ޗައިނާއާ ސޮއިކުރި އިގުތިސޯދީ އެެއްބަސްވުންތައް ސިއްރުކޮށްފި

ރައީސްގެ ދަތުރުގެ ތެރެއިން މި އެއްބަސްވުންތަކުގައި ސޮއިކުރަނީ. މި ދަތުރުގައި ރާއްޖެ އާއި ޗައިނާއިން 20 އެއްބަސްވުމެއްގައި ސޮއިކުރި - ފޮޓޯ: ރައީސް އޮފީސް

ރައީސްގެ ދަތުރުގެ ތެރެއިން މި އެއްބަސްވުންތަކުގައި ސޮއިކުރަނީ. މި ދަތުރުގައި ރާއްޖެ އާއި ޗައިނާއިން 20 އެއްބަސްވުމެއްގައި ސޮއިކުރި - ފޮޓޯ: ރައީސް އޮފީސް

ރައީސުލްޖުމްހޫރިއްޔާ ޑރ. މުހައްމަދު މުއިއްޒު އާއި ސަރުކާރުގެ އިސް ވަފުދެއް މިދިޔަ މަހުގެ ޗައިނާއަށް ކުރެއްވި ރަސްމީ ދަތުރުގައި، އެ ގައުމާ އެކު ސޮއިކުރި 20 އެއްބަސްވުމުގެ ތެރެއިން ރާއްޖޭގެ އިކޮނޮމިކް މިނިސްޓްރީން ސޮއި ކުރި ހުރިހާ އެއްބަސްވުމެއް ސިއްރު ކޮށްފި އެވެ.

އިކޮނޮމިކް މިނިސްޓްރީން ޗައިނާއާއެކު ސޮއިކުރީ ހަތަރު އެއްބަސްވުމެއްގަ އެވެ. މި އެއްބަސްވުންތަކުގައި ރާއްޖޭގެ ފަރާތުން ސޮއިކުރެއްވީ މިނިސްޓަރު މުހައްމަދު ސައީދު އެވެ.

މައުލޫމާތު ހޯދައި ލިބިގަތުމުގެ ހައްގުގެ ގާނޫނުގެ ދަށުން އެ ހަތަރު އެއްބަސްވުމުގެ ތަފުސީލު ވަކި ވަކިން ހޯދުމަށް "އަދަދު" އިން އެދުމުން މިނިސްޓްރީން ވަނީ އެ ތަފުސީލުތައް ދިނުމަށް ދެކޮޅު ހަދާފަ އެވެ.

ވަކިވަކިން ހުށަހެޅި ހަތަރު ހުށަހެޅުމަށް ވެސް މިނިސްޓްރީން އިޖާބަ ދީފައި ނުވަނީ އެ ގާނޫނުގެ 31 ވަނަ މާއްދާއާ ހަވާލު ދިނުމަށް ފަހު އެވެ. އެއީ ސަރުކާރުގެ ސިޔާސަތު އެކުލަވާލުމަށް ހުރަސް އެޅޭ ކަމަށް ބުނެ އެވެ.

"[ހޯދަން އެދިފައިވާ މައުލޫމާތަކީ] މައުލޫމާތު ހޯދާ ލިބިގަތުމުގެ ހައްގުގެ ގާނޫނުގެ ހަތްވަނަ ބާބުގެ 31 ވަނަ މާއްދާގެ 1 އަދި 2 ވަނަ ނަމްބަރުގައި ބަޔާންކުރާ ފަދަ މައުލޫމާތެއް ކަމުގައި ދަންނަވަން," ހަތަރު ޖަވާބުގައި ވެސް ބުނެފައިވެ އެވެ.

titledesc

މި ނިންމުން ރިވިއު ކުރުމަށް އިކޮނޮމިކް މިނިސްޓްރީގެ ރިވިއު ކޮމިޓީއަށް މިހާރު ވާނީ ހުށަހަޅާފަ އެވެ.

ރާއްޖޭގެ އިކޮނޮމިކް މިނިސްޓްރީން ސޮއިކުރި ހަތަރު އެއްބަސްވުން ސިއްރުކުރި އިރު، ރައީސްގެ ދަތުރުގެ ތެރެއިން ޗައިނާއިން ވެސް ވަނީ ރާއްޖެ އާއެކު ސޮއިކުރި 20 އެއްބަސްވުމުގެ އަގާއި ތަފުސީލު ހާމަ ކުރަން ދެކޮޅުހަދާފަ އެވެ.

"ދިވެހިރާއްޖޭގެ ރައީސް ޗައިނާއަށް ކުރައްވާ ދަތުރާ ގުޅޭ ގޮތުން ޝައުގުވެރިކަން ފާޅުކުރުމުން އެކަން ބަލައިގަންނަން. [އެއްބަސްވުންތަކާ ގުޅޭ] މައުލޫމާތު ކަރުދާހެއް ވާނީ ހާމަކޮށްފަ. އިތުރު މައުލޫމާތެއް މިވަގުތު ދެވޭކަށް ނެތް،" ނިއުސް އެޖެންސީ އޭއެފްޕީން ކުރި ސުވާލަކަށް ޖަވާބު ދެއްވަމުން ޗައިނާގެ ފޮރިން މިނިސްްޓްރީގެ ތަރުޖަމާނު މާއޯ ނިންގް، ޖެނުއަރީ 12، 2024 ގައި ވިދާޅުވި އެވެ.

ޗައިނާއިން މި އެއްބަސްވުންތަކުގެ ތަފުސީލު ހާމަނުކުރި ނަމަވެސް، ދިވެހި ސަރުކާރުން މީގެ ކުރިން ވަނީ ޗައިނާއާއެކު ސޮއިކުރި އެއްބަސްވުންތަކުގެ ތަފުސީލު ހާމަކުރާނެ ކަމަށް ބުނެފަ އެވެ. ނަމަވެސް އެކަމަށް ވަކި ތާރީހެއް ދީފައެއް ނުވެ އެވެ.

އިކޮނޮމިކް މިނިސްޓްރީން ސިއްރުކުރި ހަތަރު އެއްބަސްވުމަކީ:

  • މެމޮރެންޑަމް އޮފް އަންޑަސްޓޭންޑިން އޮން އެކްސްޗޭންޖް އެންޑް ކޯޕަރޭޝަން އިން ދަ ފީލްޑް އޮފް އިކޮނޮމިކް ޑިވެލޮޕްމަންޓް ޕޮލިސީ
  • މެމޮރަންޑަމް އޮފް އަންޑަސްޓޭންޑިން އޮން ސްޓްރެންތްނިން ޑިޖިޓަލް އިކޮނޮމީ ކޯޕަރޭޝަން
  • މެމޮރެންޑަމް އޮފް އަންޑަސްޓޭންޑިން އޮން ޖޮއިންޓްލީ އެކްސެލެރޭޓިން ދަ ފޯމިއުލޭޝަން އޮފް ދަ ކޯޕަރޭޝަން ޕްލޭން އޮން ދަ ބެލްޓް އެންޑް ރޯޑް އިނިޝިއޭޓިވް
  • މެމޮރަންޑަމް އޮފް އަންޑަސްޓޭންޑިން އޮން ޕްރޮމޯޓިން އިންވެސްޓްމަންޓް ކޯޕަރޭޝަން އިން ގްރީން ޑިވެލޮޕްމެންޓް

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox