ރާއްޖެއިން ޗައިނާއާ އެކު މުހިއްމު 20 އެއްބަސްވުމެއްގައި މިއަދު ސޮއިކޮށްފި އެވެ.
ދެ ގައުމުން މި އެެއްބަސްވުންތަކުގައި ސޮއިކުރީ ރައީސް ޑރ. މުހައްމަދު މުއިއްޒު ޗައިނާއަށް ކުރައްވަމުން ގެންދަވާ ރަސްމީ ދަތުރުފުޅުގެ ތެރެއިން މިއަދު ބެއިޖިންއަށް ވަޑައިގެންނެވެ. ބެއިޖިންގައި އެމަނިކުފާނު ވަނީ ޗައިނާގެ ރައީސް ޝީ ޖިންޕިންއާ ބައްދަކުރައްވާފަ އެވެ.
ރައީސް އޮފީހުން ބުނި ގޮތުގައި މިއަދު މެންދުރު ފަހު ބެއިޖިންގެ ގްރޭޓް ހޯލް އޮފް ޕީޕަލްގައި ބޭއްވި ސޮއިކުރުމުގެ ރަސްމިއްޔާތުގައި، އެއްބަސްވުންތަކުގައި ސޮއިކުރީ ދެ ގައުމުގެ ވެރިންގެ ހާޒިރުގަ އެވެ. ސޮއިކުރި އެއްބަސްވުންތަކުގެ ތެރޭގައި މި ސަރުކާރުގެ އުމްރާނީ ތަރައްގީގެ ތަސައްވުރުގައި ހިމެނޭ މަޝްރޫއުތަކާއި ވިޔަފާރީގެ ގުޅުންތައް ބަދަހިކުރުމާއި ފަންނީ ދާއިރާތަކުން މީހުން ބިނާކުރުމާއި އިޖުތިމާއީ، އިގުތިސާދީ، ޓެކްނޮލޮޖީ ގުޅުންތައް ވަރުގަދަ ކުރުމާ ގުޅޭ އެއްބަސްވުންތައް ހިމެނެ އެވެ.
ޗައިނާއާ އެކީ ސޮއިކުރި އެއްބަސްވުންތަކަކީ:
- އެމްއޯޔޫ އޮން ކޯޕަރޭޝަން އިން ދަ އޭރިއާ އޮފް ޑިޒާސްޓާ ރިސްކް ރިޑަކްޝަން
- އެމްއޯޔޫ އޮން ޑީޕްނިން ބްލޫ އިކޮނޮމީ ކޯޕަރޭޝަން
- އެމްއޯޔޫ އޮން ސްޓްރެންތްނިން އިންވެސްޓްމަންޓް ކޯޕަރޭޝަން އިން ދަ ޑިޖިޓަލް އިކޮނޮމީ
- އެމްއޯޔޫ އޮން ޕްރޮމޯޓިން އިންވެސްޓްމަންޓް ކޯޕަރޭޝަން އިން ގްރީން ޑިވެލޮޕްމަންޓް
- އެމްއޯޔޫ އޮން ކޯޕަރޭޝަން ބިޓުވީން ޗައިނާ މީޑިއާ ގްރޫޕް އެންޑް ޕަބްލިސް ސާވިސް މީޑިއާ
- އެމްއޯޔޫ އޮން ޖޮއިންޓްލީ އެކްސެލެރޭޓިން ދަ ފޯމިއުލޭޝަން އޮފް ދަ ކޯޕަރޭޝަން އޮން ދަ ބެލްޓް އެންޑް ރޯޑް އިނީޝިއޭޓިވް
- އެމްއޯޔޫ އޮން ސްޓްރެންތްނިން ޑިޖިޓަލް އިކޮނޮމީ ކޯޕަރޭޝަން
- އެމްއޯޔޫ އޮން ހިއުމަން ރިސޯސް ޑިވެލޮޕްމަންޓް ކޯޕަރޭޝަން
- އެމްއޯޔޫ އޮން އެކްސްޗޭންޖް އެންޑް ކޯޕަރޭޝަން އިން ދަ ފީލްޑް އޮފް އިކޮނޮމިކް ޑިވެލޮޕްމަންޓް ޕޮލިސީ
- އެމްއޯޔޫ އޮން ޓެކްނިކަލް ކޯޕަރޭޝަން އޮފް އެންޓްރީ އެންޑް އެކްޒިޓް އެނިމަލް އެންޑް ޕްލާންތް ކޮރެންޓީން
- އެމްއޯޔޫ އޮން ސްޓްރެންތްނިން އޮފް އެގްރިކަލްޗަރަލް ކޯޕަރޭޝަން
- ޗައިނާ-މޯލްޑިވްސް ކޮމްޕްރިހެންސިވް ސްޓްރެޓެޖިކް ކޯޕަރޭޓިވް ޕާޓްނާޝިޕް (2023-2028) އެކްޝަން ޕްލޭން
- ގްރާންޓް އެސިސްޓަންސް އެއްބަސްވުން
- އެމްއޯޔޫ އޮން ކޯޕަރޭޝަން އޮން ގްރީން އެންޑް ލޯ-ކާބަން ޑިވެލޮޕްމަންޓް
- އެމްއޯޔޫ އޮން ސޯޝަލް ހައުސިން ޕްރޮޖެކްޓް އިން ފުށިދިއްގަރު ފަޅު، އެކްސްޕެންޝަން އޮފް ވީއައިއޭ، ފިޝަރީޒް ޕްރޮޑަކްޓްސް ޕްރޮސެސިން ފެސިލިޓީސް އެންޑް ރީ-ޑިވެލޮޕްމަންޓް އޮފް މާލެ އެންޑް ވިލިމާލެ ރޯޑް ޕްރޮޖެކްޓްސް
- އެމްއޯޔޫ އޮން މެރިން ކޯޕަރޭޝަން ޓުވާޑް ބްލޫ ޕާޓްނާޝިޕް
- އެމްއޯޔޫ އޮން ޓޫރިޒަމް ކޯޕަރޭޝަން
- ލެޓާ އޮފް އެކްސްޗޭންޖް އޮން ކޮކަނަޓް ޓްރީ ޕެސްޓް ކޮންޓްރޯލް އެސިސްޓަންސް
- ލެޓާ އޮފް އެކްސްޗޭންޖް އޮން ފީސިބިލިޓީ ސްޓަޑީ އޮން ލެބޯޓްރީ އިކުއިޕްމަންޓް ފޯ ސެވަންޓީން ހެލްތް ފެސިލިޓީސް ޕްރޮޖެކްޓް
- އެމްއޯޔޫ އޮން ނިއުސް ކޯޕަރޭޝަން
ރައީސް މުއިއްޒު ޗައިނާއަށް ކުރައްވަމުން ގެންދަވާ ދަތުރަކީ އެ ގައުމުގެ ރައީސްގެ ދައުވަތަކަށް ކުރައްވަމުން ގެންދަވާ ދަތުރުފުޅެއް. މި ދަތުރުފުޅުގައި ރައީސްގެ އަރިހުގައި ކެބިނެޓު ވަޒީރުންނާއި ދައުލަތުގެ ކުންފުނިތަކުގެ ވެރިން ހިމެނޭ ވަފުދެއް ބައިވެރިވެ ވަޑައިގެންނަވަ އެވެ.
އެއްބަސްވުންތަކުގައި ސޮއިކުރުމަށް ފަހު ދެ ގައުމުގެ ރަސްމީ ވާހަކަތައް ވަނީ ކުރިއަށް ގެންގޮސްފަ އެވެ.
މި ވާހަކަތަކުގައި ރައީސް މުއިއްޒު ރާއްޖޭގެ އިގުތިސޯދީ ކުރިއެރުމުގައި އަދާކުރަމުން އަންނަ ރޯލާއި އިޖުތިމާއީ ބޯހިޔާވަހިކަމާއި މަތީ ތައުލީމުގެ އިތުރުން ތަރައްގީގެ މަޝްރޫއުތައް ހިންގުމުގައި އެ ގައުމުން ވެފައިވާ އެހީއަށް ޝުކުރުއަދާކުރައްވާފަ އެވެ. އަދި މުސްތަގުބަލުގައި ޓޫރިޒަމް ދާއިރާގެ ގުޅުން ބަދަހިކޮށް، ދެ ގައުމުގެ ދެމެދު ދަތުރުކުރާ ފްލައިޓުތައް އިތުރުކުރެވޭނެ ގޮތްތަކާ މެދު މަޝްވަރާކުރެއްވި އެވެ.
ޗައިނާގެ ރައީސް ޝީގެ ވާހަކައިގައި އެމަނިކުފާނު ވަނީ ރިޔާސީ އިންތިހާބުގައި ރައީސް މުއިއްޒު ހޯއްދެވި ކާމިޔާބީއަށް މަރުހަބާ ދަންނަވަމުން، މި ދަތުރަކީ ރާއްޖެ-ޗައިނާ ގުޅުމުގެ މުޅިން އާ ބާބެއްގެ ފެށުމަކަށް ވާނެ ކަމުގެ ޔަގީންކަށް އެބައޮތް ކަމަށް ވިދާޅުވެފަ އެވެ. އޭގެ އިތުރުން އެމަނިކުފާނު ވަނީ ބްލޫ، ގްރީން އަދި ޑިޖިޓަލް އިކޮނޮމީގެ ދާއިރާއިން ދެ ގައުމުގެ ގުޅުން އިތުރަށް ވަރުގަދަކުރުމަށް އުއްމީދު ކުރާ ކަމަށް ވިދާޅުވެފަ އެވެ.
ރައީސް އޮފީހުން ބުނީ ދެ ލީޑަރުން ވެސް ތިއްބެވީ ދެ ގައުމުގެ ގުޅުން މުސްތުގުބަލުގައި އިތުރަށް ވަރުގަދަވެގެން ދިޔުމުގެ ފޮނި އުއްމީދުގައި ކަމަށެވެ.
