޮއިކުރި 20 އެއްބަސްވުމުގެ ތެރެއިން ސޮއިކުރި އެއްބަސްވުމެކެވެ.

މައުލޫމާތު ހޯދައި ލިބިގަތުމުގެ ހައްގުގެ ގާނޫނުގެ ދަށުން މި އެއްބަސްވުމުގެ މައުލޫމާތު ހޯދުމަށް "އަދަދު" އިން އެދުމުން ރައީސް އޮފީހުން ވަނީ އެއްބަސްވުމުގެ ތަފުސީލުތައް ދޭން ދެކޮޅު ހަދައިފަ އެވެ.

"ހޯއްދަވަން އެދިވަޑައިގެން މައުލޫމާތަކީ، އެ ގާނޫނުގެ 25 ވަނަ މާއްދާއާއި 30 ވަނަ މާއްދާއާއި 31 ވަނަ މާއްދާގެ ދަށުން މި ވަގުތު ހާމަކުރެވޭނެ މައުލޫމާތެއް ނޫން ކަމުގައި ދަންނަވަން،" ރައީސް އޮފީހުގެ ޖަވާބުގައި ބުނެފައިވެ އެވެ.

ސަރުކާރުން ރިއާޔަތް ކޮށްފައިވާ މާއްދާތަކަކީ، 25، ވިޔަފާރީގެ މައުލޫމާތު، 30، އާންމު އިގްތިސާދީ މަސްލަހަތު، އަދި 31، ސިޔާސަތު ކަނޑައެޅުމާއި ހިންގުން ބަޔާންކޮށްފައިވާ މާއްދާތަކެވެ. މި މާއްދާތަކަކީ މައުލޫމާތު ހޯދާ ލިބިގަތުމުގެ ހައްގުގެ ގާނޫނުގެ އާންމު މަސްލަހަތަށް އިސްކަންދިނުމާއި އިސްތިސްނާ ހާލަތްތައް ހިމެނޭ ބާބުގެ ދަށުން މައުލޫމާތު ސިއްރުކުރެވޭނެ ހާލަތްތައް ބަޔާންކުރާ މާއްދާތަކެކެވެ.

އޭގެ އިތުރުން، ސަރުކާރުން ވަނީ ޗައިނާއާއެކު ރާއްޖޭގެ އިކޮނޮމިކް މިނިސްޓްރީން ސޮއި ކުރި ހަތަރު އެއްބަސްވުންވެސް ސިއްރުކޮށްފަ އެވެ.

ރައީސްގެ ދަތުރުގެ ތެރެއިން ޗައިނާއިން ވެސް ވަނީ ރާއްޖެ އާއެކު ސޮއިކުރި 20 އެއްބަސްވުމުގެ އަގާއި ތަފުސީލު ހާމަ ކުރަން ދެކޮޅުހަދާފަ އެވެ. ނަމަވެސް ، ދިވެހި ސަރުކާރުން މީގެ ކުރިން ވަނީ ޗައިނާއާއެކު ސޮއިކުރި އެއްބަސްވުންތަކުގެ ތަފުސީލު ހާމަކުރާނެ ކަމަށް ބުނެފަ އެވެ. ނަމަވެސް އެކަމަށް ވަކި ތާރީހެއް ދީފައެއް ނުވެ އެވެ.

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox